LP. 117] DE PEYRE DE SAN ROMYEGH

Pierre de Sainct Remy fut gentil-homme de la ville de Sainct Reiny en Provence, de la noble niayson des Hugolens, qu'estoit une famille fort noble et ancienne, fut apris aux bonnes lettres et arts libéraux. Le Monge des Isles d'Or et Sainct Cezari l'ont mys au reng des bons poëtes provensaux, disans qu'il a imité en toutes sortes de rithmes et de belles inventions le docte et savant Arnaud Daniel, son voisin, par lesquelles ont peut facillement colliger quel homme il estoit. Le Monge de Montmajour, en sa chanson, peinct ce poëte d'une autre façon, disant ainsi: Ce Pierre faysoit tant plus violantement et cruellement, et estant fort contraire aux choses honnestes desiroitd'estre veu amateur d'une vie dure et escabreuse, faisant tout par courroux. Un autre a escript tout autrement, qu'est le Monge des Isles d'Or, disant que ce poëte estoit homme éloquent, [P. 118] plain de civilité et de mots facecieux, de bonne conversation, et en plusieurs autres bonnes choses digne d'estre aymé, mais fort subject à gourmandise et voluptés, qu'en brief temps après avoir consumé toute sa substance, se feist comique, fréquentant la cour des princes, et par ce moyen se remist en nature, feist de belles comédies et de belles chansons, lesquelles chansons il adressa à une dame de Provence de la maison de Lambesc, nommée Antoinette, dame de Suze, laquelle fut si infelicede son temps, que ce poëte comme ingrat recognoissant de bien peu les faveurs rares qu'il receut de ceste gentil-femme qui estoit tant sage et tant vertueuse, de l'amour qu'il lui portoit, en devint comme furieux, tellement qu'un jour se tenant auprès d'elle cheut en telle cruauté et rage qu'il tua cruellement sa dame, et puis

luy mesme de douleur se tua, et ce fut environ le temps que dessus. Un"autre a escript tout autrement, disant que ce poëte de trop d'amour vint comme transporté de son sens, et trespassa en ceste manie, et elle de douleur ne vesquit gueres après, et c'estoit parce que les parans de l'un et l'autre ne se voulurent acorder au mariage qui se traictoit entre eux deux. Le dict Monge des [P. 119] Isles d'Or et Sainct Cezari ont escript en la vie de ce poëte qu'il a faict un traicté1 auquel il descript, qu'il se fâche grandement, et est esbay de ce que le comte de Provence ne chastie l'insolence et fierté des Arelateins, la rébellion et arrogance des Massilliens, l'ambition et convoitise de régner et le peu de justice de ses officiers d'Aix, l'abomination qui règne en sa cité d'Avignon, les moqueurs de Digne, la nation barbaresque des Nyciens, la tenante avarice et tromperie des gavotz des montagnes et les faits néants des Martegaux et tant de tyrans qu'il y a en son pays de Provence, où le riche mange le pauvre, et le noble outrage et oppresse le paysan ; duquel traité il fut faict présent à ma dame Marguerite de France, femme de sainct Loys, roy de France.

[P. 120] D'AYMERIG DE BELVEZER

A}7meric de Belvezer fut homme de bonnes lettres, bon poëte comique, chantoit bien, feist plusieurs bonnes chansons en langue provensalle à la louange d'une gehtilfemme de Gascongne, de lamayson de la Valette, de laquelle il estoit amoureux; et voyant qu'on parloit trop ouvertement d'elle et de luy, se retira à Remond Berenguier, comte de Provence, à la louange duquel et de Beatrix de Savoye, sa femme, feist aussi plusieurs bonnes chansons, et s'y arresta un long temps, jusques qu'il devint amoureux d'une princesse de Provence nommée Barbosse, dame d'éternelle beauté, de bonnes etsainc-

1 A la marge: Traicté des vices qui regnoyent es bonnes villes de Provence et dédié a Marguerite de Provence, royne de France, femme de S. Loys.

tes meurs et grâces infinies et la plus élégante du monde, bien instruicte es sept arts libéraux, à la louange de laquelle feist quelques chansons, en l'une desquelles il se plainct contre elle de la rude responce qu'elle lui feist, qu'il n'a depuis ozé se présenter pardevant elle, qu'il [P. 121] meurt d'envie et de désir de lavoir; que s'il avoit un tel heur il trespasseroit de joie, et par ainsi qu'il ayme mieux demeurer en ce desir toute sa vie que de mourir en la voyant. La dame Barbosse luy tenant propos un jour en la compagnie de l'infante Beatrix, fille du comte Remond de Provence, Aymeric lui dressa son gant qui luy estoit tombé, et en baisant le gant le luy présenta, dont elle en fut aigrement reprise à part par les damoyselles qu'estoyent là présentes, auxquelles elle respondit avec bonne gravité, estant secondée de l'infante Beatrix, que les damoyselles d'honneur ne peuvent assez monstrer d'honnestes faveurs aux poètes qui chantent leurs louanges et les rendent immortelles par leurs poésies. Le poëte en estant adverty fist une chanson qu'il luy adressa sur ce propos, et un' autre à la dite infante Beatrix. Quelque temps après, ceste dame Barbosse fut esleue abbesse du monastère de Monlegez en Provence, et luy de douleur trespassa, car il n'estoit permis en façon que ce fut parlera une religieuse dés qu'elle estoit entrée en religion et avoit faictvceu de chasteté. Fleurissoit du temps que ledict Remond Berenguier fist édifier la ville de Barcellone aux montagnes de Provence, que fut [P. 122] environ l'an 1233, et trespassa en Tan 1264. Le Monge des Mes d'Or, adjoustant à la vie de ce poëte, dict qu'il fist un traicté intitulé Las amours de son ingratta, qu'il envoya peu avant sa mort à ceste abbesse; mais le Monge de Montmajour dict en sa chanson que ce n'estoit pas de la veine d'Aymeric, car il n'estoit bon qu'à la potagerie.

[Fo 4 vo] EYMERIG DE BELENUEY. 234.

Eymeric de Belenuey, ou de Beauver, ou de Beauvezer, estoit home de bonnes lettres, bon poëte comique, chantoit bien, feit plusieurs bonnes chansons à la louange de Gentile, gentilfemme de Gascoigne, de laquelle il estoit amoureux; se tint longtemps avec elle, et

de là pour maulvaises soupçons de luy se retira vers le roy d'Arragoa, à la louange duquel et de la reyne aussy feist plusieurs bonnes chansons. Estoit contemporain et grand compagnon d'Arnaud Danyel. Il estoit grandement estimé en la langue prouvensalle. Saint Cezairi dict qu'il estoit provensal.

[P. 123] DE PERDIGON

Perdigonfut poëte comique, musicien et toucheur d'instruments de cordes et de vent, estoit gentilhomme du pays de Glivauldan, pour son savoir fut au service du Dauphin d'Auvergne, qui le fist passer chevalier, et luy donna de grandes terres et possessions de fort grand revenu. Tous les gentilshommes du pays luy faisoyent beaucoup d'honneur : tant qu'il fut auprès delà personne du Dauphin, il se trouva fort heureux; mais quand il fut decedé, Perdigon ne se sceust entretenir avec le nouveau Dauphin son fils, parce qu'il estoit jeune, ne sachant le bien et la félicité qu'on reçoit de la noble poésie, tellement qu'il perdit tout à un coup le fruict de tant de belles et excellentes fortunes qu'il avoit receues. Et se retira à Remond Berenguier, dernier du nom, comte de Provence, amateur des poètes provensaux, qui l'enrichist de tout ce qu'on pouvoit désirer, car il chanta toutes les victoires que le comte avoit obtenues en Provence contre les rebelles du pays, et les rédigea par escrit, et les luy [P. 124] adressa par ce tiltre : Las victorias de monsiour lou comte, que fut du temps qu'il réduit à son obéissance tout le pays de Provence, et les comtez de Vintimille, de Nisse, de Piémont et seigneurie de Gennes. Ce poëte estoit compagnon des deux Emerics cy devant nommez, espousa une dame de Provence de la maison de Sabran, nommée Saure, de laquelle n'eust point d'enfants, et décédèrent tous deux environ l'an 1269, et firent héritier le comte de Provence.

[Fo 20 r°] LA VIE DE PERDIGON. Fol. 219.

Perdigon fut bon comique et joglars, boa trouveur et poëte, bon musicien et toucheur de vyollons ou de la vyele . Fut de l'evesché de Givaudan, d'ung bourg qui se nomme l'Esperou, fut fils d'ung paoure pescheur, mays pour son bon sens et son beau et ingénieux trouver, monta en grand prix et en grand honneur, car le Daulphin d'Aulvergne le tint pour son chevalier, arma et vestit longuement et luy donna terres, possessions et grand revenu, dont les princes et les grands barons luyfesoient grand honneur. [En une de ses chansons, il faict comparaison de luy à Tantale, disant qu'il est toujours près de sa dame de laquelle il n'en peut retirer aulcun fruict.] Il eut longtemps de grandes et bonnes adventures, mais tost se changèrent les bonnes et survindrent les maulvaises, car il perdit tous ses amys et ses amyes, tout son prix, toutes les honneurs et les richesses qu'il avoit, et ainsi se rendit en l'ordre de Cistel, et là mourut. Le Monge des Isles d'Or et St Cezaire disent qu'il mourut de trop aymer.

|P. 125] DE GUILHAUME DURANT

Guilhaume Durant de Puymoysson en Provence, les autres le font de Montpellier, grand jurisconsulte de son temps, et le plus fameux que nul autre qu'aye escript devant ne après luy, tant en théorique qu'en pratique, pour le savoir duquel les uns l'ont nommé le Spéculateur, des autres le père de pratique, estoit issu de noble et ancienne famille des Durants, et des Balbs ducosté de sa mère1. En sa jeunesse s'addonna à la lecture de plus beaux livres qu'il pouvoit recouvrer, vivoit en continuelle sobriété de vie, qu'estoit un singulier moyen pour la confirmation de sa mémoire, aussi chacun estoit en admiration de la mémoire qu'il avoit. Car quand illisoit quelque beau livre en romand, fut en prose ou en rithme, le re-

1 A la marge: Les Balbs et Durants, ancienne race de gentilshommes de Provence.

citoit incontinent de mot à mot. Il disoit que gourmandise et yvrongnerie rendoyent l'esprit hebeté et obfusquoyent du tout la mémoire. Le Monge des Isles d'Or dict que la félicité de la mémoire de ce poëte procedoit d'une pierre ou gemme qu'il portoit enchâssée [P. 126] en or, ayant en soy telle vertu. Fut amoureux d'une dame de la maison desBalbs de Provence, à la louange de laquelle fist plusieurs chansons en langue provensalle, en laquelle il estoit bien versé et bon poëte. Par trop grande curiosité recouvra l'an et le jour de la nativité d'elle, qui se nommoit Balbe, qu'il communiqua à un sien amy,, médecin provensal, grand astronome, pour savoir le discours de sa vie, qui luy dit lors tout ce qui adviendroit à Balbe selon les jugemens astronomiques et qu'on verroit de choses admirables en sa mort, toutesfois il trouvoit qu'elle devoit estre de longue vie. Le poëte estant bien record de ce que le sage astrologue luy avoit dit, plusieurs années passèrent jusques au jour que tel accident luy devoit venir, qu'elle tomba en maladie : le second jour elle se trouva mieux, le troisiesme fut tellement malade qu'elle fut tenue pour morte, ses funérailles préparées, fut portée en sépulture; le bruit de sa mort parvint aux oreilles du poëte, et s'en estonna tellement qu'il cheut en maladie de laquelle il mourut. Et fut ensevely le mesme jour que Balbe, laquelle pendant qu'elle gisoiten la tumbe à l'heure de ses funérailles, commença à respirer et à se remuer et plaindre, toute l'assi-[P. 127]-stance estonnee, fut ostee du sepulchre et promptement secourue. Estant revenue en convalescence, on luy raconta tous ces accidens, et la mort survenue au poëte, dont elle en fut bien fachee, et se rendit religieuse et trespassa aagee de lx. ans, et luy deceda en l'année 1270. Le Monge de Montmajour, ne faict aucune mention de ce poëte. Sainct Cezari dict qu'il usoit de ceste sentence bien souvent aux conseils qu'il donnoit aux parties plaidantes auxquelles il cognoissoit que leur droit estoit faible:

Mais val calar Que fol parlar.

[Add. 11, fo 136 r°] GUILHENS DURANT