P. 136] DE BONIFACI DE CASTELLANE
Boniface de Castellane fut seigneur de la ville de Castellane aux montaignes de Provence et de tout son bailliage, homme riche et puissant, vaillant en faict de guerre ; en sa jeunesse s'addonna à la poésie provensalle, fut amoureux d'une dame de Provence, de la mayson de Fossis, fille du seigneur d'Ieres, de Pierrefeu et du Cannet, nommée Belliere, pour laquelle et à sa louange chanta plusieurs belles chansons; et croyssanten eage, creut aussi de gloire et d'ambition, fut convoiteux de régner. C'estoit merveilles de luy que, quand il avoit beu, estoit agité d'une fureur poétique incroiable : prophétisant tousjours quand il escrivoit ou poëtisoit, n'espargnant personne, en quelque degré qu'elle fut constituée, ainsi que l'a descript le Monge des Isles d'Or, et qu'en la coupple finale de la pluspart de ses chansons usoit de ces mots : Bouka qu'as dich? comme s'il se deust repentir d'avoir trop parlé, saichant bien que sa langue (combien qu'il dist vérité) luy nuiroit avec le temps. S'intituloit vicomte de Marseille, feist un syrven-[P. 137]-tez contre le roy d'Angleterre, le taxant de ce qu'il avoit le sanglout, puisqu'il ne daignoit recouvrer les terres que le roy de France lui occupoit. Son père se nommoit aussi Boniface de Castellane, les autres dient de Biez, lequel par sa trop grande présomption et témérité voulut faire teste à Ildephons, ayeul paternel de Remond, comte de Provence, dernier du nom; mais intervenans les amis communs, luy presta hommage et obeyssance de sa ville de Castellane et de tout son bailliage; mais depuis par rébellion (les autres dient par vendition) fut acquise ou confisquée audict comte de Provence. Le Monge des Isles d'Or et Sainct Cezari le nomment le prince de Castellane, et que son origine estoit de Castelle, en Espagne, et qu'il estoit facond en son parler, libre en ses escrips, vif d'esprit et chevaleureux; qu'il composa un livre auquel estoyent comprinses les familles des nobles vicieux et vertueux de Provence, sous parolles couvertes, le tout par forme de syrventez, duquel ilfist un présent à Charles
premier du nom, comte de Provence, qui avoit espousé Beatrix, héritière de Provence, et depuis roy de Naples et de Sicile, l'ayant accompagné à la conques-[P. 138]-te du dict royaume, duquel temps ou environ il deceda en Provence, que fut en Tan 1278. Le Monge de Montmajour en sa chanson nomme ce Boniface Bonifa[c}y Voutracujat
[F0 9 v°] BONIFACE DE CASTELLANE
Boniface de Castellane fut gentilhomme de Provence, seigr de la ville de Castellane et de toute sa viguerie, estoit homme riche et puissant, vailhant aux armes, convoyteux de régner, subject à yvrognerie, bon poëte provensal. C'estoit merveilhe de sa condition quand il estoit yvre : il estoit agité d'une fureur poétique, qu'il prophetisoit tousjours quand il escripvoit, et n'espargnoit d'escrire contre les grands seigneurs et roys. [Il usoit souvent, en la couble finale de ses chansons, de ces mots : Bouca quas clich, sçachant bien que sa langue lui couteroit la vie.] Il se disoit vicomte de Masseilhe. Il fit une chanson contre le roy d'Angleterre, en laquelle il luy reproche qu'il a le sanglot, puysqu'il ne daigne de guerroyer ses terres et seigneuries qu'on luy a ostées.Il estoit du temps de [Remond Berenger, comte de Provence, après la mort duquel il induist les Masseillais à se révolter contre Beatrix, qu'estoit demourée seule héritière de Provence, par despit de ce que Boniface luy ayant faict part de troys chansons siennes, à la fin desquelles il s'intituloit le vicomte de Masseilhe, la comtesse Beatrix mist de sa main ces mots : extra muros. Mais ayant elle espousé Charles, vint avec puissante armée contre les Masseillais qu'il dompta], et fist trancher la teste à Boniface et à ses adhérans et tout leur bien reunit à son domayne.
A faict ung traicté intitulé : De la tyrannye des princes.
