P. 79] DE RAMBAUD DE VACHIERAS
Rambaud de Vachieras fut fils d'un chevalier de Provence, sieur de Vachieres audict païs, bon poète provensal et comique, se tint long temps avec le prince d'Orenge qui luy fit de grans biens et faveurs, advança sa poésie et le fist cognois-
tre et priser aux plus grands de sa cour, qui prenoyent plaisir à la rithme provensalle, et aymoyent la vertu. Quelque temps après, et environ l'an 1218, se retira au marquis de Mont" ferrât Mossen Bonifaci, avec lequel demeura longtemps à la suite de sa cour, et là s'enrichist d'accoustremens, d'armes et de chevaux et de belles inventions en la poésie : fut surpris de l'amour de Beatrix, sœur du marquis, qui fut mariée à Henry du Caret, à la louange de laquelle trouva de fort bonnes chansons, la nommant par nom secret Mon beau Chevalier. Chacun savoit bien que Beatrix luy portoit bonne affection; mais comme princesse très prudente, pour ne donner soupçon à son mary, s'en déporta totalement, et Bambaud meu de fureur poétique flst [P. 80] une chanson convenable à son faict en divers langages, que tout ainsi qu'elle avoit changé d'opinion, de mesme il a changé de langages. La première coupple qu'est en langue provensalle dict:
Aras quand vey verdeiar .
La seconde coupple qu'est en langue tuscane dit ainsi :
I son quel che ben non ho.
La troisiesme coupple en françois dit ainsi :
Belle douce dame chère .
La quatriesme coupple en gascon dit ainsi:-
Dauna, yeu my rend'a bous.
Et la cinquiesme coupple en espagnol dit ainsi:
Mas tan temo vuestro pletto.
Et la coupple finalle est entremeslée desdictes cinq langues.
Le marquis allant en la Bomanie accompaigné de Baudoin comte de Flandres, Henry comte de Sainct Paul, et Loys duc de Savoye, qui s'estoyent croisez contre les Sarrazins, et Bemond marquis et comte de Provence, mena avec luy Bambaud, et le flst chevalier, et tous ces princes et seigneurs l'enrichirent de grandes seigneuries et mesmes l'empereur Frideric 2. du nom, [P. 81] en la présence duquel il avoit souvent chanté et recité plusieurs de ses belles chansons, pour le grand plaisir qu'iljprenoit enlarithme'provensale, auquel il donna le gouvernement de Salonic qu'il avoit gaigné sur les
Sarra[s]ins, et lamorut en 1226, encore de bon eage. Le Monge des Mes d'Or et Saint Cezari ont escrit qu'il estoit amoureux delà comtesse de Burlas, et que ceRambaud cy est celluyd'Aurenge et non de Vachieres. Il a faict un traicté intitulé Lous plours delsegle, enrithme provensale, auquel il escript la félicité que Dieu donna à l'homme et à la femme quand illes colloqua en paradis, et les maux qui en sont provenus pour avoir transgressé ses commandements. Le Monge de Montmajour decouppe ce traicté, etlerejecte tant loing, disant que ce sont raisons reprovées de tous, et que ce Rambaud estoit fol et ' transporté de son sens. Pétrarque toutesfois faict mention de luy aux lieux prealeguez cy dessus.
