P. 109] DE BONIFAGI CALVO GENEVOIS
Bonifaci Calvo estoit natif de G-ennes; estant jeune laissa sa cité et se retira vers le roj Ferrand qui regnoit en Castelle en l'an 1248, où il fut honnorablement receu ; peu de temps après pour son beau trouver et poetizer, le fist passer chevalier; s'énamoura de Berenguiere niepce du roy Ferrand, à l'honneur de laquelle composa plusieurs belles chansons en langue provensalle, espagnolle et tuscane, approchans de la philosophie, en laquelle il estoit grandement versé. Parmy ses chansons s'en trouve une esdites trois langues, adressante à Alphons, roy de Castelle, le persuadant de guerroyer contre le roy de Navarre, et d'Arragon, pour le recouvrement de ses terres. Le Monge des Isles d'Or introduisant Philosophie parlant à la faveur du poète dit ainsi : Parce que les chants et les mots sont mieux entendus et plus prisez par ceux qui ont ouy les raisons et les achoysons pour qui ils furent faicts, que par ceux qui ne les ont jamais ouyes, le maistre qui fist les chansons qui sont es-[P. 110]-crites en ce livre a voulu qu'on y puisse trouver les raisons et les achoysons pour qui il les ûst; Et partant il commanda escrire cecy, pour "autant que maintes fois ceux qui ne savent entendre les chansons, ne choisir l'œuvre subtillement faicte par les personnes doctes, se font correcteurs d'icelles, et par foiblesse d'esprit et ignorance corrompent maints bons mots subtillement ouvrez. A ceste cause je prie tous ceux qui verront ceste œuvre, que Boniface Calve a faict, qu'ils ne se travaillent point à l'amender, car moy qui suis Philosoph[i]e aycogneu le dict Boniface pour un souverain maistre en l'art de poésie. Je donne par jugement que tout homme qui se travaillera d'amender et corriger les œuvres en poésie qu'il aura faicts, qu'il soit tenu et réputé pour un ignorant, fol, téméraire et pour mon ennemy. Sainct Cezary dict, que sortant de Gennes, il se retira à Alphons roy de Castelle et non point à Ferrand, et qu'il l'envoyapar devers le comte de Provence, lequel luy fist espouser une' demoyselle de Provence, de la maison des comtes deVintimille, avec
laquelle ne vesquit guieres ; toute la félicité de ce poëte et philososophe ne dura plus haut que d'un an, et trespassa environ le temps [P. 111] que dessus. A faictun traicté intitulé Dels Courais Amadours. Le Monge de Montmajour nomme ce poëte Fantasque, et qu'il fut banny de Gennes pour avoir esté trop bon citadin.
[P. 112] DE AYMERJC DE PYNGULAN
Aymeric de Pyngulan, gentilhomme thoulousain, fut bon poëte en rithme provensalle, etmesmes a mesdire, s'énamoura d'une bourgeoise de la ville, contre laquelle ayant faict quelque chanson satyrique,fut frappé griefvement sur la teste par un parent de la damoyselle, pour occasion duquel fut contraint se retirer àGuilhem de Bergedam en Cathalongne, duquel il fut honnorablement receu, et après l'avoir faict guérir de la blessure, chanta de belles chansons à sa louange ; pour raison desquelles il luy bailla de beaux presens, et luy fist avoir entrée et cognoissance avec le roy Alphons de Cathalongne, avec lequel se tint un long temps ; et ayant faict une satyre contre Gaucelme, maistre d'hostel du roy, par laquelle on pouvoit facilement entendre qu'il avoit desrobbélacouppe d'or où le roy beuvoit, fut contraint se retirer en Provence, [P. 113] chez la princesse Beatrix, [héritière de Provence, fille de Remond, comte de Provence, avant qu'elle espousast Charles, comte d'Anjou, frère de sainct Loys, roy de France ; avec laquelle il fust le bienvenu, aymé et prisé, pour les bonnes et plaisantes inventions qu'il avoit en la poésie, dont il en estoit le vray maistre. Il en feist une, et la chanta souvent en la présence de la princesse, en laquelle il recitoit qu'il n'y hâtant d'animaux parmi la terre, ne tant d'oyseaux parmi le boys, ne tant d'estoylles au ciel qu'il ha de fâcheux pensemens chaque nuict dans son cœur. Peu dé temps après se retira en Lombardie avec l'une des marquises de Malespyne, à la louange de laquelle feist de fort belles et doctes chansons ;
estoit grand compaignon de Guy d'Uzez, de Peyre Vidal et des deux Rambauds. Trespassa au service de la dicte marquise environ l'an 1260, de laquelle il avoit esté amoureux, ainsi que l'ont escript le Monge des -Mes d'Or et Sainct Cezaiï, dont il en feist ce traicté intitulé Las Angueyssas d'Amour. Le Monge de Montmajour mesdit de cestuy ce qu'il en a voulu dire. Pétrarque l'a imité et suyvi en plusieurs passages et en faict mention en son Triomphe d'Amour.
[F°5 vo] AYMERIC DE PINGULAN. 166 *
Aymeric de Pingulan, de Thoulouse, fut fils d'ung marchand de draps, bon poëte en rithme prouvensalle et mesme à mesdire. S'énamoura d'une bourgeoise de la ville, pour laquelle ayant faict quelque cbanson satyrique, fut frappé par quelqu'un de ses parents sur la teste et fut contrainct se retirer de Thoulouse, et s'en alla en Cathalogne, chez Guilhem de Bergedan, duquel il fut fort honorablement receu, et prenant plaisir à sa poésie, luy feit de moult beaulx et profitables présents, et luy bailha entrée avec le roy Alphonx de Cathalogne, avec lequel se tint un long temps. Mays, ayant luy faict une satyre contre Gaucelm, maistre d'hostel du roy, par laquelle l'on entendoit facilement qu'il avoit desrobé la coupe d'or où le roy beuvoit, fut contrainct s'oster de là et se retirer chez le comte Berenguier, du temps que ses quatre filhes estoient en prix, et en bruit, et sur toutes feit plusieurs chansons qu'il adressa à Beatrix. En une de ses chansons il dict « qu'ainsin que le cerf est pris, je suis son home lige, et jamais home qui ayme ne fut plustost conquis que je fus, quand elle tira son gant et que je luy baysay sa blanche main, laquelle baysant m'entra tant vivement l'amour dans mon corps que je demeuray sans vie. » Pétrarque, prenant argument sur ceste chanson, en a faict ung sonnet qui se commence
[P. 114] DE GASBERT DE PUYCYBOT
Gasbert de Puycybot estoit gentil-homme de Lymoges; es-
tant jeune enfant son père le fist entrer dans un monastère du pays, où il fut apris aux bonnes lettres et à la musique, et à jouer de tous instruments de vent et de cordes, sceut fort bien trouver en la poésie provensalle, car estoit bon trobadour. Par voulonté d'une damoyselle, sa parante, qui l'alloit visiter souvent audict monastère, soubz ombre de dévotion, lui remonst[r]ant que c'estoit grand dommage et honte à luy de consumer son eage en telle prison, qu'il valloit mieux suyvrele monde que s'arresterlainutillement,se retira à Savaric de Mauleon, auquel tout homme de bon savoir se retiroit, car il les aymoit et prisoit (ainsi qu'a esté dict cy-dessus), duquel receut de beaux et riches presens, faisant valoir et priser sa poésie des plus grands seigneurs de Provence ; fut amoureux d'une belle et vertueuse damoiselle de Provence de la maison des Barras, nommée Barrasse, à la louange de laquelle feist et trouva plusieurs bonnes chansons, mais elle ne le voulut aymer[P. HSjqu'il ne fut faict chevalier, et cefaict elle estoit contente de l'espouser ; Gasbert plain de désir le feist entendre à Savaric, lequel en peu de temps le feist passer chevallier et luy donna chevance de grand revenu , et luy feist espouser la damoiselle de Barras, et demeurèrent quelque temps ensemble jusques à ce que Savaric s'en alla en ambassade en Espagne, où il mena Gasbert. Barrasse demeurant seule à sa mayson fut continuellement sollicitée par un chevalier angloys qui la mena en Arles, où il la laissa sans dire adieu : au retour que Gasbert feist d'Espagne, passant en Arles, logea auprès de la maison où sa femme estoit, et après l'avoir recognue, dormirent une nuict ensemble, lendemain la mena en Avignon, et la feist enfermer dans un monastère, faisant entendre aux religieuses que c'estoit sa cousine : luy de fâcherie retournant sur son bien, vendit ce qu'il avoit et se rendit moyne au monastère de Pignans, et le Monge des Isles d'Or dict que ce fut au Thoronet, où il ne fut jamais veu chanter, ne poétiser, quelques prières que luy fussent faictes par les grands seigneurs qui tant aimoyent sa poésie, et y trespassa en l'an 1263, ce dict Saint Cezari, et qu'il a fait un traicté Las Banzias d'Amours, et [P. 116] neantmoins qu'il fut au service de Charles premier du nom, comte de Provence, lorsqu'il dompta les Massilliens pour la seconde foys, qui s'estoyent re-
voltez. Le Monge de Montmajour le nomme hypochritte faux, qui savoit plusieurs maux : dict encor qu'il avoit délibéré la mener au puys de l'Argentiere qu'est un espouvantable précipice, haut et proffond dans la mer, vis à vis des Isles d'Or, ou dans l'Avenc de Crueys où l'on avoit anciennement de coustume y getter les femmes qu'estoyent accusées d'adultère, mais par belles parolles elle fut plus fine que luy et aima mieux estre enfermée au dict monastère.
[F0 15 ro] VIE DE GAUBERT DE PUYCIBOT. Fol. 181 i
Gaubert de Puycibot fui gentilhomme de l'evesché de Lymoges, fils du chastellain de Puycibot. Estant jeune enfant, fut mys au monastère de Sainct Léonard pour religieux, et là fut aprins aux bonnes lettres. 11 sçavoit bien chanter et bien trouver en poésie, et par voulenté de femme sortit dû monastère, et se retira a celuy où venoyent tous ceulx qui par courtoysie desiroyent d'avoir faveur et honneur, qu'estoit le bon Savaric de Mauleon 2, qui luy donna harnoys, vestements et chausses de joglars, et s'en va à la suite de la cour des princes, où il trouva et composa de bonnes chansons, et s'énamoura d'une damoy selle belle et gentille, à la louange de laquelle feist de bonnes chansons. Mays elle ne le voulut aymer ne faire aulcune faveur, s'il ne se faisoit chevalier, et ne la print en mariage. Gaubert feit entendre à Savaric l'intention de la damoyselle. Savaric, qu'estoit amateur des personnes doctes et des bons trouveurs, porta telle faveur à Gaubert qu'il le feist passer chevalier, et luy donna grand chevance et bon revenu, et luy feist espouser la damoyselle, laquelle il maintint en grand honneur. Advint que Gaubert s'en alla en Espaigne, et la damoyselle demeura seule, de laquelle ung chevalier d'Angleterre la sollicita si bien qu'ils s'entendoyent ensemble, et feit tant qu'il la mena en Provence et la tint longuement pour druda, sans l'espouser, et luy bailha rouge. Gaubert, estant de retour en Provence, logea en la cité où sa femme estoit. Voulant elle aller hors la ville pour s'esbattre, s'en entra au logis d'une paoure femme, où estoit Gaubert par fortune, et s'estant entrecongnus ensemble, eurent entre
1 En marge : 1233.
2 En marge: Regarde Guaguin faisant mention de ce Savaric, fol. 75, du temps de Loys, père de St Loys, roy de Fraace, 1233. Mays le second vol. de la Mer des histoires, fol. 40, possède un chapitre qui faict naître Aro. Savaric, et dict que c'estoit de l'an 1220.
eulx tant de douleur et de honte qu'ils ne pouvoyent parler l'ung à l'autre. Toutefois ils passèrent la nuit le mieulx. qu'ils purent, et le lendemain la feit entrer dans un monastère et la fit rendre religieuse, dont de douleur Gaubert layssa le chanter et le trouver.
