P. 68] DE HUGUES BRUNET

Hugues Brunet, gentil-homme de Roddez, fut savant aux bonnes lettres, bon poëte en langue provensalle, sage et prudent, se feist comique ; les chansons qui se chantoyent aux scènes luj mesmes les faisoit, et composoit le chant et ordonnoit qu'elles fussent chantées, et quelquesfois y faisoit mètre le chant a un sien compagnon qui ne se mesloit que de chanter: car Hugues n'avoit point de voix. Le roy d'Arragon le voulut avoir a son service, comme feist le comte de Tholouse, et le comte de Roddez, et Bernard d'Anduze et le Daulphin d'Auvergne; fut amoureux d'une gentil-femme de la noble et ancienne maison de Monteilh, nomm[é]e Jullienne de Monteilh, estimée la plus belle dame, la mieux parlante et la plus sage de Provence, mais elle ne feist jamais semblant de l'aymer. Quoy voyant se retira du tout avec le comte de Roddez, son maistre et seigneur, où il fut amoureux de la comtesse ; le com-[P. 69]-te s'appercevant de leurs amours, pour le plaisir qu'il prenoit à la poésie de Hugues Brunet, fut contraint n'en faire aucun semblant, estant trop asseuré de l'honnesteté et chasteté de sa comtesse. Deceda en l'an 1223. A faict un traité intitulé Las Drudarias d'Amour; mais aucuns ont dict que c'est de la propre facture de Bertrand Carbonel, poëte de Marseille. Le Monge des Mes d'Or et Saint Cesari recitent ce que dessus, et le Monge de Montmajour n'en dict rien. Pétrarque, au quatriesme chapitre de son Triomphe d'Amour, faict mention de ce poëte.

[F„ 17 roj VIE DE HUGUES BRUNET. Fol. 195 »

Hugues Brunet fut de la cité de Roddez, qu'est de la seigneurie du comte de Thoulouse, fut homme sçavant aux bonnes lettres, bon trouveur et de bon sens naturel, et prudent, se feit juglar, comique trouvant de bonnes chansons, desquelles il ne composa point le chant.

1 En marge : 1212.

il brigua et aspira avec le roy d'Aragon et avec le comte de Thoulouse et avec le comte de Roddez, son seigneur, et avec Bernard d'Anduze et avec le Daulphin d'Aulvergne. Il s'entendit avec une bourgeoyse d'Orlhac, qui se nommoit madame Galyane, la plus belle du pays ; mays elle ne le voulut aymer, ne retenir à son service, ne luy faire aulcun plaisir d'amour, et [ fut amoureux de la comtesse de Roddez, et le comte, s'apercevant de leur amytié et de la deshonneur qu'il luy faisoit, bailha] congé à Hugues Brunet, dont de douleur il se rendit de l'ordre de la Chartrosse, où il fina ses jours. Il a faict