BALLADE CONTRE LES ENNEMIS DE LA FRANCE

ENCONTRÉ soit de bestes feu getans, | Que Jason vit, querant la toison d’or ; Ou transmué d'homme en beste sept ans, Ainsi que fut Nabugodonosor ; 12*

Ou perte il ait et guerre aussi villaine * Que les Troyens pour la prinse d’Helaine ; Ou avallé soit avec Tantalus

Et Proserpine aux infernaulx palus >" Ou plus que Job soit en griefve souffrance, Tenant prison en la tour Dedalus,

Qui mal vouldroit au royaulme de France !

Mo

Quatre mois soit en ung vivier chantans, La teste au fons, ainsi que le butor ;

Ou au Grant Turc vendu deniers contans, Pour estre mis au harnois comme ung tor; Ou trente ans soit, comme la Magdalaine, Sans drap vestir de linge ne de laine ;

Ou soit noyé comme fut Narcisus,

Ou aux cheveulx, comme Absalon, pendus.

Ou, comme fut Judas, par Desperance ;

Ou puist perir comme Simon Magus,

Qui mal vouldroit au royaulme de France !

D’Octovien puist revenir le tems :

C’est qu’on luy coule au ventre son tresor ; Ou qu’il soit mis entre meules flotans

En ung moulin, comme fut saint Victor ; Ou transglouty en la mer, sans aleine,

Pis que Jonas au corps de la baleine ;

Ou soit banny de la clarté Phebus,

Des biens Juno et du soulas Venus,

Et du dieu Mars soit pugny a oultrance, Ainsy que fut roy Sardanapalus,

Qui mal vouldroit au royaulme de France!

ENVOI

PRINCE, porté soit des serfs Eolus

En la forest ou domine Glaucus ;

Ou privé soit de paix et d’esperance :

Car digne n’est de posseder vertus

Qui mal vouldroit au royaume de France!