SALE 2 Ÿ — À

Je ne veulx point fouiller au sein de la nature, Je neveulx point chercher l'esprit de l'univers, Je ne veulx point sonder les abysmes couvers, Nr desseigner du ciel la belle architecture.

Je ne peins mes tableaux de si riche peinture, Et si haults arguments ne recherche à mes vers : Mais suivant de ce lieu les accidents divers, Soit de bien, soit de mal, j'escris à l'adventure.

Je me plains à mes vers, si j ay quelque regret, Je me ris avec eulx, je leur dy mon secret, Comme estans de mon cœur les plus seurs secrétaires.

Aussi ne veulx-je tant les pigner et friser, Et de plus braves noms ne les veulx desguiser, Que de papiers journaulx, ou bien de commentaires.

Un plus scavant que moy Paschal) ira songer Aveques l'Ascréan dessus la double cyme :

Et pour estre de ceulx dont on fait plus d'estime, Dedans l'onde au cheval tout nud S ira plonger.

Quant à moy, je ne veulx, pour un vers allonger, M'accoursir le cerveau : ny pour polir ma ryme, Me consumer l'esprit d’une songneuse lime, Frapper dessus ma table, ou mes ongles ronger.

Aussi veulx-je (Paschal) que ce que je compose Soit une prose en ryme, ou une ryme en prose, Et ne veulx pour cela le laurier mériter.

Et peult estre que tel se pense bien habile, Qui trouvant de mes vers la ryme si facile, En vain travaillera, me voulant imiter.

N'estant, comme je suis, encor’ exercité

Par tant et tant de maulx au jeu de la Fortune, Je suivois d’Apollon la trace non commune, Dune saincte fureur sainctement agité.

Ores ne sentant plus ceste divinité,

Mais picqué du soucy qui fascheux m'importune, Une adresse j ay pris beaucoup plus opportune

A qui se sent forcé de la nécessité.

Et c’est pourquoy (Seigneur) ayant perdu la trace Que suit vostre Ronsard par les champs de la Grace, Je m'adresse où je voy le chemin plus battu :

Ne me bastant le cœur, la force, ny l'haleine, De suyvre, comme luy, par sueur et par peine, Ce pénible sentier qui meine à la vertu.

Je ne veulx feuilleter les exemplaires Grecs, Je ne veulx retracer les beaux traicts d’un Horace, Et moins veulx-je imiter d’un Pétrarque la grace, Ou la voix d'un Ronsard, pour chanter mes regrets.

Ceulx qui sont de Phœbus vrais poëtes sacrez, Animeront leurs vers d’une plus grand’ audace: Moy, qui suis agité d'une fureur plus basse,

Je n'entre si avant en si profonds secretz.

Je me contenteray de simplement escrire Ce que la passion seulement me fait dire, Sans rechercher ailleurs plus graves arguments.

Aussi n'ay-je entrepris d'imiter en ce livre Ceulx qui par leurs escripts se vantent de revivre, Et se tirer tous vifz dehors des monuments.

Ceulx qui sont amoureux, leurs amours chanteront, Ceulx qui ayment l'honneur, chanteront de la gloire, Ceulx qui sont près du Roy, publiront sa victoire,

Ceulx qui sont courtisans, leurs faveurs vanteront :

Ceulx qui ayment les arts, les sciences diront, Ceulx qui sont vertueux, pour tels se feront croire, Ceulx qui ay ment le vin, deviseront de boire, Ceulx qui sont de loisir, de fables escriront :

Ceulx qui sont mesdisans, se plairont à mesdire,

Ceulx qui sont moins fascheux, diront des mots pour [rire,

Ceulx qui sont plus vaillans, vanteront leur valeur:

Ceulx qui se plaisent trop, chanteront leur louange,

Ceulx qui veulent flater, feront d'un diable un ange:

Moy, qui suis malheureux, je plaindray mon mal- (eur.

Las, où est maintenant ce mespris de Fortune?

Où est ce cœur vainqueur de toute adversité,

Cest honneste désir de l’immortalité,

Et ceste honneste flamme au peuple non commune?

Où sont ces doulx plaisirs, qu'au soir sous la nuict [brune

Les Muses me donnoient, alors qu’en liberté

Dessus le verd tapy d'un rivage escarté

Je les menois danser aux rayons de la Lune?

Maintenant la Fortune est maistresse de moy, Et mon cœur qui souloit estre maïstre de soy, Est serf de mille maul et regrets qui m'ennuyent.

De la postérité je nay plus de soucy, Ceste divine ardeur, je ne Lay plus aussi, Et les Muses de moy, comme estranges, s’enfuyent.