DON DE 700 FRANCS
POUH LA CONSTRUCTION D'UN AMPHITHÉÂTRE DE MÉDECINE A L'UNIVERSITÉ DE DOLE.
(28 janvier 1631.)
Philippes, par la grâce de Dieu, roy de Castille, de Léon, d'Aragon, des deux Sicilles, de Hierusalem, de Portugal, de Navarre, de Grenade, de Tolède, de Valence, de Galiice, des Maillorques, de Séville, de Sardaigne, de Gordue, de
Consicque, de Murcie, de .laeu. des Algarves, d'Algésires, de Gibraltar, des isles de Canarie. des Indes tant orientales qu'occidentales, des isles et terre ferme de la mer Océane, archiducq d'Austrice, duc de Bourgoigne, de Lothier, de Brabant, de Lembourg, de Luxembourg, de Gueldres et de Milan, conte de Habsbourg, de Flandres, d'Artois, de Bourgoigne palatin, de Thyrol, de Haynau, de Hollande, de Zélande, de Namur et de Zutphen, prince de Zuabe, marquis du sainct empire de Rome, seigneur de Frise, de Salins, de Malines et des cités, villes et pays d'Utrecht, d'Overissel et de Grouingue. et dominateur en Asie et en Afrique, à noz très chers et féaulx les chiefz, trésorier général et commis de noz domaines, salut et dilectiou. Receu avons l'humble supplication de nostre cher et bien amé Pierre Verney. docteur en médecine, processeur en noslre université de Dole, tant en son nom que des escolliers estudiants en médecine en ladicte université, contenant qu'il auroit pieu à feu le Séréuissime archiducq Albert, que Dieu absolve, instituer une leçon anathomique en ladicte université et pourveoir de ladicte lecture ledict suppliant aux charges ordinaires de faire les dissections et démonstrations des parties du corps humain, pour le prouffict du public et utilité particulière desdictz escoliers, comme il se faict aux fameuses uuiversitez. Or, comme ledict exercice se seroit practicqué plusieurs fois depuis ladicte institution en des lieulx empruntez et mal commodez pour tel estude, il seroit à craindre qu'avecq le temps et faulte de lieu commode l'on ne vienne ainsy à mancquer à la continuation de ladicte démonstration anathomique, combien qu'elle soit tout-à-faict nécessaire, occasion pourquoy lesdictz supplianlz nous ont supplié très humblement de leur accorder la somme de quinze cens francs ou telle aultre qu'il nous plaira, qui sera délivrée au recepveur de ladicte université, pour puis après ordonnance des distributeurs de ladicte université estre employée à la construction d'un bastiment commode pour tel exercice, au proufïlct du publicq et particulièrement des escoliers estudiantz en ladicte faculté de médecine, et sur ce leur faire despescher noz lettres pa-
tentes en tei cas pertinentes. Sçavoir vous faisons que les choses susdictes considérées et sur icelles eu l udvis tant de noz amez et féaulx les premier et gens de nostre chambre des comptes à Dole que de nostre cher et féal Jacques Popissen Van der Aa, conseiller et maistre ordinaire de nostre chambre des comptes en nostre ville de Bruxelles, et conséquamment le vostre, nous pour ces causes et aultres à ce nous mouvans, inclinant favorablement à la supplication et requeste dudict Pierre Verney suppliant, luy avons par la délibération de nostre très chère et très amée bonne tante, madame Isabel Clara Kugénia, par la grâce de Dieu infante d'Espaigne, etc., donné et accordé, donnons et accordons de grâce espéciale par cesdictes lettres patentes pour la fabrication et bastiment d'un lieu commode à l'exercice et leçon de l'auathomie en nostre ville de Dole, la somme de sept cens frans en monnoye de Bourgoigne, pour une fois, à en estre payé par les mains de nostre ame et tëal Vincent Jacquinot.... de Bourgoigne, et ce des deniers procédans des reslantz des comptes des recepveurs des exploictz tant du parlement, bailliages que des sauneries de Bourgoigne ou des parties réservées par les admodiateurs des sauneries, ordonnant audict Vincent Jacquinot, etc.
Donné en nostre ville de Bruxelles le dernier de febvrier 1631.
