HUITAIN

Gentils Couards tous remplis de noblesse, Dessoubs ces ponts passez asseurément ; Ne craignez point qu'on vous face rudesse, Les huis sont clos, de peur du mauvais vent. Si vostre abbé, aussi tout le couvent, Passent poing clos et l'espée au fourreau, Marchez tout beau, chevauchez doucem nt, Ne doubtez rien que le mauvais carreau.

Tant cheminèrent qu'ils arrivèrent au pont de Robec, auquel lieu avoit un echaffaut dedans lequel estoyent joiieurs d'instruments, sonnans mélodieusemant pour l'arrivée du sieur abbé, et de sa compagnie. L'un des courriers et hérauts duquel nommé Sablon mouvant, contre sou naturel instinct, ne donna que deux coups de baston sus deux pages, passans au travers des bandes pour aller abbrever leurs chevaux, dont l'on cria miracle.

Plusieurs desdites bandes avoyent des petits sachets de dragée, qu'ils donnoyent aux dames qui estoyent aux boutiques et fenes-

DE l'abbaye des conards 77

très, avec autres rondeaux et dizains joyeux, en particulier sans scandalle, qui n'a esté possible de recouvrer. Et n'ay veu ce jour avoir tant souffert de peine comme les chevaux, entendu que de toutes les bandes il y en avoit tousjours de bondissans en l'air, selon les lieux et endroits, les uns plus que les autres.

Le jour de ladite monstre ainsi fait, se retirèrent les bandes et compagnies en divers lieux, tenans maisons ouvertes, ayans falots flambans aux fenestres. Et après soupper se délibérèrent aller en masque voir l'un l'autre et autres compagnies aux maisons bourgeoises, esquelles avoit grand nombre de dames et damoyselles , lesquelles furent resjouyes de voir lesdites compagnies tant joyeuses, les unes joiians le mommon, les autres des verges, bracelets, et autres bagues et fantasies nouvelles. Les autres dansoyent, dont de tout lesdites dames et damoyselles estoyent fort contentes. Et le lendemain lundi et mardi, plusieurs desdites bandes , et autres , changèrent d'abits pour porter masque, si n'est mémoire d'avoir veu masques et mommons plus braves et en plus grand nombre, dont les uns se trouvèrent

joyeux, les autres marris, comme il advient d'une bataille. Toutesfois aux amans, lesquels avoient contenté l'œil, ne leur estoit rien la perte ou g-aigno, entendu que ce n'estoit la cause qui les y menoit.

Le lendemain, lundi gras, après soupper, l'abbé tenant maison ouverte, le conseil assemblé , fut délibéré le lendemain faire le disner, non en la manière accoustumée, mais en plus grand triomphe et singularité. Et fut conclud le faire à la halle aux draps de nouveau ba^stie , la plus belle et espacieuse qui soit en France. Aussi fut esclïi pour le palais de l'abbé, et fut fait et imprimé une semonce, laquelle fut leuë le mardi matin et aflichée aux lieux accoustumez, dont la teneur ensuit, pour laquelle publication mirent sus cinquante hommes bien accoustrez, masquez et montez , avec l'huissier et sergent, lequel faisoit la lecture.

DE PAR l'abbé.

Guillaume, abbé centième de ce nom, Des Couards, prince et prélat pacifique, A tous nos sots, ou qui en ont le nom, Et gouverneurs de nostrc republique, Salut à vous. Or, comme il soit ainsi que Le gras conseil de par nous assemblée Pour réformer comme il nous a semblé,