ISA

Elles bacquetz de ces trippieres. Ne sont plaine d'aultre mercerie.

Les crochetz de la boucherie, En Cbaslellet ung tas de sacz , Et au surplus la plaidoyrie De tous les plus grans advocatz , Injures trop, à tas, à tas.

Dieu sçet se bien sont espluchées ParoUes et menus fatras Aux chambres de ces^ accouchées :

Les fenestres ne sont bouchées Que à faulx et à manches d'estrilles : Les couches ne sont attachées Que de grands lardons pour chevilles :

Les carreaulx , surquoy seent les fdles , Sont pains d'ung tas de semist Dieux : (1) Les tapis, se sont evangilles Et vies à povres amoureux.

Au chevet du lit pour tous jeux , Pend ung benoistier qui est gourd, Avec ung aspergés joyeulx Tout plain d*eaue benoiste de cour.

La gaiderobbe c'est la court , Là où on traicte noz mignons ; Là on n'espargne sot , ne sourt ; C'est là où on les tient sur fons.

L'une commence les leçons Au coing de quelque cheminée ; Et l'autre chante les respondz , Après la légende dorée.

Sî-tost que mâtine est sonnée , 11 n'y a ne quignet ne place Que on n'y carillonne à journée :

Il est tousjoui-s la Dédicace :

En la messe il y a préface , Mais de confiteor jamais.

Oncques , puis le temps Boniface »

Aussi on n'y bailla la paix.

Car il y a entre deux ais Tousjours quelqu'une qui grumelle D'entre sa voisine d'emprès , Qui veult dire qu'elle est plus belle.

Bref, c'est une droicte chappelle ; Et si n'y a Prélat d'honneur Qui ne tache bien , sans séquelle , D'avoir place d'enfant de cueur.

L'une comptera de Monsieur ; (1) Et l'autre d'une créature Qui a cul de bonne grosseur :

Mais il ne vient pas de nature :

L'une dict que c'est enfanture ; L'autre dira qu'il n'en est rien ; Et pour oster la conjecture , Chascune faict taster le sien , S'il est fagotté , s'il est bien , S'il est troussé , s'il est serré ^ S'il est épais, quoy et combien , S'il est rond , ou long , ou carré :

Tel y a, s'il estoit paré Et qu'on luy vist ung peu la cuisse , On le trouveroît bigarré Comme ung hocqueton de Souysse.

Celuy si me semble est bien nice.

Qui fonde dessus une maison ; Car quelque chose que on bastisse , Le fondement n'en est point bon.

Après qu'on a dit ce jargon , (2)

Tantost après arrivera Lne grande procession Qui d'aultre matière lyra.

L'une d'elles commencera A resgaudlr ses esperitz; Dieu sçet selle praticquera Le tiltre de Injuriis.

Quelqu'une par moyens subtilz Ira semer de sa voysinne , Qu'elle suborne les amyes Et les cbalans de sa cousine.

D'une autre , on dira que c'est signe D'une parfaicte mesnagiere , Prester , pour garder sa cuisine , Son cul plustost que sa chaudière.

S' on touche de quelque compère ♦ (1) L'une dit qu'il est trop faschant :

L'autre qu'il a belle manière ; Hais il se panche ung peu devant

D'ung tel , il sçet son entregent »

Et si luy siet bien à dancer :

liais il n'a pas souvent argent ; 11 ne sçet que c'est que foncer.

Quelque vieille va commencer A filler y qui empongnera Sa queno'dle de bault tencer , Son fuzeau de — tout se dira, Les estoupes de — on le sçaura , Le rouet de — j'ay bec ouvert , (2) Le vertillon de — on verra (3) Le pot aux roses découvert Le fil de la quenoille est vert Et si délié pour s'enfiler , (4) Que le grant diable de Vauvert

A peine s'en peut desinesler. (1)

Pour mieulx à Taise vaneler ,

On met estoupes par dedans

La saincture de trop parler ,

Et la couche l'on des plus grans.

On empesche langues et dents »

Et mettent leurs soings et leurs cures

Par lardons, broquars , motz picquans

A exposer les escriptures.

Cest ainsy que tels créatures , En parlant de l'autre et de l'ung , Lisent le Tiltre des Injiires.

C'est aujourd'huy le train commun De noz Gentilz-hommes : quelque ung Un banquet n'entendra langaige Que de mesdire sur chacun , Sur quelque Bourgeoise ; que say-je? (2)

— L'une est abillée en villaîge ;

— L'autre est dangereuse au frain ;

— Et l'autre deveroit estre saige »

Car elle a ung très grant engin.

— D'une on dît qu'elle ayme hutin , Et a l'instrument compassé Conune ung houseau de biscain , Quant a le ventre deslassé. (3)

— L'une a couru, l'autre a trassé :

— L'une a les grans, l'autre a les gros :

— L'autre a l'estomac renversé Et a l'entendement au doz.

— L'une a visaige de marmotz Enluminé de vermillon :

— Et l'autre sont l'ombre des brotz , Ou la grahie de morillon.

— L'une est rognée par le talon , (1) Et cloche ung peu quant elle dance :

— L'autre a le corps à reculon ; Et cuide Ton du cul la pance.

Brief , c'est une droicte plaisance Que d'ouyr mignons en bancquetz.

Car en celle où Ton met Tadvance , 11 y a tousjours sy , ou mes.

Sotz, saiges , drups, dupes , nyais, En playdoyés , en escriptùres , Tous Advocatz , et Clercz , et Laûz , Sçavent ce Tiltre des Injures , Et parlent souvent sans mesurer.

Et injurient gens sans raison.

Et pour achever noz lectures , (2) Je veulx mouvoir deux questions ; Et puys ho ! — Tune est : noz mignons^ Vont quelque Bourgeoise hanter , Et la tiennent si bien sur fons Qu'ilz parviennent à habiter.

Ont ils faict, ilz s'en vont vanter (3) Par tout , à Gaultier et à Sybille :

Et , s' on ne les veult escouter Aux champs , ilz le crient en la Ville. Je demande par voye subtille , Se la femme aura action De l'injure? et par rigueur du stille.

S'il y chiet grant punition ?

Je respons par distinction :

Ou celle , dont on dict ce bien , Prent des mignons argent ou non ; Ou elle le faict et n'en prent rien.

Se elle prent argent, tout moyen , (i) Tout remède , le droit luy fault, -*

Et s' elle n'en prent point, trop bien Elle a l'action ; et ne chault S'elle a eu chose qui le vault :

Car se vanter, c'est mal rendu.

Et, dit pour ce , que ung tel ribault A bien gaigné d'estre pendu.

Par ainsy est le cas solu.

L'autre question en effect Est telle : — ung Macé goguelu Treuve sa femme sur le faict.

Assavoir mon , se s'est mieulx faict A luy d'appeller ses voisins , Les gens de la rue , ou le guet , (Que sçay-je? ) ung tas de maillotins , Ses oncles , parens et cousins Pour sa povre femme escorner , Et affin qu'ilz soyent plus enclins De consentir la séparer?

Ou , se c'est mieulx faict d'endurer Et luy dire par bons moyens :

— Au moins deviez vous l'huys serrer ; S'il fust venu des aultres gens , Se quelq'ung fust entré céans 11 n'eust pas falu rompre l'huys.

Lequel est plus saige? je tiens.

Aussi les droitz sont à ce duys Et à ce résolu , que puis Qu'il sçet qu'on besongne ou qu'on baise. Devant qu'entrer doibt dire : et puis , Qui est leans ? ne vous desplaise I Ne bougez ! faictes à vostre aise !

Sans luy demander : que fais tu ?

Car qui se course , si s'appaisc :

C'est grant peine d'estre testu. (1)

IhO

Pensez, pour ung gentil coqu

(>ui veult vivre en persévérance ,

11 n'y a si belle vertu

Au monde que de patience.

Car posé qu'on parle , ou qu'on tance ,

On n'en tient riens ; ce n'est que glose :

Pour parler ne se mue plsdsance :

Brief , on n'en aura aultre chose.

Mes mignons , sans plus longue prose Aussy quant serez avec gens , Tenez tousjours la chambre close , Pour doubte d'aultres survenans.

Par ceste response je rens Solu le cas qui est c'y mis.

Et finissent icy les moyens Du Tiltre de injuriis.

Des droitz nouveaulx avez oûys Sept Tiltres : c estoit mon entente D'en lire encore cinq ou six , Voire dix , voire vingt , ou trente ; Mais brief pour ceste année présente ^ C'est force vous tenir à tant :

On ne peult faire que en faisant.

Toutesfoys pour finer ces droitz , J'entens lire tous les ans Des tiltres quelques deux ou troys , Par manière de passetemps.

Pour ceste heure soyez contens ; Peu à peu fault ronger ou paistre ; Petit à petit on est maistre.

Se le temps n'eust esté estroict , En bref je sçavoye les manières A faire les reigles des droitz

Qui eussent esté singulières :

Mais d'embrasser tant de matières En ung coup , tout n'est pas empraint : Qui trop embrasse , mal estraint.

Par Dieu , mes Dames , mes Bourgeoises , A tous voz maintiens gracieux , Ne prenez pas mes dictz à noises :

Mes motz ne vous soient ennuyeux. (1) En mes ditz , n'y a que tous jeux , Et ne quiers à personne guerre :

Qui l'entend aultrement il erre.

Aussy , très redoubtez Seigneurs , Vers vous me veulx humilier :

Et vous mercye de voz honneurs Ce povre petit Escolier , Que daigné avez escouter.

Mais en tous lieux et bas et haulx , Souvienne vous des droilz nouveaulx.

Cy finissent les Droit z nouveaulx.