LA QUARTE JOYE

^a quarte joye de mariage, si est ' quand celuy qui est marié a esté ÎJ en son mariage , et y demeure vi ou I VII, IX ou X ans, ou plus ou moins, et a cuicq ou six enfans, et a passé touz les maulx jours, les malles nuitz, et malcurtez dessusdites , ou aucunes d'icelles , dont il a eu maint mauves repoux ; et est j à sa jeunesse fort relFroydie, tant qu'il fust temps de soy repouser, s'il peust : car il est si mat, si las, si dompté du travail et tourment de mesnage, qu'il ne lui chault plus de chouse que sa femme lui die ne face , mes y est adurci comme un vieil asne qui par acoustumance endure l'aguillon , pour lequel il ne haste gueres son pas qu'il a acoustumé d'aller.

Le pouvre home voit et regarde une fille , ou deux , ou trois , qui sont prestes à marier, et leur tarde , car on le cognoist ad ce qu'elles

Les Quinze Joyes de Mau. 4* sont toiisjoiirs jouans et saillans. Et à l'aventure le proudomme n'a pas grant chevance, et il fault aux filles et aultres enfans rohes, chausses , souliers , pourpoins , vitaille et aultres choses. Et mesmement les filles fault tenir joliement pour trois chouses, l'une pour ce que elles en seront plustoust demandées à marier de pluseurs gallans; l'autre si est, que les filles en auront bon cuer et gay de leur nature , et jamès ne seroient aultrement que elles ne fussent jolies ; l'autre si est , que si le proudomme ne le veult ores fere, il n'en fera jà rien pour lui , car la dame , qui a passé par ceste yoye comme elles , ne le souffriroit pas ; et à l'aventure qui ne les tiendroit joliement, elles trouveroient manière d'avoir leurs jolivetez, dont je me tais. Si que le bon homme, qui est abayé de touz coustez, pour les grans charges qu'il a à porter, sera mal abillé , et ne lui chault mes qu'il vive ; et aussi il souflist bien : car le poisson qui est en la nasse si auroit encore bon temps, si l'en le lessoit vivre liens en languissant ; mes on lui abrège ses jours. Si fait-on au bon homme, qui est mis en la nasse de ménage, par les tourmens que je dy, et aultres innumelables.

Etpourcelui , voiant les charges dessusdites, et ce qu'il a à faire, comme j'ay dit, il ne luy

chaut , mes qu'il vive ; et est tout en nonclialoir, comme ung cheval recrcu qui ue fait compte de l'esperon , ne de chouse que l'en lui face. Ce nonobstant il fault qu'il trote et aille par païs pour gouverner sa terre, ou pour sa marchandise , selon Testât dont il est ; il a à l'aventure deux pouvres chevaulx , ou ung, ou n'en a point. Maintenant s'en va à six ou à dix lieues, pour ung affaire qu'il a. L'autre fois va à vingt ou à xxx lieues à une assise ou en parlement, pour une vieille cause ruyueuse qu'il a , qui dure dès le temps de son besaieul. Il a unes botes qui ont bien deux ou trois ans , et ont tant de foiz esté reppareillées par le bas, qu'elles sont courtes d'un pied , et sans faczon , car ce qui soulloit estre au genoil est maintenant au milieu de la jambe. Et a ungs espérons du temps du roy Clotaire, de la vieille façon, dont l'un n'a point de molete. Et a une robe de parement qu'il y a bien cincq ou six ans qu'il a , mais il ne l'a pas acoustumé porter, sinon aux festes ou quant l'en va dehors ; et est de la vieille faczon , pource que depuis que elle fut faite il est venu une nouvelle faczon de robes. Et quelque jeu ou instrumens qu'il voie, il luy souvient tousjours de sonmesnage, et ne peut avoir plaisir en chose qu'il voye. Il vit moult pouvrement sur les chemins , et les che-

DE Mariage. 43

vaux de mesmes , s'il en y a. Il a xing valet tout dessiré * , qui a une vieille espée que son maistre gaingna à la bataille de Flandres^, ou ailleurs, et une robe que chascun cognoistbien qu'il n y estoit point quant elle fut taillée, ou au moins elle ne fut pas taillée sur luy, car les coustures de dessus les espaulles en chaient trop bas. Il porte unes vieilles bouges^ où le bon bonis porta son harnoys à la bataille de Flandres ' : ou a aultres abillemens , selon Testât dont il est.

Brief, le bonhomme fait le mieulx qu'il peut, et aux moindres despens , car il y a assez à la meson qui le despent. Et ne sceit gueres de plet, et est bien pelicé" d'avocatz, de

* Dessiré. Dans rédition originale et dans celles de Rosset on lit desgaroté , que Rosset explique par déchiré. L'édition Treperel dit esgarouillié.

2 La bataille de Flandres. Le Duchat suppose qu'il s'agit ici de la bataille de Rosbecque , en i382. ^ Bouge, valise, petit coffre.

* Au lieu de la bataille de Flandres, l'édition Treperel parle cette fois de la bataille de Chypre , qui eut lieu vers iSgS. L'édition originale ne dit pas en cet endroit de quelle bataille il s'agit. Remarquons ici que le mss. et toutes les éditions parlent du bonhomme comme ayant assisté à ces batailles, à l'exception de l'édition Treperel , qui parle de son père.

= Peticé. L'édition originale dit empesché; les autres

sergeans et de greffiers. Et s'en vient le pluslost qu'il peut à sa meson, et pour l'afFection que il a d'y venir, et aussi qu'il n'a voulu demeurer par les voies , pour les despens qui sont fort grands. Ârive à l'aventure à sa meson à telle heure qu'il est aussi près du matin comme du soir , et ne trouve que souper, car la dame et tout son ménage sont couchez : et prent tout en bonne pacience , car il l'a Lien acoustumé. Et quant à moy , je croy que Dieu ne donne adversité aux gens sinon selon ce qu'il les sceit francs et débonnaires pour paciamment endurer; et ne donne froit aux gens sinon selon ce qu'ils sont garnizde robes. Et s'il avient que le bon home arive de bonne heure, moult las et travaillé, et a le cuer pensif, chargié et engoisseux de ses besongnes, et cuide estre bien arrivé , combien qu'il a esté maintefois receu comme il sera , la dame tence et tempeste par la maison : et sachez , quelque chose que le bon homme commande , les serviteurs n'en feront riens , car ils sont touz à la poste de la dame , et les a tous endoctrinez, et s'ilz faisoient aucune chose contre sa doctrine, il conviendroit qu'ilz alassent ailleui's quérir

dcspclicé , dcsplicé, que Le Duchal explique par plumé, dépouillé de sa fourrure.

DE Mariage. 45

service, et ilz ont bien essayé la dame; et poiirce il pcrt sa paine de rien commander , s'il ne plcist à la dame. Si le pouvre vallct qui a esté avecques lui demande aucune chose, pour luy ou pour ses chevaux , il sera suspect et reboulé, qu'il n'osera rien dire. Et ainsi le bon homme, qui est sage, et ne veult point faire de noise ne troubler sa famille, prent tout en pacience, et se siet bien loing du feu, combien qu'd ait grant froit ; mais la dame et les enfans sont à l'environ ; et regarde à l'aventure la contenance de la dame , qui est maie et diverse, et ne fait compte de lui, ne de faire aprester à souper , et tence et dit paroUes de travers, cuisantes, qui tousjours chargent le pouvi'e homme, qui ne sonne mot. Et avient souvent que par la fain et le travail qu'il a , et pour la manière de sa femme, qu'il voit si merveilleuse , qui fait semblant qu'il n'y a riens en la meson , le bon home se cuide courroucer, et dit : Vraiement, dame, vous faites bien des vostres ! Je suy las et travaillé , et ne beu et ne mangé huy, et suis moillé jusques à la chemise , et vous n'en faites compte, ne d'aprester à souper ne autrement. — Par ma foy, vous avez fait ung beau fait ! j'ay plus perdu en mon lin ou en mon chanvre , que je n'ay eu qui les me ait mis en l'aire roïr (pour-

ce que vous aviez mené le vallct) que vous ne gaingnerez, par le sacrement de Dieu, de cy à quatre ans. Je vous avoye bien dit piecza, de par tous les diables , que vous feissés fermer nostre poullailler, où la martre a mengé trois de mes mères gelines couveresses , dont vous vous appercevrez bien du dommage. Et, par Dieu , si vous vives, vous scrés le plus pouvrc lioms de vostre lignage. — Belle dame, fait-il, ne me dictes point telles parolles; Dieu mercy j'ay assez , et auray si Dieu plaist, et ay de bonnes gens en mon lignage. — Quoy, fait-el, de vostre lignage, par sainte Marie, je ne sçay où il sont, mais au moins je n'en voy gueres qui vaillent. — Par Dieu, dit-il, dame, il y en a de bons. — Et que vous vallent-ilz, fait-elle?

— Qu'ilz me vallent, fait le proudomme? mes que me vallent les vostres? — Que vous vallent mes amis, fait la dame? par le sacrement Dieu , vostre fait fust bien petit s'ilz ne fussent. — Et pour Dieu , fait-il , laissés ester ces parolles pour le présent. — Certes, fait-elle, ils vous en respondioient bien si leur en parliez.

— Lors le bon-bomme se taist , car à l'aventure il a doubte que elle le die à ses amis, qu'il die mal d'eulx, pour ce que el est de plus grant lignage qu'il n'est.

Et lors se prent à plourer un g des petis en-

DE Mariage. 4/

fans, qui est à l'aventure celluy que le bonhome ayme le mieux ; et la dame prent une verge et le bat très-bien , par despit du bonhome plus que pour autre chose. Lors luy dit le preudome : belle dame , ne le bâtez pas, et se cuide courroucer. Et la dame lui dit : ça de par le deable , vous n'avez pas la paine de les gouverner, ne il ne vous couste gueres; je suy jour et nuict après : que la malle boce s'y puisse ferir. — Ha, a, belle dame, fait-il , c'est mal dit. — Avoy, Monsieur, dit la nourrice , vous ne savés pas la paine que madame y a, et qu'ilz nous font endurer à les nourrir. — Par ma foy, dit la chambrière , c'est grant honte de vous quant vous venez de hors, que la meson deust estre resjoye de vostre venue, et vous ne faites que noise. — Quelle noise, fait il , est ce là? Par ma foi je ne la fais pas.

Lors toute sa famille est contre luy , et ainsi lebon homme soy voiant acuUé de touz coustés, où il a esté maintes fois , et voit bien qu'il n'y gaingneroitrien, s'en va souvent coucher sans soupper, sans feu, tout moillé et morfondu : et s'il soupe, Dieu sait comment , et en quelle aise et plaisance. Puis s'en va coucher, et oyt les enfans crier la nuitée : et la dame et la nourrice les lessent à l'aventure crier tout à escient , par despit du bon-homme. Ainsi passe

la nnyt en soussy et tourmens, qu'il tient à grant joye , veu qu'il ne vouldroit pas aultreinent estre. Pource y est et y demourra tousjours, et finira misérablement ses jours.