LETTRE DE JEAN DE NOSTREDAME

A SGIPION CIBO1.

Monsr j'ay receu la lettre que vous a pieu m'escrire, et veu celle que vous avez envoyée [au seigneur Michel sur] les mémoires du procès que demandés, en exécution de quoy tous deux sommes allez p[arler a messieurs les aujditeurs et secrétaires de la Cour des Comptes, parce que, du temps que demandez, la dicte [court ] souvraine du païsmesmes en

avoyt la congnoissance. L'ung desquels a dict se souvenir avoir v[eu dans] les papiers et procès vieulxde son père quelque chose concernant ceste maison de Sainct Severi[n, et] m' ayant assigné à sa maison, n'y ay failly y vaquer aux jours et heures que j'ay peu, et ay veu et visité desja plus de trois cens procez. Encores n'ay je rien trouvé qui concerne le dict faict. Il en y a encore une infinité qui n'ont esté visitez ; mais Dieu aydant j'en verroy la fin ; et si je ne trouve rien là, nous irons en quelque aultre part qu'on nous a adressé, et y feray fidèlement toutes les dilligences, et avec tel soing qu'il me sera possible, et ne pardonneray à labeur quelconque ne a la poulsiere que je pourrois bovre, car j'ay un grandissime désir faire service à votre seigneurie et de satisfaire au votre amy de tout mon pouvoir. J'ay pensement que nous n'en trouverons que bien peu, parce que ce procez a esté tant de foys désiré et recherché par de grandz seigneurs y preten-

1 Bibl. de Sienne, ms. dv. ii. p. 49. — Je dois la copie de cette lettre à l'obligeance de M. Emilio Teza, qui avait bien voulu me la signaler. Plusieurs passages sont illisibles dans le ms. On les a rétablis par conjecture, en plaçant entre crochets les mots ou parties de mots ainsi restitués.

dans droict que nous serons en peyne d'en recouvrer quelque chose. Toutesfoys je continueray mon emprinse; et si tant est que le seigneur pour lequel vous m'escrivés aye si grand desirde le recou[vrer je suis d']advis(s'il ne se trouve aulcune chose) que, si les Articles du Cappitoli sur lesquelz avez extraictz la coppie qu'avez envoyée au seigneur Michel sont signez de quelcunque des secrétaires de pardeça et que nous les envoissiez, nous donnerions ordre les vous faire mettre en forme de Transumpt, en la meilleure forme et manière que nous pourrions. Vous y adviserez.

Quant à notre langue provensalle, je suis après a rédiger par escript en notre langue françoise les vies des poètes provensaulx d'ung vieulx livre que j'ay recouvert d'une noble maison de ce païs, auquel sont descriptes leurs vies et leur poème en langue antique provensalle, bien difficille et bien obscure, qui ont fieury environ deux cens cinquante ans,jusques au trespas de la feue royne Jehanne de Naples, et de Sicille, que fut en l'an 1380, que sont en nombre de plus de quatre vingtz poètes, les ungz Florentins, les aultres Mantuans, les autres Genevoys et Lombards, et les aultres provensaulx, escrivant tous en notre langue maternelle provensalle, en laquelle y sont deduitz plusieurs maisons illustres de [ce] pays, tant hommes que femmes, et aulcungz de [cette?] illustre rasse de Cibo, et aultres que j'ay trouvez en de vieulx

papiers, qui faysoi[ent] profession de cette poésie. Je

vous prie me fere ce bien, me fere entendre s'il y a [eu en Italie] poètes escrivantz qu'ayent parlé de notre langue provensalle et des poètes [provensaulx, outre] Equicola, le Velutel, Landin, Jesualde, Bembe, l'Esperon, car puys qu'ilz nous ont [fait cet honneu]r, j'en vouldroys fere mention en mon epistre [dedicatoire], et m'envoyer par escript les passages [de ces auteurs], car je n'en ay pointveu ne leu d'aultres que ceulxla.

[Qua]nt au seigr de Mantin, il n'est pas a présent en ceste ville, car depuis le decez de sa femme il s'est remarié à une damoyselle de Cenest, niepce de madame de Carces, comme aussi n'est pas ici madame laPresidente d'Oppede. Mais [aussi tost re]venir, je les salueray a votre nom et Monsr de Lauris aussi.

Quant à ce quidam Philippe de Nostredame, je ne sçay quel il est, et sur ma vie et sur mon honneur, il emprunte le surnom de Nostredame, afin que ses bavarderies soient plus autorisées, ensemble et tous lesaultresqui supposent le surnom, et nulz d'eulx n'est point yssu d'aulcungz de noz parens. Mon père n'avoit qu'ung frère, qui n'eust point d'enfans, et luy en eust xvin ; et nulz de mes frères n'a enfans que feu mon frère Michel Nostradamus, qui en atroispetitz, dont le plus grand, nommé César, est aux estudes de la mathématique. Les aultres enfans que deux de mes frères ont1 sont fort petitz, et quelques grandz que y sont les ungz suyvent le mesnage, les aultres font profession des armes, et tous s'addonent aux lettres, mais n'y a nul Philippe, ne aultre qui se mesle de l'astrologie.

Je [suis après à] fere ung recueill et cronique de noz comtes de Provence quy ont esté rois de Sicille et de Naples, en laquelle je y déduis les vies des susdictz poètes provensaulx du meilleur ordre escript que je puis, et m'asseure que plusieurs personnages y prendront plaisir. Et voyla en quoy je passe mon temps, pour le présent, atandant que Dieu nous en envoyé ung meilleur.

Et avec ce je me recommanderay très humblement a Votre Seigneurie, vous remerciant de ce qu'avez degné et faict cest honneur de m'escrire et vous souvenir de moy, priant Dieu vous donner en santé ce que desirez. D'Aix, ce xxv janvier

Votre très humble et obéissant serviteur Jehan de Nostredame.

1 II paraît ici se contredire ; mais il faut évidemment entendre, malgré l'étrange construction de la phrase : « nulz de mes frères n'a enfans que feu... Michel. . . et deux autres de mes frères.. . »

*^»&ëffîffî&frr^'