L'IMPORTUNITÉ ET MALHEUR DE NOS ANS

Paravant que Saturne, au lieu du diadème,

Prinst la faulx laboureuse, et j a sa fille blême

De sa virginité, se joignist au grand Dieu,

Toute ame se trou voit heureuse en ce bas lieu.

Jamais on ne parloit que le Ciel se changeait

Bien qu'il couvast un mal, que pource il deschargeait

Ce malheur sur la terre, au contraire c'estoit

Lors qu'elle portoit plus que l'on ne souhaittoit.

Jamais on ne voyoit la saison retournée

L'hyver estoit yver, l'Esté, par sa journée,

Demonstroit clerement l'efEect de son Soleil :

L'Automne et le Printems estoit tousjours pareil.

Mais ce despiteux siècle et nostre aage envieux.

Tel que jamais un seul des pares les plus vieux

Ne pourroit dénommer par le cuyvre ou le fer.

Nous faict avant le temps languir en un enfer.

Ja seize cens ans sont, les hommes mieux vivans.

Les plus gentilz esprits et les plus cler-voyans

Disoient bien que leur siècle estoit le neufviesme aage.

Pire à celuy de fer, et disoient d'adventage

Que, pour déterminer un aage si brutal.

Nature auroit besoin forger nouveau métal.

Les révolutions ou telz escrits sçavans.

N'ont tant avec vertu melioré noz ans.

Que nous ne puissions mieux, à force de raison.

Dire que nostre siècle a la pire saison.

Ceux qui tiennent les rancs et plus souverains lieux

Chassent d'eux bien souvent la crainte deue aux cieux

Et ne part de leur cœur si peu de piété

Qui tasche entretenir nostre société;

Ils songent seullement à leur ambition.

C'est leur but, et subject : toute leur passion

Consiste en ce seul point, de veoir que leur grandeur

Au détriment de tou&, croisse selon leur cœur.

Combien il vauldroit mieux que tant de biens exqui;?.

Tant de gloire et de nom, par leurs pères acquis.

Fussent bien mesurez, et bien bornez en soy.

Sans forcer les petits et violer leur loy.

Toute principaulté n'a point plus digne voix

Que se dire soubmise et subjecte à ses loix.

Et, à la vérité, si l'eSect suit le dire.

Il est Prince plus grand- que n'est un grand empire

Or n'est-il mal aucun, ny cruauté barbare

Ny Scythique rigueur, ny fureur de Tartare

Qui n'ait son libre cours, ou main si sanguinaire

Qui ne puisse sans peur estre homicidiaire,

Et bien souvent le juste et l'homme plus humain,

Jectant ses humbles cris, trébuche en telle main,

Ce qui n'adviendroit pas si le zèle des grans

Employoit ses vertus à chasser les meschans,

Unissans leur courage à ne rien aspirer

Qu'au bien que le commun pourroit d'eux attirer;

Mais ce grand poUtique et si docte orateur

Qui mourut à la fin pour n'estre point flatteur,

Prophetisoit dès lors que les plus grands espris

Estoient d'ambition plustost qu'autres épris.

Ainsi, l'ordre du temps en toute Monarchie

A prins son changement. La première Assyrie,

Le Medois, et le Perse, et Macédonien,

Ont faict place aux Romains par semblable moj^en.

Ces tant sages humains, après tant de conquestes,

Se sont cassez l'un l'autre enfin leurs fortes testes.

En perdant tout à coup tant d'insignes labeurs

Par leur contention misérable d'honneurs.

Paravant qu'Arbactus trouvast Sardanapale

Avec l'Assyrienne, au milieu de sa sale.

Filant le Pourpre aux doigts en habit féminin, Soubz cet umbre couvant l'ambitieux venin Qui depuis transporta le règne Assyrien A celuy des Medois, par ce mensonge sien Qu'il ne peut obéir à celuy qui, plustost, S'aymast entre putains qu'au milieu de son ost : L'Assyrien vivoit en sa postérité.

En ses anciennes loix, et en sa liberté. Quand Astyage eut veu, par son songe fatal. Sa Fille (qui depuis fut cause de son mai) Engendrer une vigne, en laquelle un sarment Par son umbre couvroit l'Asie entièrement, Il commença, deslors, à doubter de sa vie. Et craindre un changement au règne de l'Asie. Il maria sa FiUe, or qu'elle fust unique. En lieu qui n'aspirast à Testât tyrannique. Et commeit Harpagus pour exposer le fruit Qui lui causa la craincte en ce songe la nuit. Il fit manger, cruel, au Père, son enfant. Pour avoir espargné Cyrus au-paravant; Aussi perdit il tost ceste principauté Qu'n pensoit conserver par tant de cruauté. O l'ame ambitieuse et manque en jugement. Qui ne sçavoit prévoir que, naturellement. Si ce songe estoit vray, son filz pouvoit tenir Son règne par sa mort, luy vivant s'abstenir. Artabane, espiant la vie à son seigneur Et à tous ses enfans, se causa son malheur. Cyrus, voulant régner aussi bien que son frère Artaxerce, venant au sceptre de son père Par droit de testament, n'estimant son départ Tel qu'il ne deust au règne avoir meilleure part. Eut en fin, par le fer, sa journée fatale. Et tomba par l'efîort de l'armée Royale. Ocho, l'un des trois filz du père infortuné Qui, pour avoir son siège avant le temps donné

A Darius, l'un d'eux, (s'estoit faict ennemy De celuy qui deust estre obséquieux amy) Pensant, comme son père, après la mort du filz. Trancher tous les moyens, mesmes aux plus petits. De nuire à son estât, après avoir estaint Tout le reste du sang, fut aussi tost attaint D'une mort non preveu', laissant un vassal sien, Sorty de sang obscur, pour Prince Persien; Lequel, bien tost après, vaincu par Alexandre, Aux Macédoniens son règne veit descendre. Ce souverain Monarque, et prince trop plus grant Que nul autre des Rois, qui fust au paravant. Laissa tant de seigneurs en mesme passion. Et tant d'émulateurs de son afiection.

Qu'au lieu de contenir en une monarchie Les biens dont il avoit chargé leur tétrarchie, Divisèrent entre eux, par leur convention, La terre par cantons, faulte d'une union; Et s'approcha deslors le reste des humains Tendre son col au joug de ces braves Romains, Lesquelz, pendant le temps de leur démocratie, Et qu'aucun n'aspiroit au trac de tyrannie; Pendant que le conseil de tant de Sénateurs, Tempéré par un peuple en ses justes clameurs Dressoit tout au pubhc et à sa liberté; Pendant qu'ils employoient leur humaine clairté A prévoir les conseils des autres nations. Et que les Proconsuls, en leurs légations, Les traictoient en amis, sans presser la douceur Des pauvres asserviz par trop grande rigueur; Lors que l'on consultoit au fœcialiens De Testât de la guerre et ses justes moyens; Pendant que les Tribuns se rangeoient à raison. Sans permettre chasser jusques en sa maison Celuy qui, hbrement, disoit la vérité.

Déduisant en public ceste calamité

Qui les suyvit de près : Rome se maintenoit.

Et soubz ses justes loix la terre contenoit.

Mais, depuis qu'un Sylla, Marius, et Cinna.

Lantulus, Manlius, Gracchus, Catilina,

Ce beau rusé trompeur qui se fit prolonger

Les Gaules pour cinq ans, desdaignerent renger

Leur brave entendement à l'antique façon;

Qu'ils eurent pratiqué par chascune maison

Tous les plus désireux de la nouvelleté.

Pour se joindre au hazard de leur témérité :

Lors, toute humaine loy, tout service des dieux

Partirent de devant leurs ambitieux yeux.

Et, brassans, pour régner, tous sinistres moyens.

Osèrent triompher de leurs concitoyens.

Misérable par trop, et par trop misérable

Convoitise d'hormeur, soubz quelz maux nous accable

Ton voile de Justice et de ReUgion,

De doulce hberté meue d'ambition !

Il est vray qu'au malheur de tant de nations,

Le mespris de leurs dieux, leurs indevotions.

N'ont donné moins d'efîect ny moins d'occasion

Que le désir des grands en ceste fiction.

Et n'a jamais esté que le contemnement

De sa Religion, n'ait eu son changement.

Cambizes, envoyant une navale armée

Pour piller en Ammon la richesse sacrée.

Sentit bien tost après, au naufrage des siens,

Combien ce Dieu pouvoit à defîendre ses biens.

Xerxes n'en eut pas moins, en la perte qu'il feit

De ses pillards soldats que la foudre deffeit,

Et tout règne quelconque en autre transféré

N'a peu par telz moyens jamais estre asseuré.

N'advienne ce des-astre et malheur importun :

Que ce règne ancien soit jamais que soulz un.

Un qui, de père en filz, vivant es sainctes loix.

Soit aymé comme il est et beny de noz voix.

Qui voit marcher l'Eglise en la craincte de Dieu ; Qui ne voit le Pasteur plustost hors de son lieu. Dresser ses actions en faicts du tout lubriques. Vendre, s'il peult, sa Crosse et plus sainctes Reliques? Vous, Seigneur débonnaire et qui aymez la foy. C'est bien au grand regret de vous comme de moy Que vous voyez l'Eglise ainsi laschement vivre ! Que pleust à Dieu chascun deliberast vous suyvre ! L'on ne verroit pas tant d'ambitieux Prélats Laisser leur résidence et se mettre aux estats. Se mesler du pubUc, et, seculierement, Faire ce qu'ils debvxoient religieusement. L'on ne verroit pas tant de gros curez errans. Eux et leurs doux troupeaux, comme des ignorans. A peine verroit on ce scandale advenir Qu'un Religieux peust si librement venir. Quand bon luy sembleroit, à l'heure des matines, ResveiUer sa maistresse et tirer ses courtines; Ce qui cause un grand mal, car, pour fournir à tout, Au lieu de reposer il faut qu'il soit debout, Qu'il cherche les moyens de mieux nourrir ce corps. Qu'il desrobe dedans pour celle de dehors. Et, quand il a mangé son vivre et vestiaire. Ne sçait où s'attaquer, sinon au Reliquaire, A la pierre et au bois des autres bastimens; Et si, par cas fortuit, les pauvres bonnes gens. Comme Us faisoient jadis, visitant ces beaux lieux, Demandent à quelqu'un de ces religieux D'où provient ce degast et ces grands changemens ': « Cela vient, disent -Uz, des troubles de ce tems. » Mais si quelque autre qu'eux, qui sçait la vérité. Par ces gens pièteux de dire est invité Pourquoy de ce sainct lieu les Images sont hors : « Ces moines, respond il, ont un estrange corps: Leur estomac est chault entre tous les humains. Ils digèrent le bois, et la pierre, et les saincts. » T. I. 15

Je sçay que telz Prélats comme vous, et en nombre,

Feroient bien rechanger l'habit qui leur porte umbre.

Je voudrois bien aussi que les communautez.

Les Chanoines fondez, servans à leurs autelz.

Avec peu plus de zèle et de sincérité,

Méritassent les biens qu'ilz n'ont pas mérité.

Et voudrois mieux encor, pour rendre plus heureux

Ce Canonique estât, que les luxurieux

Qui ne sont mariez, mais couchent tous les jours,

Et changent à plaisir de nouvelles amours.

Ne nourrissent point tant de ces petis nepveux

Ausquelz ilz ont forgé le nez et les deux yeux.

Jà ne desplaise aux bons, toute calamité

Ne réduit point les bleds à telle extrémité

Qu'U ne demeure encor' force espics tous entiers.

Qui nous rendent leur fruit tout sain en noz greniers.

VueiUe le souverain effacer la mémoire

De toute impiété, tellement que sa gloire

Aux peuples advenir soit admiration.

Comme elle estoit avant toute indevotion.

Qui, de ceux de Justice, au temps où nous vivons,

A gardé le serment tel que nous le devons?

Elle ne fut jamais plus longue et ennuyeuse.

Si chère, en moins d'honneur, ny plus ambitieuse;

Plus cupide du gaing, d'agrandir ses trésors.

Plus prompte à soustenir la cause des plus fors.

Laisser la pauvre veuve, et, generallement.

Faire à tort à plusieurs en mesme jugement.

Si le pauvre en Justice à son bon droict s'attend,

Le maistre de la cause est celuy qui le vend.

S'il fault qu'il vienne à l'huys du Juge souverain,

On luy dict si souvent : « Revenez à demain ! »

Que ce qu'il y despend pendant si long séjour

Luy faict quicter son sac, son procès, et la cour.

S'il a quelques moyens d'estre sollicité.

L'autre inconvénient c'est l'importunité.

Bref, la longueur, le coust, le difficille accès, Faict perdre aux plus petits ou quicter leur procès.

Vous, Riches, n'estes moins en procès travaillez :

Si vostre bourse est plaine, il fault que vous baillez

Si souvent de l'argent en consultations.

On mect si proprement voz assignations.

Vous estes appoinctez si souvent à huictaine,

A plaider tant de fois, de quinzaine en quinzaine,

A bailler par escrit, vérifier voz faicts.

Reprocher des tesmoins, compulser, faire extraicts.

Bailler salvations, fournir de contredicts.

Que vostre mal n'est moindre à celuy des petits;

Et si souvent voyez vostre bourse vuider.

Que l'envie se pert de jamais plus plaider.

On dict que de tous Dieux ceste déesse Astrée

Retourna de la terre en sa place sacrée.

Là sus, toute dernière, en monstrant aux mortelz

Le chemin par lequel Uz seroient immortelz;

Nous eussions eu besoin qu'elle y fust demeurée.

Pour ne voir en noz jours saison tant dépravée !

Qui, de tout autre temps, en toute monarchie.

N'a veu le criminel au danger de sa vie ?

Quel père a veu le vice en telle impunité

Que l'autheur n'endurast son tourment mérité ?

Ou qu'un Juge piteux, en palliant son tort.

Ne luy donnast en fin peine proche de mort ?

Les vices ne sont pas seuUement impunis;

Nous avons à vertu noz cœurs si mal unis

Que les plus vitieux ont le plus de crédit.

Et n'est pas un seul d'eux seuUement contredit.

Ne desplaise à Testât qui péze la balance.

Car je veux soubstenir, avec toute apparence.

Que ce n'est ce digne ordre, et ceux qui sont au ranc

Qui nous causent ce mal, mais le fore, et le banc.

LES SATIRES FRANÇAISES DU XVl» SIÈCLE 228

La malice du temps, aussi l'art de plaider,

L'ame du Procureur, désireuse d'ayder

Au droict de son client, or qu'il ne soit bien cler,

Sçait, par tant de delaiz et tricotz emboucler

Le plus apparent droit, qu'avant les jugemens,

Tel qui deust obtenir debvra tous les despens.

Le stil de chascun lieu, les reiglemens donnez.

Les moyens par Edicts de long temps ordonnez,

Baillent loy bien souvens aux Juges d'appoincter :

Ce qu'un vulgaire lourd appelé tricoter.

Qui ne sçauroit prévoir qu'un arresté plaideur,

S'il n'a quelque procès, n'est pas aise en son cœur ?

Je desirerois bien que la Judicature

Se donnast sans argent, et que la vertu pure,

Sans ayde que de soy, peust monter aux haults lieux :

Certainement Testât s'en porteroit trop mieux.

Mais je me plaincts sur tout des iniques mairyes,

Ausquelles il aborde un tel nombre d'harpies

Qui succent tout le sang du pauvre laboureur.

Tant que son droict doubteux a si peu de couleur.

On luy faict un proc&s or qu'il n'en vueille point;

S'il est mis hors de court, on treuve un nouveau point,

Qui luy met plus avant, tant qu'il ne reste rien

D'où ces affamez loups puissent tirer un tien.

Je me plaincts encor plus des procès criminelz

Qui s'intrinsent leans par Juges telz et quelz;

D'un procureur fiscal, qui conclut à l'arrest

D'une personne doulce et meilleure qu'il n'est;

Umbrageant faulcement son avare larcin

D'un blasphème, d'un fur, ou d'un bris de chemin.

Je ne veux pas blasmer tant d'ames bien vivantes,

Qui sont à telz excès souvent contredisantes;

Il n'est si maigre champ qui n'ait quelque herbe bonne,

Entre celles sans fruict, et quelque bien ne donne.

Mais le mal qui nous vient par telz villams rongeux

Me contrainct déplorer nostre temps malheureux.

Si je pou vois passer le reste des estats Sans joindre leur misère au mal des magistrats, Veu que Dieu nous auroit tant de bons délaissé. Je ne songerois plus au malheur ja passé. Mais pour dire en un mot du peuple la malice, Chascun chasse vertu pour embrasser le vice; Et n'est, comme disoit des prophètes la voix. Santé soit en la teste ou au pied des François, Tout va de mal en pis, et l'aage des parens Pire que des ayeulx nous a faicts empirans. Et, jugeans l'advenir de la vie de tous, Sommes prests à laisser race pire que nous.

La Noblesse se tient en son lieu Cazaniére,

Pensant faire un grand coup s'eUe fuyt la première

La tempeste de Mars, le ravageux soldat

Qu'il ne pille ses biens comme le pays plat;

S'elle part de son fort, et qu'elle aile au devant

Destoumer le nuage au Soleil ja levant,

Retournant au Midy, s'elle treuve un subject

Qui vienne du labour, et qu'elle ait pour object

De l'avare désir qui la faict desplacer.

Le bestail jà lassé, qu'elle voye chasser

Doulcement en l'estable; afin de soulager

L'ennuy de son travail, elle veult partager

Le profit de ce jour avec son laboureur,

Soubz l'umbre qu'elle vient de chasser son malheur.

S'eUe n'est du subject pour ce jour contentée.

On le voit si souvent aller à la courvée

Qu'il eust trop mieux esté, pour ce pauvre bon homme.

De loger son Soldat et baiUer une somme

(Aussi ce sieur ne laisse, estant en sa maison.

De commettre tout cas sans craincte de prison).

O combien reluyroit des Nobles la grandeur, DefEendans leurs subjects d'un magnanime cœur !

La grandeur de courage est la seulle noblesse. Qui naist de la vertu, de force, et d'haxdiesse. Leur cœur est il si dur qu'il ne s'esmeuve pas De veoir ces pauvres gens, plus viste que le pas. Ramener leur substance, et courir tous les jours Aux lieux emmuraillez chercher leur seul secours ? Ont ils point de douleur de veoir leur innocence. Qui n'oze pas manger pour peur de la despence, Espargner à ces chiens et tygres ravissans. Ce pour quoy conserver vivotent languissans ? Pensent ilz point à Dieu, quand ilz voyent forcer La femme à leur subject, qui peult bien s'esforcer De vaincre, par ses cris de stentor, la clameur. Et pourtant n'auroit d'eux une seulle faveur? Que peuvent ilz attendre, en voyant consommer Tant de bleds engrangez, qu'il n'en reste à semer Pour l'an qui doibt venir, sinon un desespoir Et famine, qu'il fault nécessairement voir ? Qu'ils resouldent ce point, qu'en si grande misère Hz ne treuveront pas qu'ilz ayent pour leur mère La seuUe pouUe blanche, et nous, soyons poulcins Escloz en autre temps, des œufs les plus malins.

Jadis, tout alUé de ces braves Romains, Se sentant oppressé par quelques inhumains, Ayant déduit sa plaincte au meiUieu du Sénat, Il estoit, par adveu du peuple un Tribunal, Secouru par décret, voire tout à l'instant. Quelque chemin qu'il fust de la ville distant. Aussi ces aUiez, en toutes nations, Foumissoient hbrement la solde aux légions. La cause que Brennus approcha ses gaulois Si près de Latium, fut ce pas que les loix De ces sages humains, et leur grande douceur. Ne pouvoit endurer la barbare rigueur Presser cruellement les foibles et petits.

En cherchant gayement terre à leurs appétits ?

Je ne doubté jamais que ceste humanité,

Mais divine plustost qu'humaine charité.

Ne les ait eslevez à si souverain lieu

Qu'il ne leur manquoit plus que le siège d'un Dieu.

S'ils eussent seullement voulu garder leur terre,

Et (comme Us pouvoient bien) se passer de la guerre.

Sans ayder leurs voisins et deflEendre le bien

Des pauvres affligez, qui n'avoient le moyen

De seulz se maintenir sans l'ayde des plus fors;

S'ilz eussent seullement cherché l'aise du cors.

Sans regarder combien tel acte vertueux

Pouvoit envers le ciel les faire bienheureux :

Ils n'eussent jamais veu, si près du Capitole,

La bravade Gauloise, et la famé qui vole

N'eust apporté si loin le nom des anciens,

Mesmes de ce vieUart, chef des Papyriens,

Qui monstroient en leur front estre des demy-dieux,

N'eust esté le baston de ce père si vieux.

Aussi ceux qui, depuis, suyvans ceste justice.

Ont voulu plus avant dire que c'est du vice

D'un qui ferme les yeux, ou d'un cœur trop couart.

Nous ont dict que celuy qui n'expose au hazart

Son propre corps, s'il peult recheisser un excès

Qui se faict au prochain, or qu'il n'ait autre accès

Au plus foible et battu que par droict de nature.

Il est tenu pourtant repoulser ceste injure.

Et s'il ne la defEend, il est en mesme tort

Que s'il avoit esté la cause de la mort.

Que dira donc celuy dont l'ame s'est commise

Soubz l'aisle d'un seigneur couart, qui, par feintise.

Bien qu'il voye des yeux le malheureux estât

De son homme abbatu par la main du soldat.

Laisse torpidement ronger jusques aux os

Ce pauvre misérable, et luy charger le dos

De tant d'afiSictions et de maux tous ensemble?

Il ne se taira pas devant Dieu, ce me semble;

Du moins, il luy pourra soubstenir devant luy

Puis qu'il estoit ça bas sa garde st son appuy,

Qu'il debvoit employer ses nerfz et ses efforts

Pour empescher passage aux Reistres de dehors.

Par ce qu'il maintiendra que ces hommes de fer

Luy faisoient plus de maux que les Diables d'Enfer;

Il dira qu'Uz ont prins ce qu'il avoit acquis

De ses plus jeunes ans, et que jamais, depuis,

Il n'a sceu relever sa pauvrette famille,

Voire ny marier sa bien aagée fille.

Car celuy qui, devant qu'ilz eussent leur logis

Dessoubs son humble toict, estoit que trop d'advis

De marier leur filz à ceste pauvre fille.

Est maintenant pour elle un homme trop habille.

Et prent pour couverture à ce qu'il se desdit

Que ce reproche seul luy seroit trop despit

Qu'on luy mist au devant, à la moindre querelle.

Que les Reistres ont bien treuvé sa femme belle.

Et qu'ilz s'en sont jouez, et par hault, et par bas.

Car elle ne partoit d'entre eux à tous repas;

Combien que, pour le vrai, la pauvre puceUette,

Par sa vierge constance est ores toute nette;

Je dis par sa vertu, mais plustost d'un bon heur,

Et d'ayde pecuhere à Dieu, pour sa faveur.

Car mil autres seront, qui, devant ce grand Dieu,

Cottans un chascun d'eux leur seigneur et leur lieu,

Diront chascun à part : « Ma fiUe fut forcée

Des Reistres, à l'instant de leur dure arrivée.

Et quoy que fisse efîort fleschir ces impiteux,

La ravirent, contraincte, au devant de mes yeux. »

L'autre, venant après, dira que ces mastins,

Empistollez et noirs, venoient tous les matins.

En leur brutal langage et blasphème incogneu.

Piller Rapidement ses biens par le menu;

Et ne se contentans que leur avare main

Le privast des moyens de vivre au lendemain, S'attaquoient à sa femme, et, barbaresquement, Faisoient ce qu'il ne peult plaider honnestement. Quelques autres diront que ces chiens, par la plaine, Hurlans et tempestans d'une voix inhumaine. Se jectoient aux troupeaux, et poursujrvoient iceux, Ainsi que si des loups estoient changez en eux; Mais les plus ofiensez, en jectant de grans cris. Présenteront requeste à ce qu'Uz soient ouys. Et, commenceans leur dueil d'une tremblante voix, Feront taire un cheiscun, comme estant plus de poix Ce qu'ilz ont à déduire en leur seuUe clameur. Que le dolent parler de tout autre plaideur.

« O Roy de tous les Rois, Juge des souverains

(Diront ces affligez), tu cognois les humains

En toutes nations, et ne t'est rien caché

De ce qui cy devant tout homme aura péché;

Toutesfois, s'il te plaist que noz âmes desployent

Ce que tu sçais trop mieux, et tes jugemens voyent.

Nous dirons, maintenant, que jamais tu n'as faict,

Depuis que l'univers par ta grâce est parfaict.

Sentir à quelque terre, et province n'a veu

Tant de maulx que la France en a par eux receu.

Des qu'ilz eurent mangé ce peu que nous avions.

Et robbé nostre argent par mille inventions,

Hz cercherent deslors, mesme jusques au puys,

S'ilz pourroient point treuver, ou dans quelque pertuis.

Ce peu de nostre meuble et ce qui nous restoit,

Que leur main grifionniere encor ne retenoit;

Par le milieu des Bleds, ce que nous enterrions

A trois nul du Village auquel nous demeurions*

Et nous eust esté mieux, oultre nostre rançon,

Qu'ilz eussent tout trouvé dedans nostre maison.

Car, à leur bref retour, comme gens forcenez,

Hz nous crevoient les yeux, et nous couppoient le nez;

Nous estions tant froissez, tant accablez de coups.

Qu'il ne nous restoit rien que le siflet à tous.

Ny pource nostre peine adoulcissoit leur cœur,

Ny noz corps abbatuz fleschissoient leur rigueur.

Car ayans faict à nous ilz s'advisoient du feu.

Et par tout nostre cloz n'espargnoient un seul Ueu

Où leur incendiaire et ravageux cerveau

Ne mist feu, mesme es bledz estans en leur tasseau.

Mais ce n'estoit le pis d'ainsi perdre noz biens;

Vous, Dieu des afiOigez, mesmes de voz Chrestiens,

Nous pouviez relever, d'une immense bonté.

Du tort que nous faisoit ce barbare effronté.

Mais icy mes enfans se plaignent contre moy

Que je leur suis ravy par eux, et eux à moy;

Ma femme aussi se plarnct, et dict que vous sçavez

Qu'au milieu de noz maux, estans jà trop grevez

En la perte des biens, après les coups receuz

Violèrent mon lict, et depuis je les euz

Pour seulz exécuteurs et fin de tant de maux.

D'elle, et de mes enfans, et de moy, pour bourreaux.

C'est à vous. Dieu puissant, à juger de leurs faicts.

Et décider en vous la plaincte que je faicts. »

Je vous laisse à penser, si son seigneur y est

Et n'a dequoy defEendre, en quelz termes il est,

Il fauldra qu'il abaisse un peu ce grand maintien

Qu'il tenoit icy bas, quand il plaidoit pour rien.

Et s'inclinant le col, avec un parler doux,

Taschera soy sauver, fléchissant les genoux;

Je sçay qu'il deffendra, mais par plusieurs moyens.

Pensant bien renverser ces pauvres citoyens :

« Quoy ! j'eusse donc laissé (dira il) ma moictié.

Mes enfans, ma maison, desdaigné l'amitié

De celuy qui m'estoit, or qu'il fust allemant.

Loyal plus qu'un François qui par tout se desmant ?

D'ailleurs, c'estoit mon but quand j'eusse deu courir

Aux clameurs de vous tous, envers eux secourir

Vostre foible innocence, à force ou d'amitié;

Vous convenez en tout qu'une seulle pitié

Ne logeoit en leur coeur; donc, quel avancement

Me fust esté pour vous de parler doucement?

Et si vous m'accusez pour n'avoir mis mon corps

Pour barre à leur fureur, que vous en estes morts;

Ma personne, seullette entre tant de miUiers,

Eust-eUe sceu gaigner plus que les camps entiers ?

Vous sçavez quantesfois les gens de nostre prince

Ont tasché d'empescher leur force en sa province.

Et, neantmoins, leur fer a perdu tous eflfors.

Et dict on qu'ilz n'ont faict qu'espuiser les trésors.

Ce grand Juge sçait mieux combien témérité.

Sans espoir d'advancer approche vanité.

Il sçait combien mon ame avoit de passion.

Comme elle se deuHoit de vostre afiiiction.

Et que, s'il se fust joinct à moy nombre pareil.

Voire moindre à leurs gens, ny le chault du Soleil,

Ny l'air intempérant m'eussent sceu contenir

Au dedans de mon fort, quoy qu'il eust deu venir.

Car le droit de nature, et l'obligation

Qui nous astraint porter si chère affection

Aux pères, aux enfans, et toute la famille.

Cesse, à comparaison de celle d'une ville.

D'un pays, et des lieux auxquelz l'advenement

De nostre corps en terre a prins accroissement;

Et n'est celuy des bons, s'il pense racheter

Par sa mort son pays, qui ne doibve quitter

Toute autre, affection, mais telle charité

Mérite d'estre joincte à quelque utihté.

Il fault bien que je die, et ne le puis nier.

Que chascun Gentilhomme en son particulier.

Du moins pour la pluspaxt, estoient si mal hardis

A venir au combat, ou si fort refroidis

Au commun bien de tous, que les plus gens de bien

Faisoient estât du leur comme s'ilz n'eussent rien;

Et, bien souvent, un tel qui promettoit secours.

Quand c'estoit à l'efiEect faisoit tout le rebours.

Qu'est-ce donc que mon zélé, et ma peine, et ma vie,

Eust peu vous advancer en telle piperie?

J'avois assez emprainct en mon intérieur

L'amour de mon pays et du supérieur.

Mais ceux au bras desquelz gisoit le plus d'effort.

Ceux là calloient le voille, et cher choient nostre mort.

Bref, sembloit que la France eust en soy ce dessein

De convertir leur fer dedans son propre sein;

Donc, ne me chargez plus. Dieu sçait combien mon ame

En son particuher s'exempte de ce blâme. »

Ce pauvre Laboureur sçaura bien rephquer

Au dire du Seigneur, si Dieu veult appUquer

Ses oreiUes à luy (comme, à la vérité.

Sa grâce incline plus à la simplicité)

Car, reclinant son chef, fera signe de l'œil

Qu'il ne desdaigne point de sa voix le recueil.

Lors, il commencera, pour elider le point

Qui le presse le plus : « Que n'avez vous donc joint

Aussi bien par eflfect, quand vous estiez la bas,

Vostre personne à nous ? que vous ne dictes pas.

Car nous sommes ofiEers en nombres sufS.sans

D'hommes d'assez bon cœur, et d'autres paysans.

Qui, devant que de veoir ces cruelz animaux,

Cherchions par nostre mort racheter tant de maux.

Et ne vous peusmes onc seuUement esbranler.

Ou par signes de faict, ou par nostre parler.

Si vous n'eussiez esté trop couart ou métis,

Voz biens estoient sauvez, et nous autres petis.

Selon fit une Loy, qui luy fut pecuhére

Et fut entre son peuple aussi particuUere,

Qui vouloit qu'advenant sédition pubhque,

Tout citoyen suyvist l'une ou l'autre pratique.

Sans demeurer oisif de tierce afiection

En contemplant l'exit de la sédition ;

Tellement qu'il nottoit celuy là d'infamie

Qui n'ofifroit ou à l'un ou à l'autre sa vie,

Ne voulant, par sa loy, que tout particulier

S'arrestast seuUement à n'estre point guerrier.

Et mettre en seureté ses affaires privées,

Sans se passionner des publiques menées.

En ne communiquant aux malheurs du commun;

Mais vouloit, aussi tost que ce mal importun

AssaUloit son pays, postposant toute. chose.

Un chascun se rengeast à la plus juste cause.

Si ce sage mondain, de ses prevoyans yeux

A sceu punir le dol du cfaiactif otieux,

Quelle excuse avez-vous, en mon malheur extrême.

Si ce n'est que pour lors vous aymiez trop vous mesme ? »

Le Noble sçauroit bien fournir de ses répliques.

Mais ce grand Dieu ne veult ouyr tant de dupliques,

Car, en sa prescience et divin jugement.

Sans qu'un parler l'esmeuve, appoincte justement :

Aussi fault il remettre à son omnipotence

Juger ce différent par rigueur ou clémence;

SeuUement je diray que, pour son repentir.

Le noble avec le peuple a mesme resentir.

Et que, de tous estats, ceux qui craignent un Dieu,

Parmy les vicieux ne tiennent aucun lieu.

Je ne veux espargner icy le populaire,

Non plus qu'U ne veult pas en sa fureur se taire,

Mais je dys, en passant, les faultes qu'il commect.

Qui produisent souvent un tres-facheux effect.

C'est le plus envieux, ingrat, et mal-disant.

C'est le plus fort mutin, le plus contre-disant.

Le plus hault à la main, plus désireux d'avoir.

Bref, qui faict tout au moins et rien de son debvoir .

Il veult estre, veult tout, et veult tout gouverner.

Et s'il parle deux mots ne faict que badiner;

Il parle de tous faicts et ne sçait rien de tout;

Il donne ordre à tout poinct sans qu'il en vienne à bout;

Il a veu les autheurs et ne leut jamais rien,

Et ne sçait décider ny de mal ny de bien.

Il corrige les grands, et de son seul babil

Il sçait tous les moyens d'éviter tout péril;

Quelques-fois il s'esgaye et puis il se refasche.

Et se faict, comme il veult, ou fort, ou brave, ou lasche;

Il s'attriste s'il veult et se comble tout d'heur;

Il se faict pauvre et riche, et se remplit le cœur

De tant de passions, en son lourd naturel.

Qu'en autre que ce peuple on ne voit rien de tel;

Bref, il est si muable, en sa diverse teste.

Qu'en tous ses jugemens il se treuve une beste.

Mais c'est où gist le mal, quand une multitude

Vaguant en l'incertain, selon sa promptitude

Et son vole cerveau, ne suit que ce qui plaist

A l'appétit brutal, et de mal se repaist.

Vous avez en ce peuple un nombre d'usuriers

Qui, de leur main avare, altèrent les premiers

Le bien de moindres qu'eux, voire en telle façon

Qu'ilz en ont, chascun jour, ou présent ou rançon;

Et pour ourdir leur feincte, ilz s'addressent à eux.

Et font, en stipulant, qu'il n'y a que deux yeux.

Hz commencent de là pour en venir à chef,

Sans craincte des Edicts, qu'ilz couchent sur le bref

Quelque somme certaine, et sans nuUe pitié.

Combien qu'il fault réduire un cent à sa moictié.

Et revient leur usure, en peu de temps après,

A tel et si grand pris qu'il fault un bref exprès.

D'ailleurs, ilz se feront engager l'héritage.

Pour un pris assez vil, d'un pauvre personnage

Qui, par dessus sa terre, a, pour son seul appuy.

Le seul gain de ses bras et le pain du jourd'huy;

Et, sans qu'il s'apperçoive, un temps, tout doulcement,

Le forclost des moyens de son engagement.

Car Monsieur prend le fruict et rapport de sa terre.

Et s'il ne laisse pas pour cela d'avoir guerre,

Au jour de l'interest, avec ce beau presteur.

De façon qu'il enjambe en fin sur son labeur;

Puis, quand tout suc est hors, et ne sçait s'attaquer

A terre ny labeur. Monsieur sçait remarquer

De moment en moment le moyen de sa vie,

Et presque tout ainsi que s'il portoit envie

A ce qu'il mange encor du pain à ses repas,

S'U debvoit surveiller, ne le laissera pas

Qu'il ne l'ait espié plustost toute saison.

Pour le faire seicher de faim en la prison.

Et souvent, si justice, en sa compassion.

Ne contraignoit Monsieur, avant la cession.

De fournir de sa bourse au moins les alimens

A bien fort léger pris, tous les quatre elemens

Et le fort naturel du pauvre prisonnier

Ne soustiendroient son corps un seul jour tout entier.

Plusieurs autres y a, qui, sous une feintise

De vin, de bled, de foin, ou d'autre marchandise.

En vendant vingt escus ce qui n'en vault que dix,

Désirent de reveoir souvent les samedis;

D'autres feindront n'avoir un seul denier d'argent.

Qui, pippans l'innocence à ceste pauvre gent,

Soubz l'espèce d'un drap ou d'autre mercerie.

Prendront six vingts pour cent en telle tromperie.

Voila comment partie, en ceste multitude

Qui s'ayde et nuist en soy, commect ingratitude,

Luculle ayant rengé ce grand Mithridates Plus avant que les bords du fleuve d'Euphrates, Au milieu des confins du règne d'Arménie, Vers ce Roy si superbe et plein de tyrannie, Rafreschit son labeur, et passa fantasie A reformer l'usure au pays de l'Asie, Soulager le malheur d'esclaves, à milliers.

Que detenoit la main d'infinis Usuriers;

Provenant ce dur joug du deffault de payer

L'excessif interest redoublé par cayer.

Et se remarque un traict de grande indignité.

C'est que le père estoit en telle extrémité

Qu'il vendoit ses enfans, sa fille à marier,

Pour, vif de ce lien, soy mesme deslier;

Car, bien souvent encor, un si précieux gage

Ne trenchoit le moyen de souffrir d'avantage

Par la géhenne, les ceps, le traict du chevalet.

Qu'il failloit endurer, et puis estre valet.

Mais telle iniquité, semblant par trop cruelle

A ce Romain, muny de bonté naturelle.

Commença, par ses loix et rigueur de justice,

A coupper la racine à si grande injustice.

Voulant que l'on comptast l'usure, à chascun mois,

A la centiesme part du principal tournois,

Et que, par l'usurier, ne seroit détenu

Que la quatriesme part du total revenu;

Que s'il eust rechargé l'usure sur l'usure,

Perdoit son principal, à fin qu'il tint mesure;

Et, sans presser aucun, fit, en moins de quatre ans,

Que l'Asie fournit au Romain ses Talans.

Il nous seroit besoin d'avoir telz gouverneurs

Pour punir l'usurier et reformer ses mœurs.

Je deduirois assez particulièrement

Les faultes du commun, mais, singuherement.

Je remarque l'efiect en chascune action.

Qui désire aux estats plus de coertion.

Parmy ce populaire on y mect les Sergens, Que l'on dict entre tous estre terribles gens. Mais moy je les descrits Ministres de Justice, Pourveu que soubz son nom ne couve leur malice; Car de tout autre mal, le plus pernicieux C'est quand un homme feint, d'un dol malicieux.

Soulz un umbre de bien, trompe plus finement.

Lors qu'il veult estre veu faire plus sainctement.

S'il advenoit aussi, comme on dict qu'il advient.

Que ceux ausquelz le bien de Justice revient

Par ses exécuteurs, sentissent le rebours,

Je ne sçay d'où ce peuple auroit plus son secours;

C'est pourquoy je me deulz quand j'entens un vulgaire.

En sa juste clameur qui ne peult bien se taire

Aux excez que luy faict la trop avare main

Du Sergent feint en gfrace et par trop inhumain.

Je dirois bien pourquoy, tesmoings sont ses voyages.

Ses exploicts argentez, et la prinse des gages

Qu'il advance d'autant ou reculle si loin

Que le pauvre debteur peult luy gresser le poing.

Le bon Sergent n'est mis, ny ses conditions.

Au rang de ceux qui font tant de concussions.

Et tout ainsi que l'heur de la vie consiste

A reigler le mutin, et sa rage déspite

Contre le vœu des lobe; faire rendre au plus doux

Ce qu'un fier villain prent, de sa vie jaloux;

Appréhender le rogne, et réduire un chascun

A conserver le bien poUtique et commun :

Ainsi l'exécuteur de si saincte ordonnance

S'il verse comme il doibt mérite sa puissance.

Et nous fault appeler telle exécution

De justes mandemens, une juste action.

Pleust à Dieu qu'un chascun se peust bien contenter. Sans par extorsions sa famille augmenter, Et d'une taxe honneste on cherchast le profit. Sans par mauvais moyens treuver si grand crédit. Toute sorte d'estats et de vacations Vivroient mieux selon Dieu, sans malversations: Mesmes si tout marchant, chascun en son esgart. Ne vouloit tant priser sa risque et son hazart : Car de là vient le mal, que la société T. I. le

S'est astraincte soy mesme à la nécessité De vouloir emprunter, par mutuel debvoir. Tout ce que d'elle mesme elle ne peult avoir. Aussi tous ces estats, en toute marchandise, Sçavent tenir bien roide et vendre leur feintise Soubz un beau nom de Dieu, par un serment fictif. Pour faire par mensonge un proufit excessif. Je sçay bien que la loy permet à tous vendeurs, Comme eUe faict de mesme à tous les acheteurs. De se circonvenir au pris de la vendue. Comme au pris de l'achat, mais l'ame en est tortue. Tout ainsi voyons nous les saisons retournées. Comme noz actions ne sont pas bien reiglées; Lequel de noz ayeulx a peu veoir que l'Esté Se changeast en l' Yver ? nous n'avons pas esté Seullement en ce point, mais le plus cuysant froit, Plus cuysant que le Scythe en sa terre ne voit. N'a jamais eu l'efEect, au plus fort de sa poincte, Aux mois que du Soleil la chaleur est estaincte. D'amortir la vigueur de la terre eschauffée. Et rendre une autre fois iceUe reglacée. Comme son propre deu, tellement que son fruict, Eminent en son temps, fust par glace destruict : Cela s'est présenté freschement à noz yeux Pour déplorer d'autant nostre aage vicieux. On dit que de deux muidz qui sont devant la porte De Jupiter, le droix^t du malheur nous apporte Beaucoup plus largement que le gaulche de bien; Aussi tousjours, depuis le don Pandorien, L'homme a suivy, plus prompt, le vice détestable, Mais le moins vicieux est le plus recevable. Et pource je désire, avec un bien commun Qui redonde par tout, et se rende tout un A l'Eglise, à Justice, au Noble, au Populaire, Que chascun endroit soy s'eSorce de mieux faire. Lors j'espère, mon Dieu, qui par tant d'oraisons,

D'accords de ton public et de ses liaisons, L'armonie viendra, telle, vers tes oreilles. Que nous resentirons l'effect de tes merveilles.

(L'importunité et malheur de noz ans, s. d. — vers 1576J

JEAN DE BOYSSIÈRES

Jean de Boyssières, sieur de la Boissière, t écuyer », naquit à Clermont-Ferrand, en février 1555, et mourut dans les premières années du xvii« siècle, dans un âge peu avancé. Après avoir commencé l'étude des Lois et de la Pratique, il l'abandonna poirr se consacrer entièrement aux Lettres. Il se repentit, mais trop tard, et d'avoir quitté Papier, Causes et Procès pour ses amours, d'avoir perdu son temps et sa peine à cialtiver la Poésie. A l'entendre, la France ne lui fut qu'une ingrate... Son frère, Guillaume de Boyssières, le blâme dans im sonnet d'avoir sacrifié sa fortune à sa fantaisie, vcxdis il loue son talent sans réserve, de concert avec quelques amis, en tête des Premières Œuvres Amoureuses. Ce n'était pas suffisant pour panser l'orgueil du poète, qui souffrait encore de l'ingratitude du Duc d'Alençon, célébré sans profit sous la ûgujre de l'Hercule Gaulois. L'Abbé Goujet a reproché à Jean de Bo5rssières son obscurité, qui fait croire qu'il écrivait « xme autre langue que la Frîinçoise », ainsi que « toutes les turpitudes dont son recueil est rempli ». Mais, comme l'écrivit J. Lamom-eux (Nouv. Biographie Didot), « sous ce rapport nous ne le trouvons pas plus licencieux que la plupart des nombreux opuscules erotiques des autres rithmailleurs de son temps ». Le poète faisait partie des auteurs gaillards qui alimentèrent les recueils libres du xvi» siècle, où les collecteiurs des florilèges épineux du xvii*, tels que les Satyres Bastardes, les Délices, la Quintessence et le Cabinet Satyrique, glanèrent abondamment. Nous avons déjà dit que la Satire, comme on la concevait éilors, était contrainte de sacrifier à la licence, et que les recueils en question, remis à la mode par le succès du Livret de Folastries, continuaient une tradition gauloise à peine interrompue. Il n'en faudrait pas davantage pour faire ranger Jean de Boyssières parmi les auteurs dits Satyriques ; mais, pour le cas moins particvdier qui nous occupe, il suffit qu'il ait écrit son Elégie sur le naturel des filles, les Stances des humeurs de la femme, que nous reproduisons, et celles de la Loy du mariage, dédiées à Phi-

245 JEAN DE BOYSSIÈRES

lippe Desportes. « Son génie corrompu » par Ronsard, Baïf, Jodelle, Pontus de Thyard, et Nuysement, — comme le dit l'intransigeant Abbé Goujet — , se fait sentir encore dans ces Satires...

Jean de Boyssières, à l'âge de 30 ans, eut la témérité d'entreprendre un poème épique sur la Croisade de Godefroy de Bouillon, ou Voyage des Chrestiens en terre sainte. Il n'en publia que les trois premiers chants, sans doute rebuté par les dif&cultés de la poésie épique, qu'avant d'accorder sa lyre il exposait à Anne d'Esté, duchesse de Nemours. Lui qui n'avait pas la tête épique, et qui s'en rendit compte, entreprit encore une traduction partielle, en vers, du Roland furieux, dans laquelle les éditeurs intercalèrent ce qui avait été déjà traduit des 4*, 5", 6* et ii« chants, par Saint- Gelais, Baîf et Belleau. Il est superflu de dire que l'auteiu: malheureux de la Croisade ne gagna pas à la comparaison.

Notre Satire est extraite des Premières Œuvres.

Bibliographie. — Les Premières Œuvres Amoureuses, Paris, 1573; — L^ Secondes Œuvres Poétiques, 1578; — Les Troisiesmes Œuvres, Lyon, 1579; — La Croisade, ou Voyage des Chrestiens en la Terre-Sainte, Paris, 1584; — Œuvres spirituelles, Lyon, 1582; — L'Arioste françois de Jeak de Boissière de Montferrand en Auvernie, avec les arguments et allégories sur chacun chant, Lyon, 1580; — Les Regrets et lamentations de très haute princesse Yxabel d'Autriche, sur le trespas de M™» Marie, fille de France, Paris, 1578; — Sonnets sur la mort ^ la passion de Jésus-Christ, Paris,

A CONSULTER. — La Croix DU Maine et Du Verdier, Bibl. françaises. — Goujet, XIII, 195; — Nouv. Biographie Didot. — Frédéric Lachèvre, Rec. CoUect. libres et Satyriques; — Bibliographie des recueils collectifs de poésies du xvi* siècle (à paraître).