P. 56] DE GUILHEM DE CABESTAN

Guillem de Cabestaing fut ainsi nommé, parce qu'en sa jeunesse avoit demeuré au service d'un gentil homme de Cabestan, mais il estoit yssu de la noble et ancienne rasse de Servieres de Provence ; fut bon poète provensal ; ayant laissé son maistre, se retira en Provence, où il fut amoureux d'une dame de Marseille, nommée Berenguiere des Baux, fille de

1 En marge: Barrai.

Bertrand, à la louange de laquelle feist quelques chansons en langue provensale. Elle cuidant entretenir pardurablement ceste amour et redoubler l'amitié, par le conseil d'une vieille sorcière, luy donna à manger d'une herbe nommée du verayre \ et si tost qu'il en eust gousté commensa a refrongner le visage comme s'il eust voulu rire, mais c'estoit le venin de l'herbe mortifère que luy causoit jala mort. Un savant médecin, son compagnon, sachant cela, le secourut promptement d'un souverin mytridat, [P. 57] et fut hors de danger, et se retira à la dame de Rossillon, nommée Tricline Carbonnelle, dame de ce temps plaine de science et de bonnes vertus, femme de Remond de Seilhans, seigneur du dit lieu, de laquelle il devint amoureux, et luy envoya une de ses chansons, l'adressant par la coupple finalle à Remond son mary, qu'estoit homme rude et malplaisant, ne s'addonnant qu'à rappines, car c'estoit la façon des poètes provensaux d'adresser leurs poésies aux maris, ainsi qu'il se lit en l'une de ses chansons' ainsi :

Sen Remond la grand bellessa

E lous bens qu'en ma Donna es

M'en say lassât, e près.

Pour raison de laquelle chanson elle fut surprinse de son amour, que luy pénétra son cœur si avant que Remond en chargea jalousie et soupçon, et estant asseuré des approches d'eux deux, trouvant un jour Guillem seul aux champz, le print par le collet, et luy ficha son espée jusques au manche, luy trancha la teste, luy osta le coeur du ventre, l'emporta à sa maison, fist apprester le coeur en viande bien délicatement et en fist manger à Tricline, et luy dit: La viande que vous avez mangée est-elle bonne? Ouy, dit-elle, la meilleure que je mangeay ja-[P. 58]-mais. Aussi c'est des entrailles de ton paillard (luy dit Remond tout furieux, en luy monstrant la teste de Guilhem qu'il tenoit pendue par les cheveux); laquelle si tost qu'elle eust recognue, tomba en pasmoyson, et estant peu après retournée à soy, dict à Remond en plorant : La viande a esté si bonne que je n'en mangeray jamais plus d'autre, et en ce disant, tenant un couteau sous sa robbe, s'en perça sa,

1 A la marge: Du verayre poyson.

tendre poictrine, et mourut. Le Monge de Montmajour dit ainsi : Guilhem, d'homme vaillant et gaillard, estant amoureux devint estonné et couard, de s'estre laissé meurtrir à un vilain porc et jaloux. Le Monge des Isles d'Or et Sainct Cezari ont escry qu'il fut meurtry par trahison en l'an 1213, du temps que Remond, comte de Thoulouse, estoit poursuivy par le pape Innocent et le roy de France. Pétrarque a fait mention de ce poëte au quatriesme chapitre du Triomphe d'Amour.

[F0 27 po] GUILHEM DE LESTANG

Estoit gentilhomme, seigr de Cabestan ; en sa jeunesse, ainsi que luy mesme le confesse, estoit sot et endormy, inays depuis qu'il fut surpris de l'amour de sa dame, il devint acort et bien advisé au faict d'amour, et croyssant de sens et de sçavoir, devint bon poëte en la langue vulgaire provensale, en laquelle il trouva et composa de bonnes chansons à la louange de sa dame, et il dict que les beaultés et dons de nature que sont en elle, l'ont enlassé et pris. Il compare sa dame à la beaulté et à la vertu qu'enferme la pierre amétiste, qui tout ainsi qu'elle gare d'enyvrer, que sa beaulté attire à soy tous les plus subtils. En une autre chanson, parlant de la vertu et pouvoir d'amour, dict que la beauté de Venus faict valoir les plus sots et les nyais, et tel est gracieux et plaisant qui a acquis cela d'estre amoureux des dames et de les hanter et fréquenter.