ET FABIUS

prisonniers : toutefois il n'y despendit pas grande somme de deniers, ains environ trois mille six cents escus seulement : là ou il ne seroit pas facile à dire combien Pericles pouvoit amasser d'argent et de presens par le moyen de 5 son authorité, tant des subjects et alliez mesmes des Athéniens, comme aussi des roys et princes estrangers : en quoy neantmoins il teint tousjours ses mains nettes de toute concussion. Mais au reste, quant à la beaulté et magnificence des temples, ouvrages et édifices publiques, lo tous les ornemens ensemble qui furent onques à Rome avant le temps des Caesars, ne sont pas à comparer à ceulx dont Pericles embellit et orna la ville d'Athènes ; car il n'y a point de proportion ny de comparaison de la sumptuosité excellente et magnificence des uns aux autres.

13 D: de la sumptuosité et excellente magnificence des unt aux autres