COMPILATEUR DES VIES DES POETES PROVENSAUX

H. de Sainct Cezari fut de noble maison de Provence ; les prédécesseurs de cestuy avoient esté autres fois recteurs et conducteurs du monastère des religieuses de Sainct Cesari d'Arles ; son père estant chargé de plusieurs enfans, le fist estudier aux bonnes lettres ; fut amoureux en sa jeunesse d'une

damoiselle de la maison de Serente de Seyne, sieur de Montelar, à la louange de laquelle, estant bon poëte provensal, fist plusieurs chants. Se voyant estre aymé et prisé des grands, devint amoureux d'une autre dame de Provence, de la maison de Castillon; ses parens l'ayans mariée a un gentilhomme de la maison de Villemus en Provence, poursuivit tousjours ses amours, |P- 255] et le dict cle Villemus estre trespassé, fut remariée a un autre gentilhomme de Provence de la maison de G-ordes, pour laquelle il chanta et dicta de fort belles et doctes chansons ; mais depuis qu'elle se vit avoir desja eu deux maris de tant nobles maisons de Provence, craignant d'estre notée de quelque reproche qui touchast son honneur, elle lui envoya secrettement draps, argent et chevaux, pour s'absenter de là. Le poëte pour l'amour qu'il portoit à ceste dame, de peur de luy desplaire, se déporta de ceste amour, et après avoir suivy la cour de Louys deuxiesme du nom, roy de Naples, comte de Provence, se rendit moyne au monastère de Montmajour près d'Arles, aagé de trente ans, où il vesquit fort sainctement, en supportant doucement la vie austère etmonacalle, et y escrivit beaucoup de bonnes choses en la Saincte Escripture, recouvra une coppie des oeuvres de nos poètes provensaux, qu'on disoit avoir esté extraictes de celles qu'avoyent esté rédigées et compilleespar le Monge des Isles d'Or, et par le Monge de Montmajour, fléau des poètes provensaux, lesquelles (ainsi que Ta escript frère Rostang de Brignolle, Monge de Sainct Victor de Marseille, qu'a rédigé et mis par escrit, tant [P. 256] en rithme provensalle qu'en prose, les vies d'aucuns poètes provensaux, de la Marie Magdalene, de saincte Marthe et cle plusieurs saincts et sainctes) estoyent incorrectes et grandement différentes et défectueuses en plusieurs endroicts, pour autant que les coppies qu'avoyent esté extraictes de celles du Monge des Isles d'Or se trouvèrent manques en beaucoup de passages, plusieurs poètes sans leurs vies, ayans seulement leurpoëme, encores bien incorrectes et défectueuses de plusieurs chansons. Et celles qu'avoyent esté extraictes des coppies de ce poëte Sainct Cezari se trouvèrent belles, parfaictes et correctes, ausquelles on lisait les vies de tous les poëtes, escrites en beaux caractères rouges, illuminez d'or et d'azur, qu'il adressa à René,

fils dudict Louys deuxiesme, roy de Naples et comte de Provence, duquel temps il fleurissoit, que fut le premier an du règne dudict roy René, après la mort et trespas de Louys 3. du nom, son frère, aussi roy de Naples, comte de Provence, qui fut en Tan 1435. Lesquelles vies ledict roy René feist transcrire en belle lettre, et y feist adjouster plusieurs vies d'autres souverains poètes provensaux et personnes héroïques, qu'il avoit faictre-[P. 257]-cueillir, lesquelles ne sont encores parvenues ànostre cognoissance. Aucuns ont escript qu'il fist un recueil à part de quelques chansons d'amours, qu'il adressa à Elys des Baulx, dame des Baux, comtesse d'Avelyn, qu'estoit une très noble et ancienne maison de Provence, luy faisant entendre qu'il les avoit recouvrées d'un sien compagnon, et transcriptes, lequel recueil elle receut gracieusement. Car c'estoit une princesse belle et vertueuse, à laquelle tous les poètes provensaux de son temps se retiroyent, et luy adressoyent leurs œuvres. Céste maison des Baulx en ceste comtesse print fin en Provence ; est vray qu'elle s'est conservée au royaume de Naples, en l'illustre maison de Cappue, ducs de Termoly, laquelle retient encores le surnom et armoiries des Baulx, qui sont de gueulles à l'estoille, à seize rayons d'argent, et celles de la principauté d'Orenges en poincte.

La fin des Vies des poëtes provençaux