I. Gobelets, coupes : Bicchicre en italien
VOYAGE D'ANTHOINE PIGAPKETTA 363
d'aisles, mais au lieu d'icelles, pennes longues de diverses couleurs, la queue comme la queue de la turte. Toutes les autres plumes sont d'une couleur comme tannée, excepté celles qui sont pour les aisles. Jamais ne voile, sinon quant est vent. Dient que cest oyseau vient de paradis terrestre et l'appellent Bolan ilivata, c'est à dire oyseau de Dieu. Le roy de Macchian estoit environ de septante ans.
Ch.\p. XCVIII.
Ung jour, le roy envoya dire à ceulx qui se tenoient en a maison de la marchandise, que de nuict ne se partissent de la maison, pour aucuns des siens qui vont de nuict, et semble que soient sans coulpe. Et quant trouvent aucuns des autres, louchent en la main, et luy oindent ung petit, car eulx sont oings; et soubdainement sont malades, et entre trois ou quatre jours meurent. Et que en avoit faict pendre moult. Quant ce peuple faict une maison neufve, devant que voysent habiter dedens, font feu entour et moult de convives et attachent aux tectz de la maison ung petit de toute chose qui se trouve en l'isle, affîn que jamais ne puissent deffaillir telles choses à l'habitateur. En toute ceste isle se trouve gingembre et se menge vert comme pain. Le gingembre n'est point arbre, mais une plante petite ; et croissent hors de terre certains bourjons longs d'une paulme comme de la canne, avec semblables feuilles, mais plusestroictes et plus courtes et ceulx ne valent rien, mais la racine est le gingembre et n'est point si fort verte comme seiche. Ce peuple le seiche en chaulx, autrement ne vaudroit riens pour durer.
Chap. XCIX.
Pour ce que le jour suyvant matin, se vouloient partir de Mollucques, le roy de Tadore, de Giailolo et de Macchian,
364 APPENDICE
vindrent pour les compaignier jusques à la fin de l'isle de Mare. Et eurent grand difficulté pour une nave qui puisoit eaue et furent arrestez trois jours sans y pouvoir porter remède.
ClIAP. C.
Le XXI de décembre, le roy vint à la nave, leur baillant deux pilotz qu'avoit payé pour les conduire hors de l'isle, et dist que alors estoit bon temps de partir. Hz prindrent lettres du roy que envoyoit en Espaigne et prindrent congé, deschargeant toutes les bombardes. Et le roy se lamentoit pour leur partir et le conduirent ung peu avec ung bateau. Et quant les eut embrassez avec moult de larmes, ilz se partirent. Et le gouverneur vint avec eulx jusques à l'isle de Mare et n'y furent si tost, que coupèrent quatre praos de bois et chargèrent ladicte nave et prindrent la voye de Garbin. Et n'estoient que quarante six et treize Indiens. L'isle de Tadore tient ung evesque. Et alors y en avoit ung qui avoit quarante femmes et assez filz et filles
Chap. ci.
En toutes les isles de MoUucques se trouve gariofle, gingembre, sagu qui est le pain du bois, rifz, chievres, ouoyes, gelines, coches, figues, amandes moult grosses, pommes de granades doulces et aspres, orenges, limons, bâtâtes, miel de mouches petites comme formis et font le miel ès arbres, cannes doulces, huile de coches, melons, courges, zuche, ung fruict refrigeratif grand, nommé ComuUcai et ung autre comme la pesche dict Gnaii et autres choses pour menger; papegaux blancz dictz Cataca, tout rouges dictz Kore. Et ung rouge vault un bahar de gariofle et parlent plus parfaictement que les autres. Depuis cinquante ans est habitée de Mores ;
VOYAGE D ANTHOINE PIGAPHETTA 365
paravant estoit habitée de Gentilz et encores en y a ès montaignes et ne sçavoient paravant apprécier le gariofle.
Chap. Cil.
L'isle de Tadore est de latitude à l'articque vingt-sept minutes et de longitude à la ligne de la partie CLXXi, loing de l'archipelago de l'isle nommée Zama neuf degrez et demi à la quarte demijour et transmontaigne vers le Grec Garbin. Tarenaie est à l'articque quarante minutes. Mutir soubz la ligne equinoclialle punctualement. Macchian à l'antarticque quinze minutes, et Bacchian ung degré; et sont quatre montaignes haultes, poinctues, excepté Macchian qui n'est point poinctue. Et la plus grande de toutes est Bacchian.
