P. 681] DE GUILHEN DE GRASSE
Cestuy a faict quelques chansons et mesme une qu'il adresse à Beatrix, comtesse et héritière de Provence, filhe du comte Remond Berenguier, par laquelle semble qu'elle n'estoit pas encor mariée à Charles premier, et ceste chanson, selon le chansonere du seigneur comte de Sault, est myse au nombre de Bertrand de Born, en forme de syrventes, qui ce commance :
« Le temps de Pasques me plaist, lequel faict venirfleurs et feulhes, et me plaist quand j'oye les oyseaulx qui font resonner leur chant par le bouscaige, et me plaist, quand je voy sur la praerie les tendes
1 Suit la traduction de ce sirventes. que j'omets ici, parce qu'on la trouvera plus loin, avec le texte, parmi les extraits de la Chronique de Provence, sous l'année 1366.
et les pavillons, et si me resjouys quand je vois par la campagne les chevaliers armez sur leurs chevaulx si bien rengez. Moult me plaist quand je vois que les avant-coureurs baillent la chasse aux ennemys, et me plaist quand je voy une grande compagnie de gens armez venir après eulx, dont j'en ay si grand joye, encor mieulx quand je voy assiéger ung[P. 682] fort chastel, tomber les murs d'une ville et que je voy l'ost cloz tout autour des fossés, qu'il n'y a joye qui la surpasse ; et aussi me plaist quand le seigneur et le chef de l'armée ce mest le premier pour combattre sur ung beau destrier armé, sans avoir crainte de nully, car il donne courage aux siens, et nul n'est prisé en batailhe s'il n'a maints coups pris et donné. Nous verrons à l'assaut maintes masses d'armes, heaumets, escussons brisez, fendus et desgarniz, maints vassaulx s'entreferir ensemble .
» Preux comtesse Beatrix de hault lignage enfaicts etendits, source de beaulté, belle sans aulcune industrie, vous estant pour la meilleure dame qu'on puisse choisir en tout le monde, on vous tient pour ung miroir de vertu; vostre riche pris est de si hault pris qu'on n'en sçauroit point trouver de plus hault ;donzelle vous dis-je de hault lignage, telle en qui gist et pris et beaulté; vous me donnez ung tel courage de chanter a vostre honneur que je ne crains aultre chose fors que d'estre dict trop présomptueux. »
Il afaict une chanson rustique ou pastoralle qui ce commence : « L'aultre jour jalloys cavalcans le long d'une rivière, où trouvay unegente bergère, qui arresta mon cheval par le frein, me disant d'audace : Seigneur, je vous faicts sçavoir que je vous ayme de bon cœur et veulx estre vostre amye, et si vous me faictes compagnie, je [P. 683] n'ay affere ne de Jean ne de Robin. — Pastorelle légère, me semble advis que vous vous moquez des passans, mais je sçay bien comment jeferoispour me garder de voz bourdes. — Je suis (dict la pastorelle) gaye et plaisante, ne cuydez pas que je m'enquiere aultrement de vous, et ce que je vous ay dict ce a esté pour essayer, car, Seigneur, à touts les folz aymants, quand on leur monstre beau semblant, ou quand on leur parle gracieusement, cuydent que les faicts soyent comme les dicts . — Gaye et plaisante (dict le seigneur) si vous estes pastorelle de valleur, je m'octroye a vous, et si je vous ay dict vilenye, je vous prie ne le prandre a desplaisir. — Seigneur (dict la pastorelle) je n'ay cure de vostre prière et la mets en obly, ains seray vostre guerrière, tant que je vivray.»
