P. 70] DE BERNARD DE VENTADOUR

Bernard de Ventadour fut fils d'un pauvre homme de Ventadour, qui se vint habiter en Provence ; estoit homme ingénieux et de grand dextérité, savoit fort bien rithmer et chanter; le vicomte sieur de Ventadour l'aimoit moult fort, et luy faisoit grand honneur pour les l belles et riches inventions de poésie. Ses chansons furent tant agréables à la vicomtesse, qu'estoit une noble dame jeune et vertueuse, qu'elle en fut amoureuse, et luy de elle; leur amour dura longtemps avant que le vicomte s'en apparceut, et quand il se fut recogneu, un jour qu'elle luy parloit, et que tous deux changèrent de couleur, le vicomte n'en feist aucun semblant ; mais la vicomtesse, retirant son esprit de tels pensemens, destournant sa fantasie, moyenna qu'il print son congé fort honnestement et se retira vers la duchesse de Normandie, qu'estoit de ce temps dame de valeur et de [P. 71] grand savoir, qui le receut fort humainement, et luy feist donner estât, où gueres ne séjourna, que la duchesse, considérant attentivement les honestes contenances du poëte,soubdain tous deux furent surpris de l'amour l'un de l'autre ; toutes les chansons que Bernard faisoit en langue provensalle les dedioit à la duchesse, dont elle reputoit cella a une louange immortelle. Peu de temps après, Richard, roy d'Angleterre, ayant ouy parler des beautez

1 Sic. Lis. ses ou suppl. sa devant poésie.

et vertus de ceste duchesse par la seule poésie de Bernard, la print en mariage, Posta de Normandie, et l'amena en Angleterre, laquelle tost après deceda. Bernard, privé de la présence de la duchesse, se retira à Remond, comte de ïholouse, où il fut amoureux de la comtesse de Beauquere, nommée Jehanne, qu'estoit une fort belle et illustre princesse, à la louange de laquelle feist plusieurs belles chansons, en l'une desquelles prie le roussignol faire entendre à ceste princesse, que sans elle il ne voudroit pas avoir le royaume de Tyr ; que si elle veut luy peut faire estancher tant de larmes et de souspirs qu'il respand pour elle. La comtesse venant à décéder, Bernard se rendit religieux au monastère de Montmajour, et là feist plusieurs beaux livres [P. 72], entre lesquels Las recoyssinadas de l'amour recalyvat, Las Mayas, La Ramada, e qualquasElegias de las Syrenas ; deceda en religion en l'an 1223. Eble de Ventadour, fils de la vicomtesse que Bernard aymoit tant, racompta tout cecj7 à un savant personage de lors, duquel le nom est incognu; qui estoit poëte provensal, qui le rédigea par escript, duquel Sainct Cezari dict avoir extraict, et le meist au Cathalogue des poètes provensaux. Le Monge des Isles d'Or et Sainct Cezari escrivent avoir leu ses œuvres; le Monge de Montmajour dict que ce Bernard escrivoit si mal, qu'il le fallut oster du sepulchre pour luy faire lire sa lettre.