Bien vite

DE Mariage. 125

Et sa mère li demande : « Que deable , fait-elle, avoit-il affere avecques toy ? — Par Dieu , il est bien vray qu'il m'avoit parlé deux ou troys foiz de cela , mais je l'en avoye bien resfusé ; et il ne faisoit qu'entrer et m'en parloil, et je luy disoye qu'il s'en allast. » Lors el jure grans seremens que elle ameroit mielx qu'il fust pendu; ou à l'aventure el luy confesse toute la matière : quar la mère lui dit (qui sceit assés de la veille dance) : «Certes, je me doubte qu'il y ait aultre chose, ne je ne t'en creroy ja qu'il eust ousé entrer en ta chambre s'il n'eust grant acointance à toy. Dy le moy, fait-elle, hardiement, affm que je te pence de y mettre remède. » La fille baisse le vis^ et rougist. « Ha a! fait la mère, je cognois bien que c'est; dy moy, dy moy comment il en est? — Par ma foy, le mauves homme m'a priée plus de deux ans, et me estoye tousjours si bien deffendue, jusques à une foiz que mon mary estoit allé dehors, qu'il entra, ne scey comment, en nostre maison, si avoy-je bien fermé la porte , et me forsa ; et par mon ame je m'en deffendi plus de demie nuit, qu'il me mist en la grosse alaine : et vous savez que ce n'est rien que d'une pouvre femme seulle. — Ha a! de par touz les diables, fait la mère, je le savoye bien. Or avant, fait-elle, gouverne toy bien sagement, et que le garson ne aille plus ne ne vienne ciens. — Ha a! Madame, il luy convenist mander qu'il n'y venist point : car je scey bien qu'il est maintenant en grant malaise, pour ce qu'il cuide que mon mary me ait tuée ; et il est