OU DE MOA'TMAJOUR

Estoit religieux de ce monastère de Montmajour, natif de Beauquere. Sortit du monastère bon gré maugré de son supérieur et se meist à suyvre la cour des grands seigneurs, où il fut bien veu et bien estimé et prisé de ceulx qui se delectoyent à la poésie, car il estoit ung fort bon poëte, et mesmes à mesdire. Croyssant en crédit et sçavoir, se meist à mesdire des poëtes provensaulx,tant contre ceulx qu'estoyent de son temps, qu'il estimoytbien peu, que de ceulx qu'avoyent escript devant luy, et pour n'estre noté de mesdizance, il se taxa lui mesme le dernier, dizant que ce traystre Monge de Montaudon se prend contre tous> qu'il est un faulx moyne qui a layssé Dieu pour suyvre la panse, qu'en sa vie ne feit chanson que rien valut. En plusieurs de ses chansons il use de belles comparaisons, où il compare amour à un vainqueur qu'on meyne pour estre jugé par ses ennemys, ainsi est d'amour qu'est son ennemy mortel ; et d'ung subject qui faict tout ce qu'il peut pour complere à son seigneur qu'est un tyran cruel, ainsi est d'amour auquel il s'essaye de obeyr et complaire; et d'ung vassal qui, pour estre trop vexé et molesté de son seigneur, luy veut quicter sa place et chercher d'habiter ailleurs : ainsi est d'amour.

Les poëtes contre lesquels il a escript sont ceulx-cy :

De S. Desdier, Ar. de Meyrueilh,

Vicomte St Antoyne, Sail d'Escol, '

Myraval, Giraudon lou Roux,

Peyros alvergnats, Folquet de Masselha,

Faydit, Guilhem Moyssets,

Adsemar, Peyre Vidal,

Ar. Danyel, G. de Ribbas,

Tremoleta, Le Monge de Montaudon.

[P. 229] DE TARAUDET DE FLASSANS

Taraudet de Flassans fut seigneur dudict lieu, bon poëte provensal, escrivant doctement en nostre langue provensalle; par le moyen de sa triomphante poésie eust entrée avecques

les plus grands gentils-hommes du pays, lequel joua si finement son rolle qu'après avoir gaigné une grande somme d'argent en la poésie (car il escrivoit gravement et doctement) acheta un canton de la seigneurie de Flassans, d'un des gentilshommes du lieu, nommé Foulquet de Ponteves, jeune gentilhomme qui prenoit un singulier plaisir a la poésie , duquel il n'eust autre payement qu'un petit traicté intitulé Lons ensegnamens per si gardar contra las tracyons d amour ; contract (selon qu'en a escript le Monge des Isles d'Or) trop plus proffitable pour le vendeur que pour l'achepteur, pour autant que ledict traicté valloit un trezor inestimable au vendeur, s'ill'eust sceu [P. 230]ensuyvre, mays qu'il fut trompé d'une damoy selle de Provence, comme aussi fut le dict Taraudet; car il fut amoreux d'une damoy selle de la mayson de Rogier, sœur du vicomte Reniond de Turenne,qui le trompa, et par ainsi le dict traicté ne servit de rien ne a l'un ne à l'autre. Cepoëte tenoitplus du vaillant chevalier que dupoëte; car de son temps il s'acompaigna de quelques chevalliers ■provensaux en bon nombre et dechasserent du pays certeins monstres et tyrans intolérables qui faisoyent une infinité de maux et oppressions a toute manière de gens, et en ce mesme temps, que fut en l'an 1355, ce poëte fut commis comme souffisant en l'art oratoire par le roys Loys et la royne Jehanne de Naples, comtes de Provence, àfairë une remonstrance en latin en la présence de Charles 4. du nom, empereur des Romains, fils duroy de Bohême, lorsqu'il passa à tout son exercite en Provence, sur ce que contre rayson et devoir (sauf sa paix) il avoit contrainct les prélats et gentils-hommes de Provence à luy prester hommage de la comté de Provence et de Forcalquier et de Pymont, contre le gré et intention de leurs majestés, attendu qu'ils ont de touts temps en la dicte comté de Provence [P. 231] jura imperialia ; de laquelle remonstrance il fut grandement estimé et loué et en rapporta une fort bonne recompense, et peu après deceda presque de ce temps.

fcLâP*Tr

[P. 232] DE GUÎLHEN BOYER

Guilhen Boyer fut natif de la noble et renommée cité de Nice, anciennement appelée Cap de Prohensa, ainsi que le nous a laissé par escript le Monge des Isles d'Or, disant qu'il estoit savant aux sciences de mathématique : fut amoreux d'une dame de Nice de la mayson de Berre, à la louange de laquelle feist plusieurs chansons en langue provensalle, laquelle adjousta une grand foy au jugement que fist ce poëte, tant sur sa physionomie que sur la chyromance, esquelles sciences il estoit fort renommé et expérimenté. En sa jeunesse fut mys au service de Charles 2. du nom, et après la mort du dict Charles continua son service avec Biobert, son fils, roy de Naples, comtes de Provence, lesquels après avoir expérimenté le savoir de ce poëte lé proveurent de l'office de podestat en ladicte cité de Nice, les habit an s de laquelle se tenoyent bien heureux de [P. 233] ce que Boyer s'y tenoit, pour l'excellente doctrine qui estoit en luy, et de ce qu'il s'acquitoit si bien en sa charge ; et bien que ceste provision fut contre la teneur des privilèges et libertés de la cité, ce neantmoins ilz l'acceptoyent toutes les années" pour podestat. Les poètes qui sont venus après luy l'ont imité en ses inventions, pris et usurpé de ses propres vers tous entiers. A faict plusieurs rithmes en langue provensalle qu'il declia audict roy Robert et à Charles son fis, qui fut duc de Calabre. Il en adressa une à Marie de France, femme du dict Charles, duc de Calabre, qui dict ainsi :

Drecli, e razon es, qu'yeu kanti d'amour, Vezent qu'yeu ay ja consumât mon âge A l'y complayre, e servir nuech, e jour, Sensa aver d'el profiech ny avantage, Encar el si fai cregner (Doulent) et non si fegner My pougner la courada De sa flécha daurada

Embe son arc (qu'a grand pena el pot tendre) Perso qu'el es un enfant jouve e tendre.

Le Monge des Mes d'Or dict que Arnaud Daniel a faict ceste chanson. On ne treuve [P. 234] pas un poëte provensal qui aje plus doctement et facillement chanté les louanges d'amour, que ce Boyer. Sainct Cezary a escript que ledict roy Robert luy avoit baillé commission de réduire ceux de la comté de Vintimille ; et pour ce que c'estoit une charge fâcheuse et odieuse, et que ce ne estoit pas sa vocation, un poëte provensal sien grand amy luy remonstra de s'en faire descharger et de continuer d'escrire d'amour et de son prince, ce qu'il feist ; dict aussi qu'on treuve plusieurs œuvres soubs son nom et tiltre, mais qu'à son jugement ce n'est pas de sa veine, ains que ce a esté quelque poëtastre qui pour avoir bruit et honneur les a voulu atribuer audict Boyer. Il a faict un beau et singulier traicté de la cognoyssance des métaux et de la source des fontaynes de Valcluse et de ses debordemens admirables, de celle de Sorps, de Moustiers, des treze rais du Val, des fontaines de Castellane, de Tourtour et autres sallees et sulphurees, et de la bonté des baings d'Aix et de Digne, et autres que, par leur vertu secrette, qui en boit, les corps mallades reprenent santé, et d'autres que le bois qu'on y mect s'appierrist et devient aussi blanc qu'alebastre ; il a escript des simples qui croyssent aux haultes montagnes [P. 235] de Provence et autres choses singulières que le pays produict, comme de la graine du vermillon de quoy on fait l'escarlate, de la manne, de l'agaric et du byjon, et autres simples précieux qu'il dédia au roy Robert. Il n'estoit point encore parvenu à la cognoissance de la royne Jehanne, qui regnoit de ce temps à Naples, parce qu'il estoit fort vieux, et trespassa l'an 1355.

[P. 236] DE L. DE LASKARS

L. de Lascaris ou de Lascars fut de ceste noble et ancienne rasse de Lascaris, sieur des comtés de Vintimille, de Tende

et de la Brigue, personage illustre et de grand renom; car ces terres là (ainsi que Ta escript le Monge des Isles d'Or) se glorifient de luy comme d'un poëte très excellent et très renommé ; son esprit a esté si heureux en la poésie provensale et es autres langues vulgueres, que nul ne l'a peu imiter ne en sa douceur, ne en ses inventions. Estant en sa jeunesse print les ordres de prestrise, et par voulonté d'amour surpris d'une sienne voysine, gentilfemme, sœur du grand Isnard de Glandeves, après l'avoir espousee en eust des beaux enfans. De ce temps la royne Jehanne de Naples, comtesse de Provence, avoit une puissante armée en Provence pour en expulser les Bretons et Anglois, qu'estoyent ja entrés bien avant dans ses terres : il eust la charge de ceste armée, car [P. 237] il estoit un vaillant homme au faict des guerres: laquelle finie, par envie et maltalent d'aucuns siens mal-vueillans, fut poursuivy par le pape de rentrer au monastère, où il avoit pris sa profession. Il respondit qu'il aymeroit mieux mourir que d'obéir en cest endroit au pape. Et voyant que les poursuictes continuoyent contre luy, s'en alla trouver la royne Jehanne à Naples en fort beau et magnifie équipage, laquelle ayant entendu et estant acertenee des services faicts à sa Majesté par le poëte, le voyant si beau gentilhomme, d'un esprit tout gaillard, considérant qu'il estoit encor en estât de luy pouvoir faire service tant en son royaume de Naples qu'en sa comté de Provence, envoya lettres au pape Urban cinquiesme du nom, qui residoit en Avignon, et impetra par prières de sa Saincteté à sa faveur que ce poëte eust temps d'advis à se retirer en son monastère dans vingt cinq ans, laquelle licence fut confirmée par Grégoire pape unziesme du nom, qui succéda après le dict Urban. Et avant que le terme escheut, trespassa environ Fan 1376. Le Monge des Isles d'Or et Sainct Cezari ont es-[P. 238]-cript bien amplement ce que dessus. A faict un traicté intitulé De las myzerias d'aquest Monde, et un autre intitulé De la Paurilha.

[P. 239] DE B. DE PARASOLZ

B. de Parasolz fut de Cisteron, poëte tragique, fils d'un médecin, qu'estoit aux gages de la royne Jehanne, comtesse de Provence; fut d'esprit ingénieux et de doctrine excellente, a composé plusieurs choses en nostre langue provensalle, tant en rithme qu'en prose. Le Monge des Mes d'Or dict avoir leu de ce poëte quelques fragmens escripts en rithme provensalle, àla louange de Marie qui fut femme de Loys premier du nom, roy de Naples et de Sicille et comte de Provence, fils de Jehan premier du nom, roy de France. Feist cinq belles tragédies des gestes de feu Jehanne, aussi royne de Naples et de Sicille, comtesse de Provence, et les adressa à Clément septiesme du nom, pape, qui residoit en Avignon de ce temps, qui fut environ l'an 1383. La première [P. 240] desquelles intitula l'Andriasse; la seconde, la TViaran^a; la troisiesme, laMa- Ihorquyna; la quatriesme, l 'Allamanda, en allusion des quatre maris qu'elle eust; car le premier se nomma Andréas, qui fut frère du roy de Hongrie ; le second, Louys, prince de Tharante; le troisiesme, Jaques, infant de Malhorque ; et le quatriesme, Othon de Brunsvich, prince alleman, ausquels elle feist prendre malheureuse fin. La dernière et cinquiesme tragédie intitula La Johannela, ou La Johannada, qui fut du nom d'elle: ausquelles ce poëte n'avoit rien oublié depuis que ceste royne fut de Taage de six à sept ans, jusques à la fin de ses jours, qu'elle print une telle et malheureuse mort qu'elle feist prendre audict Andréas, son premier mary. Le présent de ces cinq tragédies, qui valloyent tout le thresor du monde, fut faict secrettement par le poëte audict Clément. En recompense desquelles luy donna un canonicat en l'église de Cisteron, avec sa prébende de Parasolz, où il se retira, et peu de jours après trespassa, du temps que dessus, exteinct de poison. Sainct Cezari dict qu'il estoit Limosin, suyvant la cour des' papes qui resi-[P. 241]-doyent en Avignon ; et qu'il feist et composa un livre à la louange de ces dames illustres et de quelques hommes vertueux:

Phanette des Baulx qui fut mariée à Berenguier de

Ponteves, sieur de Lambesc; Jehanne de Quiqueran qui fut mariée à un sieur des

Baulx ; Laurette de Sado d'Avignon, pour laquelle François

Pétrarque, poëte tuscan, a faict de si belles rithmes; Blanche de Flassans, surnommée Blancaflour ; Beatrix de Rambaud.

Il loue aussi grandement un souverain peintre provensal, imagier et statuaire tout ensemble, nommé Soliers, et outre ce grand philosophe et savant aux sciences liberalles, lequel entre autres ouvrages feist un tableau par commandement de la royne Jehanne, qui fut mis en l'église Sainct Louys de Marseille, et deux autres, l'un mis à Sainct Victor de Marseille, et l'autre à Montmajour d'Arles, et quelques statues et collosses de marbre qu'il feist en Avignon; et un autre excellent peintre et aussi philosophe provensal nommé César.

[Fo 25 r°] BERTRAND DE PARAZOLS. 207*

Fat fils d'ung médecin de Jehanne, reyne de Naples, prem™ de nom, d'unesperit ingénieux et de doctrine excellente, fut précepteur de [Rcmond Roger dict de Turenne qui feit tant de maulx'en Provence]. A composé plusieurs choses en langue provensalle tant en rithme qu'en prose. Le Monge des Isles d'Or dict avoir leu de ce stuy quelques fragments en rithme provensalle à la louange [de Yoland d'Aragon,] femme de Loys premier de nom, roy de Naples, comte de Provence. A faict quatre tragédies des gestes de Jehanne, reyne de Sicille 2, [qu'il adressa à Clément septiesme de nom pape qui residoit en Avignon]. La première est intitulée L 'Andriassa ; la seconde, La Tara?ita;\a troysiesme, la Malhorqua, et la quatriesme,Z'A llamanda, en allusion des quatre maryts qu'eust ladite Jehanne, dont l'ung fut André, roy d'Hongrie, le 2e Loys deTharante,le 3e Jacques infant de Malhorque, et le 4e Othon de Brunswick, [ausquels elle feist prendre malheureuse fin,] et la dernière il intitula La Johannacla, car elle fut pendue, les autres disent estouffée entre deux coistres par Charles de Duras, en hayne de ce qu'elle avoit faict pendre ledict Andréas, roy d'Hongrie,

2 En marge : Vers l'an 1383.

son premier [mari], parent dud. Duras. Il receut du pape Clément, en récompense de ce livre, un canonicat en l'esglise deSisterou avec sa prcbende.