CE

Povre je suis de ma jeunesse, De povre et de petite extrace ; Mon pere n’ot oncq grant richesse, Ne son ayeul, nommé Orace ; Povreté tous nous suit et trace.

Sur les tombeaulx de mes ancestres, Les ames desquelz Dieu embrasse, On n’y voit couronnes ne ceptres.

De povreté me garmentant, ‘ Souventesfois me dit le cuer :

« Homme, ne te doulouse tant

Et ne demaine tel douleur,

Se tu n’as tant qu’ot Jaques Cuer :

Mieulx vault vivre soubz gros bureau Povre, qu’avoir esté seigneur

Et pourrir soubz riche tombeau ! »

{ Qu’avoir esté seigneur |... Que dis P /.

Seigneur, las ! et ne l’est il mais? 4 Selon les davitiques dis Son lieu ne congnoistras jamais.

Quant du surplus, je m’en desmetz :

Il n'appartient a moy, pecheur ; Aux theologiens le remetz,

Car c’est office de prescheur.

Si ne suis, bien le considere,

Filz d'ange portant dyademe D’estoille ne d’autre sidere.

Mon pere est mort, Dieu en ait l’ame !

Quant est du corps, il gist soubz lame.

J’entens que ma mere mourra,

Et le scet bien la povre femme,

Et le filz pas ne demourra.

Je congnois que povres et riches, Sages et folz, prestres et laiz, Nobles, villains, larges et chiches, Petiz et grans, et beaulx et laiz, Dames a rebrassez colletz,

De quelconque condicion, Portans atours et bourreletz, Mort saisit sans exception.

Et meure Paris ou Helaine, Quiconques meurt, meurt a douleur Telle qu’il pert vent et alaine ;

Son fiel se creve sur son cuer,

Puis sue, Dieu scet quelle sueur !

Et n’est qui de ses maux l’alege :

Car enfant n’a, frere ne seur,

Qui lors voulsist estre son plege.

+= 138 + pe. Ÿ La mort le fait fremir, pallir, Le nez courber, les vaines tendre, Le col enfler, la chair mollir, Joinctes et nerfs croistre et estendre.

Corps femenin, qui tant es tendre, Poly, souef, si precieux, Te fauldra il ces maux attendre ?

Oy, ou tout vif aller es cieulx.

BALLADE

DES