I. visage

bien si foui qu'il viendra sçavoir si je suis morte ou vive. — Si suy moult esbahie, fait la mère, que ton mary ne le tua, et toy aussi. — Ave Maria ! Madame , par mon serement , si je n'eusse embracé mon mary il estoit mort, le pouvre homme. — Tu feis que sage de l'en garder : car puis que ung pouvre home a mis son corps en adventure pour servir une femme, et en prent de mauveses nuiz, elle devroit mieulx mourir que de le laisser villener. — Hellas! ma dame, si vous savez quel homme il est ! car, par mon serement, j'ai veu qu'il pleuvoit et gresloit et fasoit noir comme en ung four, que le pouvre homme venoit tout à pié, affm qu'il ne fust aperçeu , et actendoit en nostre jardin plus de demie nuit que je ne povoie trouver manière d'aller à lui; et quant j'y alloye, je trouvoy le pouvre homme tout gelé, mais il n'en fasoit compte. — Je m'esmerveilloye , fait la mère, comment il me portoit si grant honneur : et quant je yoys' à l'église, il me vient donner de l'eau benoiste , et partout où il me trouve il me fait touz les services qu'il peut. — Par ma foy, Madame, il vous ame bien. — Or avant, fait la mère, il y faut mètre remède , qui pourra. Viensa , fait-elle à la chamberiere ; va dire à mes commères telles et telles que je leur prie que se viennent esbatre avec moy : car j'ay ung pou affaires avec elles.» La chamberiere s'en va, et dit aux commères ce que la mère leur mande. Les commères s'en viennent à l'oustel et se seent à l'entour d'un beau feu , si c'est en yver ; et si c'est