I. De colère. — 2. Hors de sens

la chambre où ilz sont, et les trouve ensemble, ou bien près. Si cuide tenir le pouvre compaignon adventureux , lequel est tout jugié , et si sourprins qu'il n'a povoir de rien dire ni de soy deffendre. Et ainsi qu'il le veult ferir, la dame, pour pitié du pouvre homme, et pour fère son devoir (car elle doit tousjours garder de faire murtres) vient embracer son mary en lui disant : « Ha a! pour Dieu, mon seigneur, gardez vous de faire ung mauves coup ! » Et sur ce le galant, qui a ung pou de delay, desplée ses jambes et s'en va, et l'autre va après, qui n'a pas loisir de tuer sa femme. Et ainsi le pouvre compaignon lui eschappe, qui va bien toust', et n'est pas de merveilles; car il n'est homme si diligent d'aller, pour nécessité qu'il ait , comme ribault eschappe des mains de ceulx qui l'ont voulu entreprendre. Lors le mary, qui ne sceit qu'il est devenu , retourne hastivement à la chambre , en espérance de trouver sa femme, affm delavillener ou tuer, qui seroit très-mal fait à lui : car il n'est pas acertené qu'ils aient rien fait de mal, pource qu'il arriva entre deux.

Or faut-il savoir que la pouvre femme desconseillée est devenue. El s'en est allée chiés sa mère, chiés sa sœur ou chiés sa -cousine : mes plus bel est qu'elle soit chiés sa mère que ailleurs. La pouvre femme compte à sa mère tout ce qu'il lui est avenu ; mes el li dit que le gallant estoit entré d'aventure liens , et que oncques mes n'y avoit esté ; et que son mari l'avoit trouvé d'aventure parlant à elle , sans autre mal faire.