PIÈCES JUSTIFICATIVES
PIÈCE n°1 PaRIAGE DE Parein où Harvuue
(ftèglement de droits d'avouerie).
Cognue chouse soit à tous ceauls qui ces présentes lettres verront et orront que pour osteir tous descors, toutes matières de dissention, pour warder paix et concorde et pour plus grant profit à avoir accordei est, convenanciei, ordenei et fermei pour tous jours sans jamaix contrevenir entre haut homme et noble Eddowart, chevalier, conte de Bar, pour lui et pour la contei de Bar à tous jours d’une part, et honoraubles hommes le princier, le doien et le chapitre de l’église de Verdun pour euls et pour lordite église d’autre part, que compengnie est faite et communnions de moitiei en moitiei perpétuelment et à tous jours entre les dites parties de tout et entièrement que li dit cuens, princiers doiens et chapitres avoient et avoir pooient et devoient en quelconque menière et pour quelle cause que ce fust ens villes, en bans, ens finages, territores et parochages de Harville, de Pareis, de Moulates, de Warreville, de Thimeville et de Villers en Weyvre et en lor appartenances sens riens excepter ne retenir fors les patronages des églises, les deymes grosses et menues et les grainges pour mettre et warder les deimes des villes, des bans, des finages, territores et parrociages dessus dis que li dit princier, doiens et chapitres ou aultres personnes de lor église i ont, lesquelz patronages, deymes et grainges li dit princiers, doiens et chapitres et les persones de lor eglise ont retenu et retiennent et doient demorer à auls et as aultres persones de lor dite église entièrement sens parson compeignie ne communion dou dit conte ne de la contei; et pueentet pourront li dit princiers, doiens et chapitres et les personnes de lor église por auls ou por aultrui à lor volontei sens empêchement dou dit conte ne de ces gens leveir, esploitier et traire les dites dimes, et auls faire paier à tous ceauls qui seront tenu a auls pour raison dites deimes, sauf ce que se forcier ou gagier en convenoit, la force et li gagement se feroit par les sergens communs des dis leus. Et est à savoir que le dit cuens ait mis et doit metre en ceste compengnie et communion de moitiei en moitiei tout ce entièrement que aultre gent qui qu’il soient ont et avoir pueent, suelent ou doient en la vouerie ou pour rason de la vouerie de Harville et des leus dessusdis et les doit assouleir et delivreir a sien dedens l’an de la date de la confection de ces présentes
lettres. Et li dit doiens et chapitres ont promis et doïent mettre en ceste compengnie et communion de moitiei en moitiei tout ce que li dis princiers de la dite église de Verdun ait, avoir puet, suelt et doit pour raison de sa princerie ens villes, ens bans, et ens leus ès finages, territores et parrochages de Harville, de Pareirs, de Moulates, de Warreville et de Thimeville dessusdis. Et les doient délivrer et assouleir à leur envers le dit princier et mettre franchement en la compengnie et communion et faire taisant dedens l’an dessus ditle dit princier et toutes aultres personnes de lor église s’aucunes i avoit que riens i eussent fors que en patronages, deimes et grainges dessus dites lesquelz ils retienent. Et s'il avenoit que les parties dessus dites acquistassent ce que Enris de Villeirs et sin hoir tiennent à Villeirs en fiez dou dit conte chacune des dites parties i metteroit et paieroit la moitiei dou pris et averoïit la moïtiei en l’aquest, Et seroit cils acqués de moitiei en moiteii en la compengnie et en la communion desourdites et amortiroit li dit aient le dit fiez de Villeirs as devantdis princier, doien, et chapitre.
Et proveent faire se il lor plait et oront en commun les dites parties accroissances et profis communs ens dis leus, de fours, de moulins, de estans, de terrages, de foires, de marchiez, de vantes, de tonneuls, de donueir a ceauls des bans et lieus dessus dis loy et franchize et quittance des gerces que li une partie et li aultre etlor gent i avoient et des mortes mains, des fourmariages et foursuances que li dit princiers, doiens et chapitres i avoient et d’autres servitutes, conditions et droictures que les dites parties i avoient ensemble où chacune pour li comment que ce fust pour faire profit commun pour l’une partie et pour l’autre. Et s’ensi estoit que on ne donnast loy et franchise et quittance des servitutes, condicions et droitures dessus dites elles demourront et seroient en commun elles et li profist d'elles as dites parties de moitiei en moitiei. Et est à savoir que li dit cuens ait mis et met en ceste compengnie et communion le prei que il avoit à Harmeville, liquelz sera vendus à ceauls de Harmeville deus cens livres ou plus selone ce que on pourra mieulz faire et sera heritages et paquis à ceauls de Harmeville à tous jours et li pris dou vendage dou dit prei etli extimacions des hommes et des magnies que li dit cuens avoit à Harmeville, lesquelz li dis cuens ait quittei à tous jours as dis princier, doien et chapitre et à lor eglise pour cause de ceste compengnie, seront converti et mis en commun et en seront où le profit commun de l'une partie et de l’autre en aucuns leus dont les dites parties se concorderont. Et demouront as dites parties en communlesrivières des dis leus. Et est à savoir que les dites parties doient faire et feront sergens, maours, eschevins et aultres que mestiers seront ens leus dessus dits, liquel feront fautei et sarement à l’une partie et à l’autre equament et subjec et obeissant seront à l'une partie et à l’autre equament et sergenteront et leveront les rentes et les droitures des dis leus et en conteront et rendront rason en commun as
dites parties ou a lor certain commandement, corresponderont et feront asseis a chacune partie pour sa moitiei. Et sont et seront perpetuelment toute justice haute et basse et toutes forces des dis leus communes et en commun as dites parties et la feront faire et mettre à exécution en commun par les sergens communs, ne ni averait li une des dites parties plus de signorie ne de droit que li autre. Ne ne puet ne ne doit li une partie ne li aultre faire ne avoir habitacion, forterasse, ne municion ens leus dessus dis, ne ne pourront li une partie ne li aultre traire fors les gens des dis leus ne mener en os ne en chevauchies pour meffaire for aultrui, fors que pour deffendre les héritages et les terres de l’une partie ou de l’autre et encor adonc mener nes i pourront se ce n’estoit par l’acort et l'octroi de l’une partie et de l’autre ou par commun consentement des preves des dis leus qui seront pour l’une partie et pour l’autre. Et quant on les menra fors des dis leus il seront la première nuit à lor despens et dengui en avant il seront as despens de celui qui les i menrait. Ne ne puet ne ne doit li une partie sens l’autre penre ne recevoir quelque choze que se soit des dis leus ne des gens des dis leus ne par don ne par convoitise ne par aultre cause quelz quelle soit ne par coulour ou occoison que ce soit, mais devront estre toutes prinses et ressorces en commun, ne plus d’aventage ne de droit n’averoit ne ne doit avoir li une partie que li aultre ens leus ne ens gens de ceste compengnie et communion fors que en deimes, patronages et grainges ensi com dessus est dit. Ne ne puet ne ne doit li dis cuens de Bar, ne sin heir ne sin successeur comté de Bar mettre fuers de lor main lor partie de ceste communion et compengnie. Ne translateie ne transporteie ne puet estre en aultre que en celui qui sera cuens de Bar ne ne puet aleir eu aultre persone par quelconque cause soit, par heritage ou par succession, par vendage ou par echange, par don, par partage ou division ou par aultre manière quelz quelle soit, mais demourra à conte et à la contei à tous jours de Bar. Et est assavoir que parmei les chozes dessus dites li dis cuens ne sin hoir ne sin suecessour ne lor gent ne pueent ne ne doient, ne ne pourront ne ne deveront en lor terres et en lor leus ne en lor villes que lor soient ou qu’il teignent ou seront ou qu’il tenront en tout ou en partie pour tant comme il les touche ou touchera, ne en leus ne en villes de ceste compengnie retenir, recevoir ne deffendre nuls des hommes ne des femmes des villes des leus, ne de la terre presente et fuant des dis princier, doien et chapitre par quelconques coulour ou menière que ce soit, sauf les anciens entrecours qui demourront en lor estat et en lor valour. Et en semblant meniere ne pueent ne ne doient li dit princiers, doiïens et chapitre retenir, recevoir ne deffendre les hommes ne les femmes dou dit conte en ville, en lieu ne en terre que il aient sauf les anciens entrecours qui demourront en leur estat et en lor valour.
Et est à savoir que Eddowars cuens de Bar, dessusdis doit jureir et jurera quand il serait requis en la presence dou chapitre de Ver-
dun, sor la châsse Nostre-Dame en l’église de Verdun dedens un an après la confection de ces presentes lettres que il loiaulment et fermement toute sa vie tenra et wardera ceste compengnie et communion et toutes les chouses dessus dites et chacune d’elle en la fourme et en la menière qu’elles sont dessus devisées et tuit li conte de Bar qui seront successeur et hoir en la dite contei pour tout le temps à avenir en semblant meniere jureront quant il seront requis sur la dite châsse en la dite église. Et doient jureir dedens la première anneie qu’il venront à tenir la dite contei de Bar que il et chacun d’eauls pour tout son temps tenront et warderont fermement et léaulment la compengnie et les chozes dessus dictes sens venir contre en nulle meniere. Encor est à savoir que li dis Eddowars, cuens de Bar, et tuit li aultre conte de Bar, qui après lui seront doient et sunt tenu par lor dit sarement ad ce que il fassent et feront que quatre chevaliers de lor conseil teilz com li dis chapitres de Verdun nemera et li balli de Saint Milner et li prévost d’Estain qui seront pour le temps à avenir à tous jours perpétuelment, tantes fois et toutes fois que renvier et renovellez seront, jureront sor la dite chasse en la dite église de Verdun dedens un mois après ce que de part le dit chapitre sor ce requis seront, qu’il warderont et tenront et feront et pourchasseront à tenir et à warder inviolablement fermement et loiaulment la compengnie, les poins et toutes les chouzes dessus dites sens venir contre en nulle maniere. Et se li dis Eddowars, cuens, ou aucuns de ses successours qui seront conte de Bar ne juroient ne fasoient jureir en la maniere desourdite et dedens les termes dessus dis il ne penroïent ne n’averoïent partie ne profit en la compengnie ne ens chouses dessus dites, mais les penroient et averoient entierement sens riens rendre ne remettre arrier li dit princiers, doiens et chapitre jusques ad ce qu’il averoient jurei et fait jureir en la menière dessus dite. Et puis ce qu’il averoient juste et fait jureir en la dite menière il dengui en avant panroient et pourroient panre ou temps à avenir lor partie sens riens demander ne sens riens rendre dou temps que defailli en averoient. Êt est à savoir que li princiers et li doiens de la dite église se il estoient présent en la dite eglise et se présent ni estoient quatre chanoine d’icelle église teil com li cuens de Bar ou ces commandemens denommerons. Item li prevos chanoine dou dit ban de Harville et quatre aultres persones chanoines de la dite église qui seront pour le temps et qui present seront en la dite eglise, teilz com li cuens de Bar ou ces commandemens demeureront jureront sor la dite châsse Nostre Dame en la présence dou conte de Bar ou de son commandement à tenir et garder fermement la compengnie et toutes les chouzes dessus dites dedens l'an qu’il en seront requis. Et encor avec ce li devant dit princiers et doiens de la dite église qui seront pour le temps quand il seront présent en la dite église de Verdun ensemble ou chacuns d’aus par lui a la requeste dou conte de Bar ou de son commandement jureront à garder fermement la compengnie et toutes les aultres chozes desourdites. (Et en
semblant menière li chapitres de Verdun qui sera pour le temps jugeront par procurour et s’obligeront à tenir et à garder fermement les chozes desourdites tout en la menière dessus dite.) En tesmoignage de véritei et pour ce que toutes ces chouses desour dites soient fermes et estaubles à tous jours nous Eddowars, cuens de Bar, pour nous, pour nostre contei, pour nos hoirs et pour nos successours en la dite contei, d’une part ; et nous princiers, doiens et chapitres dessus dit pour nous et pour notre dite église, d’autre part, avons fait, convenanciei, ordeneï et fermei efficiemment ceste compengnie, communion et toutes ces chouses en la meniere et en la fourme quelles sunt dessus escriptes et deviseies. Et avons seeleit de nos seelz ces presentes lettres, que furent faites l’an de grâce nostre Seignour mil trois cens et quinze ou mois de Avril. (Bibliothèque Nationale. Collection de Lorraine, vol. 267, n° 7).
