P. 53] DE FOULQUET DE MARSEILLE

Foulquet de Marseille, son père, nommé Amphoux, riche marchant de Gennes, habitant à Marseille, luy lessa un fort beau et ample héritage, et d'or et d'argent. Ce Foulquet s'entendit en hault pris et valeur, se meist à servir les vaillans

hommes, aspirer et parvenir aux honneurs avec eux, fut fort agréable à Richard, roy d'Angleterre, au comte Remond deTholouse, et à Beral de Baulx, seigneur de Marseille, son seigneur et maistre, composoit fort bien et doctement en langue provensalle, chantoit encores mieux, estoit beau de sa persone, plaisant et libéral; il avoit monstre (ainsi qu'on dict) la façon de rithmer aux poètes de son temps, eust intelligence avec Adalasia, femme de Beral, son maistre, faisant à sa louange plusieurs belles chansons, mais ne par son beau parler, ne par ses chansons, il ne peut jamais trouver mer- [P. 54]-cy envers elle, et par ainsi n'eust aulcun don d'amour, ainsi qu'il le demonstre en ses chansons, se plaignant grandement de sa rigueur. Advint que Beral et Adalasie trespasserent, comme aussi feist le roy Richard, et le comte Remond de Tholouse, et Amphoux, roy de Castelle, desquels il avoit receu tant de faveurs, du regret desquels abandonna le monde et se rendist de l'ordre de Cisteaux, et fut esleu abbé du Thorondet en Provence, près du Luc, et depuis evesque de Marseille et finalement archevesque de Tholouse, faisant la guerre contre les hérétiques, et y deceda environ l'an 1213. Le Monge de Montmajour, en sa chanson, dict que Foulquet estoit un marchant qui, pour s'enrichir, feist un faulx serment, par le moyen duquel fut dict et déclaré perjure, et qu'il n'a jamais bien dicté ne composé ; a faict un traicté intitulé Las Complanchas de Beral, ausquelles il introduict Beral regrettant la mort de Adalasia, sa femme. Le Monge des Isles d'Or et Hugues de Sainct Cesari ont escript que ja soit qu'il fut originaire de G-ennes, toutes fois pour son grand bruit et savoir on le nomma Foulquet de Marseille et non de Gennes [P. 55], ainsi que Pétrarque le certifie au quatriesme chapitre de son Triomphe d'Amour, où il déduit un grand nombre de nos poètes provensaux.

[F° 7 r°] LA VIE DE FOULQUET DE MASSELHE Fol. 70 J

Folquet fut de Masselhe, fils d'ung riche marchant de Gennes qui se nommoit Mossen Amfox. Quand son père morut, luy layssa moult

1 En marge: 1205.

d'avoir et de richesse. Il s'entendit en hault prix et en valeurs, se mist à servir, à estre advenant envers les valhants hommes et à briguer aveceulx et à donner et à servir, et alla avec eulx. Fut homme grandement agréable et honorable envers le roy Richard et le bon comte Reymond de Thoulouse et de Beral4, seigneur de Masselhe, son maistre et seigr. 11 trouvoit et composoit fort bien, et chantoit fort bien, fut moult advenant homme de sa personne, playsant et libéral. Eust intelligence et amour avec la femme de Beral1, son maistre, en la priant d'amour et faisant d'elle maintes bonnes chansons, mais jamays ne par ses promesses, ne par ses chansons, il ne put trouver aulcune mercy envers elle, que fut là cause qu'elle ne luy feit aulcun don d'amour, par quoy toujours il se plainct d'amour en ses chansons. Advint que sa dame morut, et Beral, son maistre, aussy, que tant luy faisoit d'honneur; morurent aussi le roy Richard et le bon comte Reymond et le bon roy Amphoux,dont de fâcherie et tristesse qu'il eut tant de sa dame que des princes cy-dessus, habandonna le monde et se rendit de l'ordre de Citeaux avec sa femme et deux enfants qu'il avoit, et fut abbé d'une riche abbaye qu'est en Provence, nommée le Toronet, et depuis fut evesque de Thoulouse (Chansonnier de Sault) et de Masselhe, que fut en l'an 1205, et en deschassa les hérétiques, qui y estoient, et là mourut.

Le Monge deMontaudon, en sa chanson qu'il afaict contre les poètes prouvensaulx, dict queFoulquetestoitun marchand qui pour s'enrichir feist un faulx serment, par le moyen duquel fut dict et déclaré parjure, qu'il n'a jamais bien composé. Il a fait ung livre intitulé: las Complanchas de Beral de Claustral, ausquelles il introduit Beral se plaignant de la mort de sa femme.