XXVII. Mais peu de temps après, ayant Scipion desfait

10 Hannibal en bataille rengee, abbatu et mis soubs ses piedz la gloire et l'orgueil de Cartage, donna à ses citoyens une joye plus grande qu'ilz n'avoyent onques espérée : et en ce faisant redressa et asseura l'empire Romain, qui peu devant avoit esté en grand branle. Toutefois la vie de

15 Fabius ne s'estendit pas jusques à la fin deceste guerre, et n'entendit onques de son vivant la nouvelle de la routte de Hannibal, ny ne veit onques celle grande et asseuree prospérité de son païs : car environ le temps que Hannibal se partit de l'Italie, il tumba en une maladie dont il

20 mourut. Or trouve Ion par les histoires que les Thebains ensevelirent Epaminondas aux despens du public, pource qu'il mourut en si grande pauvreté, que quand il fut mort Ion ne trouva rien qui soit en sa maison, sinon une petite broche de fer : mais les Romains n'inhumèrent pas

25 Fabius aux despens de la chose publique, ains contribuèrent à ses funérailles pour teste la moindre pièce de monnoye qui eust cours alors, non pource qu'il eust faulte de biens pour se faire inhumer, mais seulement pour honorer sa mémoire, en faisant ses obsèques à leurs

30 despens, comme de leur père commun. Ainsi eut il à sa mort honneur convenable à la vertu de sa vie.

29 A : à leur despens