CONTRE LES HAISSANS LA VIE

le ne puis souffrir le mespris

Que tant de gens font de la vie,

lusqu'à proposer de grands pris,

A ceux qui se l'estoient rauie :

Ce sentiment ne naist qu'en vn morne cerueau, Qui meconnoistla gloire, et deuient son bourreau;

Outre que cette extrauagance

Choque mesme la conscience, Mille galans espris ont desia pris le soin

D'escrire contre cette rage ;

Pour moy le ne vais pas si loin

Et n'entre qu'au premier estage :

Si la vie est vn champ cultiué de malheurs, Semé de nos soupirs, arrosé de nos larmes, Dont la moisson n'est rien qu'espines, que douleurs, Et les moins mauuais fruits, que craintes et qu'a-

[larmes ; Pourquoy Dieu promet-il de prolonger les iours. Comme vne recompense au chastiment- contraire,

Aux enfans qui dans ces seiours

Auront honoré père et mère ?