P. 242] DE RICARD DE BARBEZIEUX
Ricard de Barbezieux fut seigneur du clict lieu, bel homme, ayant une réputation qui rendoit tesmoignage du bon courage et grande magnanimité qu'estoit en luj, savoit bien parler, estoit grandement exercé es sainctes lettres et en la poésie vulgaire provensalle, en laquelle il s'adonna en sa jeunesse, fut excellent mathématicien, laissant perpétuelle mémoire de soy, envers ceux qui vindrent après luy; fut amoureux d'une gentilfemme de Provence, nommée Clere de Berre, fille d'un gentilhomme, sieur d'Entravenes, qu'estoit belle à perfection, à la louange de laquelle escrivit plusieurs belles chansons en langue provensalle, la nommant en la coupple finale d'icelles,, M'arma e mon corps. Mais par un mauvais rapport se rendit religieuse au monastère de la Celle près la ville de Bri-[P. 243]gnolle laquelle peu de temps après deceda. Et Ricard s'énamoura d'une damoyselle de la maison de Ponteves,non moins douée de beauté que la dame de Berre, pour laquelle il chanta de fort belles chansons, en l'une desquelles es finalles lettres des quatre premiers vers est compris son nom, qu'est ainsi:
Lou jour del nom qu'en mon cor tant s'imprima,
Fon aquel jour de ma destruction,
De ma ruyna, e ma perdition,
Qu'ay ma persona enequalida, e prima.
en laquelle il démontre qu'il n'en estoit pas tant surpris que de la defuncte ; car en un' autre de ses chansons, parlant contre Amour dict, que s'il veut qu'il retourne estre autant amoureux affectionné de ceste, comme il a esté de l'autre, qu'il face retourner les beaux yeux de l'une à l'autre. Et toutesfois il continua tant que finallement il en fut fort surpris et vaincu, ainsi qu'il le confesse en un' autre chanson, en laquelle
il dict que les clers yeux cle ceste ne l'ont moins vaincu que ceux qui sont ores exteincts. Pétrarque s'est aydé de ce poëte en ses œuvres. Il a faict un traicté intitulé Lous Guyzardom d'Amours. Le Monge des Isles d'Or et Sainct Cezari es- [P. 244]-crivans des louanges de ces deux dames, ainsi qu'ils ont recueillydes œuvres de ce poëte, dient que les vertus et beautez de la dame de Berre surpassoyent toutes les louanges qu'on eust sceu dire de la clame de Ponteves. Et trespassa en viron l'an 1383, que le comte de Savoye induit les Niciens à luy prester hommage, pendant que Charles de Duras, dict de la Paix, invaseur du royaume de Naples faisoit la guerre en- Provence contre Louys premier du nom, roy de Naples et comte de Provence.
[F0 28 v°] RICARD DE BARBEZIEUX. 130
Estoit gentilhomme du dict lieu. 11 avoit cela de bon en soy, estoit bel homme et avoit une réputation qui rendoit tesmoignage du bon courage et grande magnanimité qu'estoit en luy, savoit bien parler, grandement exercé aux sainctes lettres, et en la poésie vulguere provensalle, en laquelle il s'adonna durant sa jeunesse. Estoit excellent mathématicien, layssant perpétuelle mémoire de soy envers ceulx qui vindrent après luy. Fut amoreux d'une gentilfemme de Provence de la maison de Berre, à la louange de laquelle composa plusieurs bonnes chansons en langue provensalle, qui sont fort bonnes et de bon sens, la nommant en la couple finale d'ycelle : m'arma e mon corps. [Mais elle par ung maulvais rapport deceda, et s'énamoura d'une dame de la maison de Ponteves, pour laquelle chanta de fort belles et doctes chansons, en l'une desquelles dict que] sa dame est jeune d'ans et antique de prudence. En une autre, parlant contre Amour, luy dict que s'il veut qu'il retourne estre aultant amoureux de ceste nouvelle dame, qu'il fut de la dame de Berre, qu'il fasse, si son pouvoir est tel, revivre les beaulx yeulx de la dame de Berre. Lesquelles deux chansons ont esté imitées en invention par Pétrarque en ung sonnet et en ung chant. 11 escrivoit du temps de
