XXI FU

Ou sont les gracieux gallans V4 Que je suivoye ou temps jadis, Si bien chantans, si bien parlans, Si plaisans en faiz et en dis P Les aucuns sont mors et roidis, D’eulx n’est il plus riens maintenant :

Repos aient en paradis, Et Dieu saulve le demourant !

AEX %° Et les autres sont devenus, Dieu mercy ! grans seigneurs et maistres, Les autres mendient tous nus Et pain ne voient qu'aux fenestres ; Les autres sont entrez en cloistres De Celestins et de Chartreux, Botez, housez, com pescheurs d’oistres.

Voyez l’estat divers d’entre eux.

Aux grans maistres Dieu doint bien faire, Vivans en paix et en requoy ;

En eulx il n’y a que refaire,

Si s’en fait bon taire tout quoy,

Mais au povres qui n’ont de quoy.

Comme moy, Dieu doint patience ;

Aux autres ne fault qui ne quoy,

Car assez ont pain et pitance.

Bons vins ont, souvent embrochiez, Saulces, brouetz et gros poissons,

Tartes, flans, oefz fritz et pochiez,

J erdus et en toutes façons.

Pas ne ressemblent les maçons, Que servir fault a si grant peine :

I1z ne veulent nuls eschançons, » “* ? Fo De soy verser chascun se peine.”

En cest incident me suis mis

Qui de riens ne sert a mon fait ; Je ne suis juge, ne commis

Pour pugnir n’absoudre mesfait :

De tous suis le plus imparfait, Loué soit le doulx Jhesucrist !

Que par moy leur soit satisfait !

Ce que j’ay escript est escript.

Laissons le moustier ou il est ; Parlons de chose plus plaisante :

* Ceste matiere a tous ne plaist,

Ennuyeuse est et desplaisante.

Povreté, chagrine, dolente,' Tousjours despiteuse et rebelle, Dit quelque parolle cuisante ;

J S’elle n’ose, si la pense elle.