L'UN DES COMPILATEURS DES VIES DES POETES PROVENSA.UX

Le Monge des Isles d'Or, dictes antiennement Stecades ou les Isles d'Yeres, descendu de l'ancienne famille de Cybo de Gennes, s'estant résolu en ces1 premiers ans de suivre la vie religieuse et monacalle, pour continuer ses estudes, conduict par son bon esprit, parvint au monastère de Sainct Honoré en l'Isle de Lerins dans la plaige deCyagne ; y ayant esté congneu tant pour la noblesse de son sangque par sa bonne renommée, que des sa jeunesse avoit acquise, non seulement fut receu, mais grandement prié d'estre du nombre des religieux de ce monastère, auquel suivant ses estudes parvint facond en la poésie, rhétorique, théologie et autres arts libéraux ; par quoy

i Sic. Lis. ses.

fust prié des religieux prendre la charge de la librerie de [P. 249] leur monastère , qu'estoit renommée la plus belle de toute l'Europpe, pour avoir esté enrichie et douée par les comtes de Provence et roys de Naples et de Sicille et autres grands personnages amateurs des sciences, des plus belles et rares œuvres et des plus exquises en toutes langues et facultez qu'on eust peu désirer, qu'estoient mal reduictes et sans nul ordre pour raison des guerres esquelles le dict monastère avoit esté subject, qu'avoient eu cours par le passé en Provense, entre les princes des Baux et Charles de Duras et Raymond de Turene, pretendans droict en la comté de Provence, et entre les comtes et vrais possesseurs d'icelle. Le , Monge donc ayant pris la charge qui luy avoit esté donnée, fist si bien par ses journées qu'en brief de temps par le moyen de son beau jugement, conforme à son espérance, mist en ordre la librerie , séparant les livres selon la faculté des sciences, non sans grand peyne et fatigue; pour autant que selon le cathalogue d'iceux, qu'un sçavant religieux du monastère nommé Hermantere , descendu de noble famille de Provence, avoict faict par le passé, par commandemant d'Ildefons, roy d'Arragon, deuxiesme du nom, comte de Provence, plusieurs beaux livres en avoyent esté ostez et au lieu d'i- [P. 250]-ceux mis d'autres de peu de valleur et de nulle doctrine. Ce Monge vacant au cathalogue et à la visite des livres, entre autres en trouva un auquel estoient escriptes toutes les nobles et illustres familles tant de Provence que d'Aragon, Italie et France, où estoyent deduictes leurs alliances avec leurs armoiries, ensemble toutes les œuvres de poëtes provensaux en rithme provensale, recueillies par ledict Hermentere par le commandement dudict roy d'Aragon, que luy mesmes transcrivit en belle lettre, desquelles envoya copie à Loys2. du nom père de René, roy de Naples et de Sicille et comte de Provense, de laquelle plusieurs gentil-hommes du pays en feirent faire de coppies, comme estans œuvres rares et plaisantes ; aucuns desquels gentilz-hommes, mesmes ceux qui estoyent amateurs de la poésie provensale les feirent transcrire en belle lettre de forme, et illuminer d'or et d'azur sur pargemin, les autres sur du papier; les vies des poëtes estoyent escriptes en caractères rouges, et les poëmes en

lettre noire en langue provensalle, de plusieurs sortes et façons de rithnie s ; quoy faisant il eust grande peine d'entendre la langue provensalle, pour autant (dict-il) que leurs poèmes estoyent de diverses frases ; car les [P. 251] uns avojent escript en leur pure langue provensalle, et des autres qui n'estoyent si bien versez en icelle, qu'estoyent d'autre nation, comme Espagnolle, Italienne ou Gascogne et Françoise, les poèmes estoyent entremeslez de plusieurs mots de leurs idiomats, qui les rendoit si obscurs et difâcilles qu'a grand peine en pouvoit il tirer le sens. Finalement il les restaura tous en leur entier, et eust tant de grâce en son entendement qu'il fut le premier cause que ces souverains poètes qu'avoyent esté si long temps mys en obly, furent révoquez en lumière. Quant à la vie de ce Monge, il fut bon religieux, singulier et parfaict en toutes sciences et langues, escrivoit divinement bien de toute façon de lettres. Quant à la peincture et illumineure, il estoit souverain et exquis ; il observoit cecy de long temps, que au printemps et à l'automne se retiroit pour quelques jours accompagné d'un sien amy religieux amateur de la vertu, en son petit bermitage aux Isles d'Yeres (où audict monastère avoitde longtemps une petite église dépendant d'iceluy, qu'est la cause qu'il fut surnommé des Isles d'Or) pour ouyr le doux et plaisant murmure des petits ruisseaux et fontaines, le cbant des oyseaux, contemplans la diversité de leurs [P. 252] plumages et les petits animaux tous différents de ceux de deçà la mer, les contrefaisant au naturel. Et en feist un beau recueil, qu'on trouva après sa mort parmy ses livres, auquel il avoit dépeint de beaux passages, tout le quartier de laplaige de la mer des dictes Isles d'Yeres et des villages qui y sont assis, toutes sortes des herbes et plantes les plus exquises, les fleurs et les fruits d'icelles et des arbres qui y croissent naturellement, lesbestes et autres animaux de toutes espèces, la prospective des montaignes, des prayeries et de tous ces champs délicieux, arrosez des belles et cleres fontaines, des poissons de la mer, des vaisseaux qui la traversent à plaines voilles ; le tout tant bien rapporté et contrefaict au vif qu'on eust jugé que c'estoit la mesme chose. Pour monstrer l'excellence de son esprit feist un recueil des victoires des roys d'Arragon, comtes de Provense, ensemble feist unes heures de Nostre

Dame eseriptes de sa main, enrichies de toutes les plus rares diversitez qu'il avoit trouvées en son recueil, en or, azur, et autres belles colleurs, et fort bien et proprement reliées, en fist un présent à Yoland d'Aragon, mère du roy René, qui les estima beaucoup et luy monstra qu'elle les avoit très agréables, [P. 253] parce que les peinctures et illumineures d'icelles correspondoyent au texte de la lettre. Et ce fut un moyen et commencement que le roy Louys deuxiesme du nom, roy de Naples et comte de Provence, et la dicte royne Yoland avoyent tousjours auprès de leurs personnes ce Monge, tant sage, beau et prudent il estoit. Toutes ces choses et plusieurs autres se trouvent es fragmens de Dom Hillaire des Martins, l'un des ■ religieux du monastère Sainct Victor de Marseille, de noble 'maison de Provence. Il a escript aussi que le Monge estoit homme de saincte vie, de bon exemple et continuelle méditation, qu'il a escript un livre auquel il predict que de ceste maison de Cybo sortiroyent plusieurs grands et illustres personnages, qui gouverneroyent et administreroyent l'Eglise catholique et seroyent auprès des roys et princes et grands seigneurs. 11 dict aussi qu'avant qu'il futreceu audict monastère, il portoit avec luy quelques oeuvres en rithme provensalle, traictans de l'amour, qu'il avoit dédiez à Elis des Baulx, dame des Baulx, et comtesse d'Avelin, qu'est une des anciennes familles et nobles de Provence. Deceda au dict monastère en l'année 1408, duquel temps la royne Yoland accoucha du roy René.