P. 76] DE HUGUES DE SANTCYRE

Hugues de Santcyre, gentilhomme, fut bon poëte provensal, amoureux d'une gentilfemme de Provence nommée Clermonde de Quiqueram, de la cité d'Arles, qu'estoit une belle femme tant accomplie et reluisante entre les dames du pays, qu'elle ne recevoit comparaison aucune, non pas seulement en beauté, mais en sens et bonté, à la louange de laquelle fist plusieurs belles chansons de toute taille de rithmes en langue provensalle, luy commandant pour couvrir leurs amours de les dédier àla princesse Beatrix de Savoye, comtesse de Provence, femme de Remond Berenguier, ainsi qu'il se lit en la coupple finalle de l'une d'icelles, disant:

A la vallent comtessa de Proensa Qu'a tous sous fachs d'honnour, e de saber, Sous dichs courtes, sous semblans de plazer, De grand'amour, e de granda valensa, Mand'mas kansons, car cella de cui es M'a commandât qu'a leys la tramezés.

En laquelle dit qu'il a trois grands enne-[P. 77]-mis qui le contraignent jour et nuit de se meurtrir soy mesme: ses yeux, qui le font aymer en lieu plus haut qu'il ne lui convient : l'autre est Amour qui le tient en son pouvoir, le contraignant d'aymer sa dame : le troisiesme et plus cruel ennemy est sa

dame à laquelle il n'ose monstrer semblant, de peur qu'il ne se occie de désir et d'envie de l'avoir. Il se plaint à sa dame, qu'est-ce qu'il fera, qu'il ne peut trouver respit en nulle part, si elle ne le retient à son service, il ne sçait que faire ou dire, il ne peut mourir, et le fait languir en desespoir, demande comme il pourra endurer tant de travaux; qu'il a cherché les lieux plus solitaires pour fuyr sa dame aveugle et sourde, que nul ne luy ayde, fors que le bruit impétueux de Durance qui l'accompagne en ses pleurs et regrets ; Amour le voit bien, sa dame le sçait, et luy sent les griefves douleurs, finallement qu'il ne trouve aucun confort qu'à la mort. Le Monge des Mes d'Or et Saint Cezari en escrivent autant, dient aussi qu'il a fait un traicté intitulé De las rikas vertus de sa domna, quïl adressa à la dicte comtesse. Le Monge de Montmajour dict que cest Hugues estoit un ignorant, qui ne sceut jamais faire un bon vers qui valut, ains tout à travers, et que sa da- [P. 78]-me ne tint jamais compte ne estimation de luy. Trespassa de fâcherie, et des rigueurs qu'il receut d'elle, environ le temps que dessus, que fut en l'an 1225. On peut juger si Pétrarque a pris plusieurs inventions de ce poëte.

[F0 32 v°] HUC DE SAINT-SIRE. 225

Estoit gentilhomme qui se feist moyne en sa vieillesse, après avoir suyvy le train d'amour toute sa vie. A faict plusieurs chansons qu'il adresse à la comtesse de Provence, par commandement de sa dame. F° . Faict mention d'Avignon, de Tholose et de Savaric.