AUX FILLES DE JOIE
R y pensez, belle Gantiere Qui m’escoliere souliez estre,
Et vous, Blanche la Savetiere, Or est il temps de vous congnoistre. Prenez a destre et a senestre; N’espargnez homme, je vous prie :
Car vielles n’ont ne cours ne estre, Ne que monnoye qu’on descrie.
« Et vous, la gente Saulciciere
Qui de dancier estes adestre, Guillemete la Tappiciere,
Ne mesprenez vers vostre maistre :
Tost vous fauldra clorre fenestre ; Quant deviendrez vielle, flestrie, Plus ne servirez qu’ung viel prestre, Ne que monnoye qu’on descrie.
« Jehanneton la Chapperonniere, Gardez qu’amy ne vous empestre; Et Katherine la Bourciere, N’envoyez plus les hommes paistre :
Car qui belle n’est, ne perpetre Leur male grace, mais leur rie.
Laide viellesse amour n’empestre, Ne que monnoye qu’on descrie.
ENVOI
« Fices, vueillez vous entremettre D’escouter pourquoy pleure et crie :
Pour ce que je ne me puis mettre, Ne que monnoye qu’on descrie. »
€, Ceste leçon icy leur baille
La belle et bonne de jadis ;
Bien dit ou mal, vaille que vaille, Enregistrer j’ay faict ces dis
Par mon clerc Fremin l’estourdis, Aussi rassis que je puis estre.
S’il me desment, je le mauldis :
Selon le clerc est deu le maistre.
Si aperçoy le grant dangier
Ouquel homme amoureux se boute..
Et qui me vouldroit laidangier
De ce mot, en disant : « Escoute!
Se d’amer t’estrange et reboute
Le barat de celles nommées,
Tu fais une bien folle doubte,
Car ce sont femmes diffamées.
« S’ilz n’ayment fors que pour l'argent, On ne les ayme que pour l’eure; Rondement ayment toute gent,
Et rient lors que bource pleure.
De celles cy n’est qui ne queure;
Mais en femmes d’onneur et nom
Franc homme, si Dieu me sequeure,
Se doit emploier; ailleurs, non. »
Je prens qu'aucun dye cecy, Si ne me contente il en rien.
En effect il conclut ainsy,
Et je le cuide entendre bien,
V Qu’on doit amer en lieu de bien :
pee :
Assavoir mon se ces filletes Qu’en parolles toute jour tien Ne furent ilz femmes honnestes ?
Honnestes si furent vraiement,
Sans avoir reproches ne blasmes.
Si est vray qu’au commencement
Une chascune de ces femmes
Lors prindrent, ains qu’eussent diffames, L’uneung clerc, ung lay, l’autre ung moine, Pour estaindre d’amours les flammes
Plus chauldes que feu Saint Antoine.
Or firent selon le Decret
Leurs amys, et bien y appert; Il1z amoient en lieu secret,
Car autre d’eulx n’y avoit part.
Toutesfois, ceste amour se part :
Car celle qui n’en amoit qu’un D'’iceluy s’eslongne et despart, Et aime mieulx amer chascun.
2 ina va?
. Qui les meut a ce? J’ymagine, Sans l’onneur des dames blasmer, Que c’est nature femenine Qui tout vivement veult amer.
Autre chose n’y sçay rimer,
Fors qu’on dit a Rains et a Troies, Voire a l'Isle et a Saint Omer,
Que six ouvriers font plus que trois.
Or ont ces folz amans le bont,
Et les dames prins la vollée ;
C’est le droit loyer qu’amans ont :
Toute foy y est viollée,
Quelque doulx baisier n’acollée.
« De chiens, d’oyseaulx, d’armes, d’amours, » Chascun le dit a la vollée,
€ Pour ung plaisir mille doulours. »
Re
