P. 128] DE RICARD DE NOVES

Ricard de Noves fut extraict de nobles et insignes parens du lieu de Noves en Provence, les autres dient de Berbentane; estoit vaillant aux armes. Son père avoit tenu le party d'Estephanette et de ses enfans, princes des Baulx, contre Berenguier, comte de Provence. Ce Ricard fut tousjours au service des princes d'Arragon et comtes de Provence, et mesmes de Remond Berenguier, dernier du nom, à la louange duquel fist maintes bonnes chansons et plusieurs bons verset bon sens1, et à son trespas fist un chant funèbre de ses vertus et magnanimitez, qu'il alloit chantant es maisons des grands seigneurs, en se promenant et faisant les gestes à ce convenables, parle remuement de sa personne et changement de sa voix, et par autres actions requises à un vray comique. En quoy faisant il gaigna un grand thresor. Mais parce que par iceluy chant il parloit [P. 129] contre la mayson d'Anjou, et de ce que la Provence estoit tombée entre mains de ceux de France, luy fut conseillé par ses grands seigneurs et amys de se taire, et de-

1 Sic. Lis. sons.

puis il ne le chanta jamais. A mis par escript l'indeue occupation qu'ont faict par le passé les gens d'Eglise des places et seigneuries de Provence sur les comtes d'iceluy pays, parce que les dictes deux places de Noves et Berbentane appartiennent à l'evesque d'Avignon. Sainct Cezari et le Monge des Isles d'Or dient qu'il trépassa environ l'an 1270, et dient aussi que le comte de Provence l'avoit constitué clavere de son chasteau, ayant la garde des clefs de la ville, auquel les consuls estoyent tenuz tous les soirs les luy porter, qu'estoit de ce temps un estât fort honnorable et se nommoit Lou clavari de Monsiour lou Comte, recevant ses droicts. Un autre a escript que les officiers du Pape avoyent entrepris le gecter tout vif dans le profond puis du chasteau de Noves, où l'on avoit accoustumé de getter les prestres qui paillardoyent.

[F0 22 r°] RICARD DE NOVES. 63.

Fut bon poëte provençal, extraict de nobles parens du lieu de Noves, estoit vailhant aux armes; en sa jeunesse il avoit aydé à faire la guerre, tenant le party d'Estephanette et de ses enfans,' princes des Baulx, contre le comte de Provence, à la louange de laquelle avoit escript plusieurs bons vers et faict plusieurs bons sons, et au traicté de paix que firent ces princes, le comte Berenguier le voulut à son service; et à son trespas feist un chant funèbre de ses vertus, qu'il alloit chantant auxmaysons des grands princes, en se pourmenant et dansant et faisant les gestes et les remuements de son corps et changement de sa voix, ainsi qu'ung comique, où il gaignoit tout ce qu'il vouloit. Mays parce qu'il parloit contre la maison d'Anjou et de ce que la Provence estoit parvenue entre les mains des Françoys, luy fut conseillé de se tayser, et depuis il ne la chanta.

[P. 130] DE PERCEVAL DORIE

Perceval Dorie estoit gentilhomme de Gennes, se tenoit en Provence, fut gouverneur et podestat d'Avignon et de Arles,

pour Charles premier du nom, comte de Provence, par le moyen de l'infante Beatrix, fille et héritière de Remond Berenguier, comte de Provence, qu'avoit esté coronné roy des deux Sicilles et de Naples. Estoit philosophe et bon poëte en nostre langue provensalle, en laquelle il a escript plusieurs chants, et un beau syrventez de la guerre qu'estoit entre le dict Charles et Menfroy, et de ce que le dict Menfroy, injuste occupateur de la Sicille contre le gré de l'Eglise romaine, fut si honteusement vaincu parle dict Charles à Benevent, duquel temps il fieurissoit, et en feist un traicté intitulé La guerr'a de Carie, rey de Naples, et del tyran Manfred, et un autre intitulé La fina folia d'amours, en rithme provensale. Se treuvent plusieurs belles [P. 133] tensons ou disputes d'amour, ausquelles ledict Doria et Lanfranc Sygalle, autre poëte provensal, sontinterloquuteurs, ensemble plusieurs syrventezcontre la cruauté des tyrans. Trespassa à Naples en l'an 1276. Il se trouve un autre poëte nommé Symon Dorie, de la vie duquel je n'ay sceu rien entendre ne recouvrer, fors qu'une tenson en laquelle sont interloquuteurs lesdicts Symon Dorie et Lanfranc Sygalle, àsçavoir mon qui est plus digne d'estre aymé, ou celluy qui donne libéralement, ou celluy qui donne mangre l soy, pour estre dict libéral. Pour en avoir la diffinition, ils envoyèrent ceste question aux dames de la Cour d'Amour de Pierrefeu et de Signe, et ne se contentants de leur arrest, recoururent tous deux a la souveraine Cour d'Amour, des dames de Romanin, en laquelle presidoyent certain nombre de dames illustres du pays, entre lesquelles

Phanette des Gantelmes, dame de Romanin, La marquise de Malespine, La marquise de Saluées, Clarette, dame des Baulx, Laurette de Sainct Laurens, Cecille Rascasse, dame de Caromb, Hugonne de Sabran, fille du comte de Forcalquier, Heleine, dame de Mont-Pahon, [P. 132] Ysabelle des Borrilhons, dame d'Aix,

Ursyne des Ursieres, dame de Montpellier,

1 Sic. Lis. maugré.

Alaette de Meolhon, dame de Curban, et

Elys, dame de Meyrarques, et plusieurs autres dames, mais je n'ay sceu encore trouver leurs jugemens et arrests.

„[F° 17 v°] PERCE VAL DOR1A

Gentilhome de Germes, se tenoit en Provence, fut potestat d'Avignon pour Charles premier du nom, roy de Sicile ; estoit philosophe et bon poëte en langue provensale. Il a rendu de soy mémoire immortelle et recommandable, et a tellement illustré son nom, qu'il semble en ses œuvres qu'il soit encore en vie. lia fait la. Philosophie d'amour en rithme provensale.

[P. 133] DE LANFRANC SYGALLE

Lanfranc Sygalle fut natif deGennes; gentil-homme sage et prudent, bon orateur et jurisconsulte, chevalier aux loix, faisant estât et profession des loix et des armés. En sa jeunesse fut amoureux de Berlenda Cybo, gentilfemme de Provence, extraicte de l'illustre, très noble et ancienne maison en iceluy temps de Cybo de Gennes, issue de grands personnages de Grèce, du temps que les empereurs de Constantinople envolèrent de leurs forces en Italie, pour la délivrer de la tyrannie des Septentrionaux, ainsi que par les armoiries de sa mayson se void, correspondantes à son nom et origine, pour laquelle feist maintes bonnes chansons et mesmement es choses spirituelles. Avoit esté au service de Remond, comte de Provence, qui l'aimoit et estimoit grandement. De son temps, les Genevois craignans estre opprimez des autres nations, leurs voisines, voyans le pouvoir [P. 134] du comte Remond, luy envoyèrent leurs embassadeurs et orateurs, entre lesquels le dict Lanfranc Sygalle, qui fut en l'an 1241, feist tant avec sa faconde et doux parler, que le comte de Provence print leur

cité et les habitans (ficelle en sa protection et sauvegarde, aux conditions et pactes contenus en la convention sur ce faicte et passée. Il a faict plusieurs chants à l'honneur de la Vierge Marie, et un chant funèbre de sa Berlenda, qui se tenoit à Marseille ; un autre chant qu'il adressa au Pape de Rome, à l'Empereur, aux roys de France et d'Angleterre, aux potentatz d'Allemagne et au comte de Provence, pour le recouvrement de la Terre Saincte ; un autre à Thomas, comte de Savoye, lequel il loue sur tous les princes chrestiens, tant en savoir que sagesse et faict de guerre ; un autre contre Boniface, marquis de Montferrat, de la trahison qu'il commist de son pays envers les Milanois, où il en receut de grands deniers. Sainct Cesari dict que Lanfranc s'estant retiré faisoit estât de gaigner argent, soubs colleur de garder l'autorité des loix et ordonnances impériales, dont il en fut repris. Luy et son compagnon (duquel je n'ay sceu trouver le nom) furent massacrés près de Morgues, en allant de Pro-[P. 135]-vence à Gennes, par quelques assassinateurs et sicayres, que fut en l'an 1278 ; et autant en dict le Monge des Isles d'Or. Et le Monge de Montmajour dict que ce poëte estoit homme ignorant, bègue, qui ne sçavoit parler ne bien dire sa raison, arrogant et s'estimant beaucoup.

[Fo 19 r°] VIE DE LANFRANC CYGALLE. F. 209. •

Lanfranc Cygalle fut natif de Gennes, gentilhomme sage et prudent, bon orateur et jurisconsulte et chevalier aux loix, faysant Testât et profession des loix. Fut amoureux des dames, bon trouveur et poëte, et feist maintes bonnes chansons et mesmement es choses spirituelles. En certaine convention et accor faict entre les Gennoys et Remond Berenger, comte de Provence en l'an 1241, il fut depputé l'ung des orateurs et embassadeurs, et feit si bien avec sa faconde que led. comte print la cité de Gennes à sa protection et saulvegarde.

1 En marge : 1241.