P. 677] DE BERTRAN DE LAMANON

Cestuy, la pluspart de ses œuvres ne sont que sirventes, qu'estoit de son temps une mode de chanson contre les princes et grands seigneurs, et mesmes contre les gens d'Eglise, et ne se trouvent aulcunes chansons d'amours qu'il aye faict. Entre aultres, il a faict un syrventes contre l'archevesque d'Arles, qui ne devoit estre guierebon pasteur, disant 4 .

[P. 679] Il ha faict une aultre chanson ou syrventes quand

Charles second , roy de Sicille et de Jérusalem, avoit recouvert le royaulme de Sicille et que Conrad luy venoit faire la guerre ; dict ainsi: « Qu'il mouvoit guerre et nouveau plaid entre ces deux rois, et que Conrad est sorty d'Allemagne, pour recouvrer ce que Charles a conquis sur la Pouilhe ; mais ce ne sera pas sans rompre et briser lances et bois et rompre testes et bras. Avant que la cour Romeyne y consente, on verra trompettes et tabours sonner et chevaliers venir en camp, desployer estandars, faire joustes, desarsonner chevaliers, ouyr maints pleurs et cris, par monts et par vallées courir chevaulx, cent coups donner et cent coups rendre. »