ET PREMIÈREMENT

Nostre Roy, Prince et Souverain Seigneur^ Très-chrestien nommé par excellence, A qu'il est deuë gloire, louenge, honneur, (2) Subgection, amour et révérence ; Vostre Cité de Reims, obeyssance Vous fait pour moy , qui cy la vous présente ; Et de franc cueur, en vraye confidence, Les clefz des portes humblement vous présente.

TRADOGON.

Roy très puissant, mon Souverain Seigneur» Reims très ancienne, par grande humilité. Son cueur vous œuvre par excellent honneur» Vous promettant garder fidélité.

Ballade contre les Princes.

Princes, qui tenez les très grc^ns Estatz Sans regarder la façon et manière, Vous courroucez tant de gens en un tas, Que pour vous va çen devant derrière : Pour ce maintenez pour raison droituriere ; Car, en ce printemps et nouvelle saison. Les Vers Manteaulx en feront la raison.

Que pensez-vous? prenés vous voz esbatz A mettre sus une telle matière ?

Pour ce moyen, vous forgez grans debatz Qui dureront au moins Tannée entière.

Et vous dis bien se ce temps dure guère, Et Dieu reçoit de chascun Foraison, Les Vers Manteaulx eii feront la raison.

Vous faictes tant de gens crier : bêlas ! En baulte voix faisant à Dieu prière.

Qu'ensemble touspuissez descendre en bas (1) Au puis d'enfer, la teste la première 1 Car aussi bien s'ont met aulx champs baniere Ce temps d'iver, vous verrez qu'à saison Les Vers Manteaulx en feront la raison.

Prince, regarde à qui baillé tu as Toute la charge de ta noble maison.

Et pense bien conmaent garder pouras : (2) Les Vers Manteaulx en feront la raison.

lépoise peir les Princes.

Tous qui parlez des Princes et Seigneurs Qui aux Estais ont leur haulte main mise, Et les chargés de plaintes et clameurs Que chascun fait endroit soy à sa guise, Au grant Conseil est la chose remise : Maistre Denis, qui a tousjours saison. Aux Vers Manteaulx ostera la toison.

Puis serez en toutes vos erreurs, (1) Et congnoistrez que c'est folle entreprise : 11 n'y aura grans, petis ne greigneurs. Que leur deffence ne soit tousjours amise ; Mais se Ten voit que raison soit desmise, (2) Gestuy bon maistre, qui sçet plumer Toison, (3) Aux Vers Manteaulx ostera la toison.

Vous menasses soubz couvertes couleurs Geulx qui craignent les grans vent de la bise. Et proposez que vous font vos douleurs. Pour mal entendre le tout à vostre guise ; (4) Mais se par vous bannière est aux champs mise» Le vray ouvrier qui congnoist la maison , Aux Vers Manteaulx ostera la toison.

Princes, pensez à toutes ces aigreures (5) Pour tous ceux-là qui ont la desraison D'entretenir qui mieulx à ces rigueurs : (6) Aux Vers Manteaulx ostera la toison. (7)

Ballade contre les Seigneurs.

S'il advient les Manteaulx Vers Ayent cours comme chascun pense , Et que tout voise de travers, (1) Je dis : ainsi que Ten commence , Mal content, ayez espérance; Congnoissez que le temps Tappllcque De ramener, sans différence, Ung autre nouveau bien publique.

Soubz umbre de sermens couvers , On baille à qui l'en veult puislance ; Mais les faitz seront descouvers , S'il plaist à la divine essence:

Lors on verra la conséquence De leur faulce et dampnée pratique :

Car par eulx reviendra en chance Ung autre nouveau bien publique.

Ung tas de rassotez couvers (2) Ont voulu par leur alliance , Fraper à tort et à travers Sur les bons serviteurs de France; Qui fut la vraye cause et substance Du jadis mauvais bien inique; Et les Seigneurs plains d'arrogance Forgent ung nouveau bien publique.

Ha ! Prince de haulte excellence , On te met en ung grant picque ; Car soubz ton manteau d'ignocence Se forge ung nouveau bien publique.

Ballade contre les MaDleauk.

Vous verrez, Manteaulx appeliez vers de terre , Qui sans raisons vous plaignez des Estatz , Advisez se la paix ou la guerre , (1) Lequel des deux pour prendre vos esbatz Vous vauldra mieulx ; car je croy qu'a ung tas , (2) Se n'y pensez par bonne occasion ^ Arbres et fourches en feront la raison.

Quant on vouldra, serez tenuz en serre De si très près, que vous crierez : helas ! (3) Que vous faut-il ? querez vous la desserre (4) Des malheureux tombés jusques au bas ?

Je vous prometz que desditz et debatz , Que vous menez en royale maison , (5) Arbres et fourches en feront la raison.

Aller vous fault , gens paoureux , ailleurs querro Que ceste Court ; ce n'est pas vostre cas. (6) Tirez avant et cheminez autre erre , (7) Et que ce soit plus viste que le pas : (8) Ou autrement pour le juste compas , Pour le plus tard , celle noble saison , (9) Arbres et fourches en feront la raison.

Prince Royal , qui devez tous conquerre, Ne pardonné si grande desraison A telz mignons , qui pour devoir aquene : Arbres et fourches en feront la raison.

Cy commence le Biasos des Armes et des Dames.

Or , est le temps passé , passé ; Le bien pourchassé, pourchassé; Et ce qu'on a trouvé , venu.

C'est grant chose d'avoir pensé , Mais plus d'avoir contrepensé , Encores plus d'avoir retenu.

J'ay sçeu , veu , leu , aprins , congneu , Noté, entendu, souvenu, Epilogue mille traficques :

Mais peu , quoy ! qu'est tout devenu ? (1) Bienassailly, bien soustenu :

Tout n'en a pas vallu troy nicques.

J'ay mis en jeux et praticques Mille couleurs de rhetoricque , Mille motz, mille dictz d'ouvriers, Mille paroUes sophistiques.

Pour estre couché en cronicques Ou nombre des adventuriers :

J'ay mis chevaulx et lévriers, (2) Heraulx, eschansons, escuyers, Gens druz , à tout habandonnez.

Le nom de noz aultres gorriers

£st escript aux huys par fourriers : (1) Mon nom FHonneste fortuné Souvent gourd et bien guerdonné , Souvent tout mal assaisonné, Souvent entoûillé parmeslure, (2) Souvent recreu, fasché, tenné, (3) Lascbe comme ung cheval estonné A qui fault une emmieuslure.

Train, court, amour, telle embouclure (A) M*ont engendré madnte affistolure, Et faict faire msdntes moettes.

Car pour repos, j'ay eu foulure ; (5) Poiu- le beau temps , j'ay eu gresliu*e ; Pour provision , des jonnettes; (6) En lieu de faisans, alouettes ; Pour chariotz branslans , brouettes :

D'entretien mal utensile. (7)

Brief , quoy que Dames soyent flouettes, Autant vault chasser aux suettes ; On ne les prent pas au fillé.

Qui n'est rusé, duyt, ou stillé, Ja n'y proffitera à foison.

Car pour moy , c'est mal compilé , Mal entendu , et mal filé De prendre fuseau sans peson.

D'amours ce n'est que trahysou ; De court (poac !) ce n'est que blason ; De train d' estât , ce n'est que enuuy.

J'ay fréquenté mainte maison , Où j'ay perdu temps et saison , Posé que j'eusse bon appuy.

Au fort , j'ay hanté et suivy ; L'Honneste fortuné je suis :

ïousjours honnesteté m'a pris. (8)

Se j'ay trop longuement servy Sans avoir eu grand audivit.

C'est fortune qui me surpritz.

Si ay je noté et escript En mon sens, et en mon escript, Les deduytz, plaisances et jeux Des grans Seigneurs, le choix et bruyt. Le passetemps et le deduyt L'effect et le prouflît d'iceulx.

A Princes jeunes et joyeulx n y a des passetemps deux Qui les peuvent tourner et mouvoir :

L'ung les rend doulx, begnins, piteux; L'autre les rend vaillans et preux, (1) Puissans de povoir et d'avoir. (2)

Et affin de faire debvoir.

Se vous desirez le sçavoir, (3) Ce sont les Armes et les Dames ; En ce parc vous en povez veoir Les signes , et appercevoir Les démonstrations et les games. (4) Là sont les Armes, là les Dames ; L'une se plaint, et l'autre rit; L'une s'y donne à l'autre blasme Pour avoir, ou temps qui court, bruyt.

Le Procureur des armes dit (5) Qu'en cest aage qui est doré, Ung Prince doibt prendre deduyt A estre des Armes paré. (6)

Cest autre, qui est séparé, Pour les Dames dit le contraire, Qu'ung chascun s'il n'est esgaré

Doibt tascher aux Dames complaire.

Armes et Dames chascun veult plaire ; Ce sont deux passetemps mondains, Qui se debatent pour bruy t faire Aujourd'huy entre les humains.