ANTOINE DE GRANVELLE

AU CONSEIL DE LA VILLE DE DOLE. (31 Mars 1560/1.)

Messieurs, l'indisposition du duc de Sessa et ce que iquoy que j'eusse envoyé moyen et commodité alin que l'on me despescheast bougette expresse avec la responec de TA1ciatin que je n'ay heu jusques à oyres) a esté cause que vous avez esté si long temps sans avoir de moy résolution sur ce que vous désiriez scavoir si ledit Alcialin iroit lire ou non à Dole, etenflnsa responce est qu'il y fut très voluntiers venu , mais que ledit duc et ceulx du conseil ayantz mis plusieurs fois en délibération, s'ilz luy donneroyent congé ou non, finalement, pour n'avoir à présent docteur à Pavye plus estimé, et allégantz la playe que l'on feroit à Testât de Milan d'endommager l'estude de Pavye, se sont excusez de pouvoir donner audit Alciatin ladite licence, et en ceste

conformité m'a escript ledit duc de Sessa par et voyant

aussi quo ledit Alciatin prétendoit (oultre les gaiges que je luy avoye faict oufïrir) aulcunes préhéminences en Testât de Milan et exemption pour ses biens comme s'il eust leu à Pavye, et choses semblables, je luy ay coppéle fil et respondu que en son lieu vous en prendriez ung aultre; par où il me semble que si vous pouviez avoir le docteur Plantio (puisque es lectures qu'il a faict à Dole, il

— Gl —

s'est monstre homme sçavant et que pour tel l'extiment monsieur le présidentetaultresquil'ont ouy.selon qu'ilzme l'escripvent.oultre que le docteur Boccabarrilede Plaisance, qui est icy auditeur de Madame la Duchesse, le louhe grandement), le mieulx sera que vous vous en servez, vous priant d'excuser ce retardement advenu sans ma faulte et vous asseurer que je désire austant que aultre qui que ce soit le bien de la ville de Dole et de l'université. Et pour lin de ceste, après m'estre recommandé à voz bonnes souvenances, je prie le Créateur qu'il, Messieurs, vous doint l'entier accomplissement de voz désirs. De Bruxelles, ce dernier de mars 1560.

Votre bon amy,

L'evesque d'Arras.

A Messieurs les mayeur et eschevins de la ville de Dole.

(Ârch. municip. de D*de.)