Sourd
à une dame qui a non madame Trote de Salerne, qui fait cuevre-chief de ces oreilles, et li sorciz li pendant à chaainnes d'argent par desus les espaules; et sachiez que c'est la plus sage dame qui soit enz quatre parties dou monde. Ma dame si nos envoie en diverses terres et en divers païs, en Puille, en Calabre, en Tosquanne, en Terre de Labour, en Alemaingne, en Soissonnie, en Gascoingne, en Espaigne, en Brie, en Champaingne, en Borgoigne, et la forest d'Ardanne, por ocirre les bestes sauvages et por traire les oignemenz, por doneir médecines à ceux qui ont les maladies ès cors. Ma dame si me dist et me commande que, en queilque leu que je venisse, que je déisse aucune choze si que cil qui fussent entour moi i preissent boen essample, et por ce qu'ele me fist jureir seur sainz, quant je me départi de li, je vos apanrai à garir dou mal des vers, se vos le voleiz oïr. — Voleiz oïr?
Aucune genz i a qui me demandent dont les vers viennent. Je vos fais asavoir qu'il viennent de diverses viandes reschauffées, et de ces vins enfuteiz et boteiz. Si se congrient
ès cors par chaleur et par humeur; car si, con dient li philosophe, toutes chozes en sunt criées, et por ce, si viennent li ver ès cors qui montent juqu'au cuer, et font morir d'une maladie c'on apele mort sobitainne. Seigniez vos! Diex vos en gart touz et toutes !
Por la maladie des vers garir (à voz iex la véeiz, à voz piez la marchiez!) la meilleur herbe qui soit elz quatre parties dou monde, ce est l'ermoize. Ces famés c'en ceignent le soir de la Saint-Jehan, et en font chapiaux seur lor chiez, et dient que goûte ne avertinz ne les puet panre n'en chief, n'en braz, n'en pié, n'en main; mais je me merveil quant les testes ne lor brisent et que li cors ne rompent parmi, tant a l'erbe de vertu en soi# En cele Champeigne où je fui neiz l'apelehon marreborc, qui vaut autant corn la meire des herbes. De cele herbes panrroiz troiz racines, V fuelles de sauge, IX fuelles de plantaing; bateiz ces chozes en I mortier de cuyvre, à un peteil de fer, desgeuneiz vos dou jus par III matins : gariz sereiz de la maladie des vers.
Osteiz vos chaperons, tendeiz les oreilles, regardeiz mes herbes, que ma dame envoie en cest païs (et en cest terre) ; et por ce qu'el vuet que li povres i puist ausi bien avenir coume li riches, ele me dist que j'en féisse danrrée; car teiz a I denier en sa borce qui n'i a pas V solz; et me dist et me commanda que je préisse I denier de la monoie qui corroit el païs et en la contrée où je vanroie : à Paris I parisi, à Orliens I orlenois, à Aumans I mansois, à Chartres I chartain , à Londres en Aingleterre I esterlin ; por dou pain , por dou vin à moi; por dou fain, por de l'avainne à mon roncin; car teil qui auteil sert d'auteil doit vivre.
Et je di que c'il estoit si povres, ou honz ou lame, qu'il n'eust que doner, venist avant ; je li presteroie l'une de mes mains por Dieu et l'autre por sa meire, ne mais que d'ui en I an féist chanteir une messe do Saint- Espérit, je di nouméement por l'arme de ma dame, qui cest mestier m'aprist, que je ne fasse jà trois pez que li quars ne soit por l'arme de son père et de sa mère, en rémis-
sion de leur péchiez. Ces herbes, vos ne les mangereiz pas, car il n'a si fort buef en cest païs, ne si fort destrier qui c'il en avoit ausi groz com I pois sor la langue qu'il ne morust de maie mort, tant sont fors et ameires; et ce qui est ameir à la bouche, si est boen au cuer. Vos les me metreiz III jors dormir en boen vin blanc; se vos n'aveiz blanc, si preneiz vermeil; si vos n'aveiz vermeil, preneiz de la bele yaue clère ; car teiz a un puis devant son huix, qui n'a pas I tonel de vin en son celier. Si vos en desgeunereiz par XIII matins. Ce vos failleiz à un, preneiz autre; car ce ne sont pas charaies. Et je vos di par la paission dont Diex maudist Corbitaz le juif qui lorja les XXX pièces d'argent en la tour d'Abilent, à III liues de Jhérusalem, dont Diex fu venduz, que vos sereiz gariz de diverses maladies et de divers mahainz, de toutes fièvres sanz quartainne, de toutes goûtes sanz palazine, de l'en fleure dou cors, de la vainne dou cul c'ele vos débat. Car ce mes pères et ma mère estoient ou péril de la mort et il me demandoient la meilleur herbe que
je lor peusse doneir, je lor donroîe ceste.
En teil menière venz je mes herbes et mes oignemens. Qui vodra si en preingne, qui ne vodra si les laist.
