DON DE 700 FRANCS
POUH LA CONSTRUCTION D’üN AMPHITHÉÂTRE DE MÉDECINE A L'UNIVERSITÉ DE DOLE.
(28 janvier 1631.)
Philippes, par la grâce de Dieu, roy de Castille, de Léon, d’Aragon, des deux Sicilles, de Hierusalem, de Portugal, de Navarre, de Grenade, de Tolède, de Valence, de Gallice, des Maillorques, de Séville, de Sardaigne, de Cordue, de
Gonsicque, de Murcie, de Jaen, des Algarves, d’Algésires, de Gibraltar, des isles de Canarie, des Indes tant orientales qu’occidentales, des isles et terre ferme de la mer Océane, archiducq d’Austrice, duc de Bourgoigne, de Lothier, de Brabant, de Lembourg, de Luxembourg, de Gueldreset de Milan, conte de Habsbourg, de Flandres, d’Artois, de Bourgoigne palatin, de Thyrol, de Haynau, de Hollande, de Zélande, de Namur et de Zulphen, prince de Zuabe, marquis du sainct empire de Borne, seigneur de Frise, de Salins, de Malines et des cités, villes et pays d’fJtrecht, d'Overissel et de Groningue, et dominateur en Asie et en Afrique, à noz très chers et féaulx les chiefz, trésorier général et commis de noz domaines, salut et dilection. Heceu avons l’humble supplication de nostre cher et bien amé Pierre Verney. docteur en médecine, proffesseur en nostre université de Dole, tant en son nom que des escolliers estudiants en médeeine en ladicte université, contenant qu'il auroit pieu à feu le Sérénissime archiducq Albert, que Dieu absolve, instituer une leçon anathomique en ladicte université et pourveoir de ladicte lecture ledict suppliant aux charges ordinaires de faire les dissections et démonstrations des parties du corps humain, pour le prouffict du public et utilité particulière desdictz escoliers, comme il se faict aux fameuses uuiversitez. Or, comme ledict exercice se seroit practicqué plusieurs fois depuis ladicte institution en des lieulx empruntez et mal coinmodez pour tel estude, il seroit à craindre qu’avecq le temps et faulte de lieu commode l’on ne vienne ainsy à maucquer à la continuation de ladicte démonstration anathomique, combien qu’elle soit tout-à-faict nécessaire, occasion pourquoy lesdictz supplianlz nous ont supplié très humblement de leur accorder la somme de quinze cens francs ou telle aultre qu’il nous plaira, qui sera délivrée au recepveur de ladicte université, pour puis après ordonnance des distributeurs de ladicte université estre employée à la construction d’un basliment commode pour tel exercice, au prouflict du publicq et particulièrement des eacoliers estudiantz en ladiete faouitéde médecine, et sur ce leur faire despescher noz lettres pa-
tentes en tel cas pertinentes. Sçavoir vous faisons que les choses susdictes considérées et sur icelles eu l’udvis tant de noz amez et féaulx les premier et gens de nostre chambre des comptes à Dole que de nostre cher et féal Jacques Popissen Van der Aa, conseiller et maislre ordinaire de nostre chambre des comptes en nostre ville de Bruxelles, et conséquamment le vostre, nous pour ces causes et aultres à ce nous mouvans, inclinant favorablement à la supplication et requeste dudicl Pierre Verney suppliant, luy avons par la délibération de nostre très chere et très arnée bonne tante, madame Isabel Clara Eugénia, par la grâce de Dieu infante d’Espaigne, etc., donné et accordé, donnons et accordons de grâce espéeiale par cesdictes lettres patentes pour la fabrication et basliment d'un lieu commode à l'exercice et leçon de l’anathomie en nostre ville de Dole, la somme de sept cens frans en monnoye de Bourgoigne, pour une fois, à en estre payé par les mains de nostre ame et téal Vincent Jacquinot.... de Bourgoigne, et ce des deniers procédans des restantz des comptes des recepveurs des exploictz tant du parlement, bailliages que des sauneries de Bourgoigne ou des parties réservées par les admodiateurs des sauneries , ordonnant audict Vincent Jacquinot, etc. *
Donné en nostre ville de Bruxelles le dernier de febvrier 1631.
