LE PROCUKEUK DES ARMES
Quoy ! disent les Armes je me plains, Se je n'ay le bruit par dessus Les Dames; car j'en ay faict maintz Petis, et de bas lieux yssus, Monter, eslever, mettre sus De terre, ou de fond d'ung celier :
Je les rens grobis et moussus, Tout au fin feste d'ung solier.
Fay-je pas ung simple escuyer.
S'il se sçet aux armes conduyre, (1) Tout incontinent chevallier, Que chascun l'appelle messire ?
Se ung grant Prince se veult aduyre Qu'il soit tant soit peu courageux, Je luy faitz tous ses faitz descripre Et mettre du nombre des preux.
S'il est hardy chevaleureux, Et eust-il petite puissance.
Je l'eslief jusques aux cieulx :
Tout vient à son obéissance.
Voulez vous plus belle plaisance Qu'en ung destroit, en une guerre, Voulter, jouster, rompre la lance Et mettre ung homme cul par terre ?
En ung champs, en une delTere Monter sur ung genêt d'Espaigne, Pourloz avoir etbruyt conquerre?
Là combatre Flandre ou Alemaîgne, Porter Testendart ou l'enseigne, Soupple comme ung bel escourjon, Et bondir en plaine champaigne Comme les os d*ung escourjon ? (1)
Mes moynes portent haulberjon En leur grant messe, en lieu de froc.
Leur cloistre, c*est quelque donjon De pierre, juché sur ung roch :
Tirer, luiter, jouster au crocq Sont les cerimonnies et signes.
Ung coup d'espée taille ou d'estoc, C'est la beneisson des matines.
Leurs orgues se sont serpentines Qui s'en vont vif comme le vent : ' Les gros boulletz à coulevrines.
Ce sont les miches du couvent :
Le grant Prieur de Passe-avant, Et l'Abbé d'Eschappe qui peult Les viennent visiter souvent :
Mais il ne les a pas qui veult.
Pour uilg qui se plaint, ou qui deult. Vingt en y a, s'ilz sont mandez.
Que jamais on ne les desmeult.
Puis qu'ilz y sont affriandez.
Ces archiers ont leurs arcz bendez, Et ces mortepayes leurs picques :
Gascons trappes et bien fondez Jouent là leurs nouvelles praticques :
Les Ecossoys font les replicques :
Pragoys et Bretons bretonnants.
Les Suysses dancent leurs morisques Atout leurs tabourins sonnans.
Holandroys, Brebançons, Flamans^ llz tiennent ung cruel chappitre :
Hongres, Florentins, Allemans, llz y trouve sans eschelistres. (1)
Qui veult estre ourdy sans tiltre Et sçavoir que c'est de soupirs , Y voise ; car pour tout epistre On y chante que des martirs.
Mais quoy ! va, à gens de loisirs, (2) Gens haulx, de vertueulx couraiges.
Ce sont passetemps et plaisirs , Quant ilz y sont bien caulx et saiges : Cent mil combatans (§(ans les paiges) En une course , en ung assault; Saillir de buyssons et bocaiges, (S) Et se rencontrer sur ung hault , En moins que n'aurez faict ung sault ; On crye haro — qui vive — tuë !
A Tarme — au guet — rens toy ribault ! (4) Torche , lorgne — depesche — rue ! Frappe — combat — taille — remue !
En point — avant — tost au montoir !
Bref c'est ung port; quant on y buë.
On n'y entend que le batoir.
Se ung Prince , qui a hault vouloir , S'exercite ung peu à la peine ; (5) Si mest repos en nonchaloir, Aussi que ung vaillant Capitaine; Toute sa plaisance mondaine Ce sont haches , lances , gros boys , Le heurt , la rencontre soubdaine , Chevaulx , cliquetiz de hamoys , (6) Bardes, genetz, grans palefroys,
Vousges , sallades , mentonnières , L'estendart à la blanche croix , Trompettes, clerons et bannières, Souffres , salepestres et poussières , Bastons bescuz comme bistardes , Guet et garnison sur frontières Pour festoyer les avantgardes.
On reschausse , au son des bombardes , Povres couardz lasches et vieulx ; Car fort vertjus , aspres moustardes C'est ce qu'il fault à rouges yeulx.
Armes font croistre cueurs joyeulx Et multiplier en lyesse , Aux robustes et vertueux Augmentant force et hardiesse , Aux magnanimes la proesse , Aux confederez Taliance , A courages haulx gentilesse , A gens résolus asseurance , Aux constans la persévérance , Aux larges libéralité , Aux rudes prompte intelligence , Engin cler et subtillité.
Aucun exhibe activeté Par invincibles argumens : Aultres monstrent Tagilité De leurs corps , par experiens.
Sans accolées ne blandimens.
On passe par hic ou par hec.
Sans courratiers ne tnichemens , On se rencontre bec à bec.
Qui s'endort au son du rebec En la flotte , il n'est pas saige :
(lar de tous boys , et verd et sec , Le plus souvent on faict paissaige.
S' on sçet par heraulx ou message La puissance des ennemys , Ung chief de guerre de couraige Presche son ost : sus , mes amys !
Enfans , ne soyez endonnys :
Frappons dedans ! il est notoire Que en nombre des gens munis (1) Ne gist pas tousjours la victoire.
Et là, leur réduit en mémoire Les gestes des très Chrestiens Roys, Qui par armes ont donné gloire Au noble Royaulme Françoys.
Ne passa pas plusieurs destroitz Le Roy Philippe le conquérant.
Qui combatit troys Roys Angloys Et aussi le Conte Ferrant , Oton Empereur chassa errant , Subjugua Poitou et Touraine , Et conquist en ce différant Anjou, Normandie et le Maine?
Le très glorieux Charlemaigne , Qui par armes et par bon moyen Vainquit la nation Rommaine , Lombars , le peuple Italien , Et remist le Pape Adrian Tout paisible en sa Papaulté?
Roy n'y eust , Chrestien ne Payen , Dont il ne fust craint et doubté.
Charles le Chauve a pas esté Celluy qui conquist les Nonnands?
Cliarles le Simple a conqueslé Les Angloys et les adlierans.
Infinys Princes terriens , Aux armes se sont adonnez ; Lesquelz ont eu de très grans biens , Et ont esté bien fortunez.
Aultres se sont déterminez Aux Dames , lesquelz ont eu nom D'estre lasches , effeminez , Sans bruyt , sans acquérir renom.
Semble doncques pour conclusion , Que ung grant Prince , de son office Doibt prendre récréation Aux Armes et à Fexercice ; Que tel passetemps est propice A son hault et bruyant maintien ; Et qu'il y doibt, quoy qu'on obice, Soy adonner sur toute rien.
