Malheureux , ayant mauvaise chance

DE Mariage. 127

nous mengerons du pasté pour l'amour de luy , avant que nous en aillons. — Et par Saincte Marie, fait l'autre, je vouldroie qu'il fust icy. — Hée Dieux, dit la chamberiere, qu'il seroit aise! car il est tout transi, et est si palle qu'il semble qu'il soit mort. — Par vostre foy , ma commère , envolons le quérir ? — Je le veilx bien , fait la mère : mes qu'il viengne par Puis derrière '. )) Lors à l'aventure il y vient, et se raudent et s'esbatent, et ont grant pitié de lui et lui font place. Lors envoient quérir la chamberiere du bon homme , laquelle scet tout et sçavet tout le fait davant et en avoit eu à l'aventure une bonne robe. La chamberiere vient, et une des commères lui demande : « Par ton serement Jhesucrist, quelle chiere fait ton mestreP — Quelle chiere ? fait-elle ; il ne faut jà en demander : car, par mon ame, oncques puis hyer matin, que la malle aventure ariva , il ne beut ne ne mengea ne ne repousa. Par ma foy, il s'est mis ce matin à table , mes il n'y a oncques coulé de viande : car quant il avoit mis ung morceau de viande en la bouche , il ne le povoit avaller, et le jetoit. Et puis il se prenoit à penser sur la table en se merencolient ; et est aussi palle et deffiguré comme ung homme mort. Puis prend son cutel de quoy il trenche , et il frappe dessus le table ; puis s'en va au jardin ; puis revient , et ne peut ester > ne fere contenance ; et toute la journée et la nuytée il jeté ungs sanglons 4 : il n'est home qui n'en eust pitié. — Pitié ! fait l'autre : il gue-

I. Par la porte de derrière. — 2. Couteau. 3. Se tenir tranquille. — 4. Des sanglots.

rira bien , si Dieu plest. Par Dieu, ma commère, vous en avez veu de aultres aussi malades , qui sont bien gueriz, Dieu mercy. Mes vraiement , fait-el à la chamberiere , tu y as grand faulte ; tu savoies bien le feit, et ta mestresse se fioiten toy, que tu ne t'en donnoies de garde. — Ha a! par le Sacrement Dieu , je ne cuidasse jamès qu'il venist à icelle heure, car oncques mes je ne lui vi faire le tour qu'il fist : que maudit soit-il de Dieu ! — Amen », font-elles; et si est-il.

Ainsi se raudent et moquent du bon homme. Lors entreprennent laquelle ira premièrement parler au bon home , qui est en sa meson comme ung homme qui est jugé à pendre. Et premièrement s'en viennent une ou deux de ses plus especialles commères et voisines qu'il ait joyeusement. Et l'une, dès l'entrée de l'oustel, lui dit : <' Que f-uctes-vous , mon compère ? » Et il ne sonne mot, et les lesse venir jusquesà lui. Elles s'en viennent seoir au plus près de lui. Et lui dit l'une d'elles: «Quelle chiere faites-vous, mon compère ? — Je ne taiz , fait-il , aultre chiere. Qu'est ce à dire? — Vraiement, fait-elle, je vous veilblasmer : car ma commère, la mère de vostre femme , m'a dit je ne scey quelles folies ; et par mon serement , vous n'estes pas sage de croire telles nycetez ' : car par l'ame qui en mon corps bat , je suy certaine comme je suy de la mort , et en jureroye sur Dieu tout sacré, qu'elle ne vousfist oncques faulte, ne n'en eustvoulenté. » Et l'autre lui dit : « Par Nostre Dame du Puy, où j'ay mon corps porté, s'il a pieu à Dieu, je