I. Joncques

APPENDICE

quoy, chascun jour, ces deux peuples combatent ensemble au mesme port.

Leur roy est puissant comme le roy More, mais non tant superbe. Et facilement se convertiroit à la foy de Christ. Quant le roy More entendit comme avoient traicté les joincts, leur envoya dire par ung des nostres qui estoient en terre que les praos ne venoient point pour leur faire desplaisir, mais alloient contre les Gentilz ; et pour vérifier ce, leur monstrerent les testes de anciens mortz et disoient que c'estoient des Gentilz. Ilz envoyèrent dire au roy que son plaisir fust laisser venir deux hommes des leurs qui estoient en la cité pour marchander et le fils de Jehan Carvay qui nasquit en la terre de Brésil, mais il ne voulut. De ce fut occasion que Jehan Carvay laissa le capitaine.

Les joinctz sont leurs navires. Les font deux paulmes sur l'eaue de tables de aes et le dehors de bois, assez bien faictz et le dessus est de cannes. Et ung d'iceulx porte tant de choses comme une nave ; de part et d'autre ont cannestres grosses pour contrepois. Leurs arbres, c'est à dire leurs matz sont de cannes et le voyle d'escorce d'arbre.

La porceleine est une manière de terre tresblanche et est cinquante ans soubz la terre devant la mettre en œuvre autrement ne seroit fine. Le pere l'a soubz la terre pour le filz. Si venin se met en ung vaisseau fin de porceleine, soubdainement se rompra.

La monnoye que font les Mores en ceste partie est de metail, percée au milieu pour l'enfiUer, et a seulement d'une part quatre signes qui sont quatre lettres du grand roy de la China et s'appelle Picis. Et pour ung cathil, c'est à dire deux livres d'argent vif, donnent six escuelles de porceleine. Et pour un cathil de metail, ung vaisseau de porceleine. Pour trois couteaux, ung vaisseau de porceleine, pour ung cayer de papier cent picis. Pour cent et soixante cathilz de metail, donnent ung bahar de cire. Ung bahar est deux centzet trois cathilz. Pour octante

VOYAGE D'ANTHOINE PIGAPHETTA 345

cathilz de metail, ung bahar de sel. Pour quarante cathilz de metail, ung bahar de anime pour acoustrer les navires pour ce que enceste part ne se trouve poix. Vingt tahils font ung cathil. Là se aprise metail, argent vif, voirre, cynabre, drapz de laine, toille et toute autre marchandise,, mais plus le fer.

Les Mores vont nuds comme les autres et boivent argent vif. Les malades le boivent pour se purger, et les sains pour demourer sains.

Chap.LIX.

Le roy de Burne a deux perles grosses comme deux œufs de geline et sont si rondes que ne peuvent tenir ferme sur une table.

Chap. LXX.

Ces Mores adorent Mahomet en leur loy, et ne mengent point de chair de porc, et se lavent le derrière de la main senestre et ne mengent point de celle. Hz ne touchent aucune chose de la dextre; ilz seent quant ilz urinent. Hz ne tuent gelines, ne chievres, si premièrement ne parlent au soleil ; ilz coupent à la geline le sommet de l'aille que luy mettent soubz les piedz et puis la partissent par la moytié. Si veulent, ilz se lavent avec la main droicte et ne mengent aucune chose tuée sinon à l'heure. Hz sont circoncis comme Juifz.

Chap. LXXI.

En cesre isle naist le camphre, une espèce de basme d'ung arbre qui se nomme Capor; naist canelle, gingembre, mirabo-

346 APPENDICE

lans, orenges, limons, succres, melons, concombres, zuche, raphanes, oignons, vaches, beuffles, porcs, chievres, gelines, ouoyes, cerfz, elephans, chevaulx et autres choses. Ceste isle est tant grande que onmettroit à l'environner par un prao trois moys. Elle est de latitude au pol articque cinq degrez et un quart, et en longitude de la ligne devant dicte cent septante six degrez et deux tierces, et s'appelle Burne.

Chap. LXXII.

Partans de ceste isle, tournèrent au derrière pour trouver lieu pour acoustrer la nave, pour ce que faisait eaue. Et une nave par la faute du pilot fut en danger ès bas d'une isle nommée Bibalon, mais l'ayde de Dieu les délivra. Suyvant après leur chemin, prindrent ung prao plein de coches allant à Burne, et les hommes s'en fuirent en une isle affin que ne les prinssent.

Chav. Lxxm.

A ung cap de Burne aultre ceste, est une isle Cimbouleon qui est à viii degrez et sept minutes ; et y a port convenant pour acoustrer la nave ; pour ce entrèrent dedens. Et pour ce que avoient peu de choses pour l'acoustrer, tardèrent quarante jours. En ces jours, chascun d'eulx se travailla à une chose et autre, mais le plus grand travail qu'ilz eurent, fut d'aller assembler bois en la forest, sans souliers. En ceste forest, sont porcz saulvaiges et en mengerent ung. De ceste, passèrent avecques le basteau en une autre isle en laquelle estoient cocodriles grandes, ayans la teste longue de deux paulmes, et les dentz grans, ainsi en terre comme en mer. Aussi huistres de diverses sortes, entre lesquelz en trouvèrent

VOYAGR D'ANTHOINE PIGAPHETTA

deux, dont la chair de ung pesoit vingt cinq livres, et l'autre quarante quatre. Hz prindrent ung poisson ayant la teste comme un porc avec deux cornes, et tout son corps estoit d'un seul os; dessus le dos comme une selle^ la queue estoit petite. Encore là trouvèrent ung arbre faisant feuilles, lesquelles quant elles cheent sont vives et cheminent. Ces feuilles ne sont plus ne moins comme du mourier. Geste beste d'une part et d'autre a deux piedz et est courte et poinctue et n'a point de sang. Qui la touche, elle fuyt. Anthoine Pigaphetta en tint une huyt jours en une escuelle et quant la touchoit, alloit tout autour de l'escuelle et cuyde que ne vive d'autre chose sinon que de l'air.

Chap. Lxxmi.

Quant furent partiz de ce port au cap de l'isle Puloan, encontrerent ung joinct qui venoit de l'isle de Burne, auquel estoit le gouverneur de Puloan. Hz luy feirent signe qu'ilz amenassent le voyle et ilz ne voulurent et ilz le prindrent par force. Et le gouverneur leur promist que se le vouloient laisser aller libre qu'il leur donneroit dedens vu jours, cccc mesures de riz, XX porcs, XX chievres, cl gelines, laquelle chose se feit. Et ptHS leur présenta coches, figues, cannes doulces, vaisseaux de vin de palme et autre chose ; et quant veirent sa libéralité, luy rendirent aucuns poignars et arcs de bois et luy donnèrent une bende de chief, un vcstement de damas jaune et quinze brasses de toille. A ung sien filz donnèrent une cappe de drap de couleur d'asur, et à ung frère dudict gouverneur, une robe de drap verd et autres choses. Et se partirent de luy amis. Et tournèrent au droict de l'isle Ghagaian qui est le portdeChippit. Hz prindrent le chemin à la quarte de Levant vers Siroc pour trouver les isles de Mollucques. Et passèrent aucunes montaignes auprès desquelles trouvèrent la mer pleine d'herbes jusques au fons, tresgrandes. Puis trouvèrent deux isles au Levant,

348 APPENDICE

Zolo et Taghina, auprès desquelles naissent perles. Gestes deux sont du roy de Burne, et comme leur fut raconté, les eust ainsi : il prist pour femme la fille du roy de Zulo, laquelle luy dit comme son pere avoit ces deux grosses perles, lequel se délibéra de les avoir en quelque manière ; et s'en alla une nuict avec cinq centz praos et print le roy avec deux de ses fîlz et les mena en Burne, Et si le roy de Zulo vouloit délivrer luy et ses fîlz, luy fut force de donner les deux perles et les isles.

Chap. LXXV.

Puis au Levant de la quarte du Grec, passèrent entre deux habitations dicte Cavit et Subanin et une isle habitée nommée Monoripa , loing dix lieues des montaignes. La gent d'icelles ont leurs maisons en barques et ne habitent autres. Es habitations de Gavit et Subanin naist la meilleure cannelle que on peut trouver et sont en l'isle de Bathuan etGalaghan. Hz s'arrestcrent là deux jours pour charger les naves, mais pour ce qu'ilz avoient bon vent pour passer une pointe et certaines isles, ne voulurent plus targer. Et allèrent à la voyle et eurent xvii livres de celle cannelle pour deux cousteaux grans.

L'arbre de ceste cannelle est haut et n'a sinon trois ou un rameaux longz d'une coudée et gros comme doigtz, et a la feuille comme celle de laurier. Et son escorce, c'est la canelle, et se cueille deux fois l'an. La cannelle s'appelle Caumana. Gau se nomme bois et mana doulx.

Ghap. LXXVL

Prenant leur chemin au Grec, allèrent à une grande cité nommée Maçdando estant en l'isle de Bathuan et Gala^han pour entendre quelque nouvelle de Mollucques et prindrent

\'OYAGE D'ANTHOINE PIGAPHETTA

par force ung prao et tuèrent sept hommes et xi demeurèrent, principaulx de Mangdando, entre lesquelz ung dist que estoit frère du roy de Mangdando et qu'il sçavoit où estoient MoUucques; et pour ce laissèrent la voye du Grec et prindrent celle de Siroc. A un cap de ceste isle de Bathuan et Calaghan, auprès du fleuve se trouvent hommes pelus, fort grandz, moult grandz combateurs, archiers, ayant espées larges une paulme et ne mengent des hommes sinon les cueurs crus avec jus d'orenges et de limons, et ces pelus s'appellent Benaian. Quant prindrent la voye de Siroc estoient à six degrez et sept minuttes à l'articque et trente lieues loing de Cavit.

Chap. LXXVII.

Allant à Siroc, trouvèrent quatre isles, Ciboco, Birahambatalach, Saranghani et Cadinghar. Le xxvni jour d'octobre, costoyans Birahambatalach , leur vint ung grand orage ; prièrent Dieu. Les trois Corpz sainctz apparurent et chassèrent toute l'obscurité. Hz promirent une esclave à Saincte Heleine', à Sainct Nicolas et Sainte Claire, tous les jours une aulmosne. Puis l'orage passé, suivirent leur chemin et entrèrent en ung port au milieu de Tisle Saranghani où se trouve or et perles et sontGeniilz et vont nuds comme les autres. Ce port est de latitude cinq degrez ix minutes et loing de Canit cinquante lieues.

I. Au lieu de Saincte Hélène, il faut lire Saint Elme. Le te.Kte italien porte : « Nous vîmes à l'extrémité des mâts les trois Corps saints qui dissipèrent l'obscurité : ils demeurèrent pendant plus de deux heures, saint Elme sur le grand mât, saint Nicolas sur la misaine et sainte Claire sur le trinquet.

APPENDICE

Chap. Lxxvm.

Hz furent là ung jour et prindrent par force deux pilotz pour leur enseigner Mollucques et le feirent. Et allèrent demy jour, passèrent par huyt isles habitées et inhabitées, lesquelles se nomment Cana, Canido, Cabiao, Camamuca, Cabalurao, Chiai, Lipan, Nuza, jusques à tant qu'ilz arrivèrent à une isle située en la fin de ceste, moult belle à veoir pour ce que avoient vent contraire, et ne povoient passer oultre d'une poincte de ceste isle. Et alloient de çà, de là, autour d'elle, pour ce que aucun qu'ilz avoient prins à Saranghani et le frère du roy de Mangdando, avec un sien filz estoient fuys en la nuict en novant en ceste isle, mais pour ce que le petit filz ne se pouvoir tenir sur les espaules de son pere, il fut noié. Et à cause qu'ilz ne peurent passer ladicte pointe , passèrent au dessoubz de l'isle où estoient moult de petites isles. Ceste isle tient quatre roys: Raia Mantadatu, Raia Lalagha. Raia Bapti, Raia Perabu. Et sont Gentilz. Et est trois degrez et demi à l artique et xxv lieues loing de Saranghani et est appelée Sanghir.

Chap. LXXIX.

Faisans ce mesme chemin, passèrent autour de cinq isles, Chiama, Parachita, Parazanghalura, Ciau, Lentara, Paghaizara à dix lieues de Sanghir. Ceste tient ung mont hault mais non large. Leur roy s'appelle Raia Ponte, et Paghaizara loing huyt lieues de Ciau, laquelle a trois montaignes haultes. Son roy s'appelle Raia Babintau. Toutes sont habitées de Gentilz. Au devant de Chiama est une isle dicte Talut. Puis trouvèrent au levant de Paraghinzara loing douze lieues, deux isles non moult grandes, habitées, appelées Zonr et Meau. Passées ces deux isles, le vi de novembre, se descouvrirent quatre isles

\'OYAGE D ANTHOINE PIGAPHETTA

haultes au Levant, loing de ces deux, quatorze lieues. Le pilote que avoicnt arresté dist que ces quatre isles estoient MoUucques. Parquoy regratierent Dieu, et de joye deschargerent toute l'artillerie. Et n'est de merveilles s'ilz estoyent fort joyeux, car ilz avoient passé vingt-sept mois moins deux jours pour les chercher. Par toutes ces isles jusques à MoUucques, le plus petit fonds que trouvassent, estoit cent et deux centz brasses, au contraire que disoient les Portugalois que là ne povoient naviger pour la grand basse et le ciel obscur, comme avoient imaginé.

Chap. LXXX.

Le huytiesme jour de novembre cinq cens vingt ung, trois heures devant le soleil levant^ entrèrent au port d'une isle nommée Tadore. Et le soleil soy levant, près de terre à vingt brasses deschargerent toutes les bombardes. Le jour venu, le roy vint en un prao à la nave, et vint une foys autour. Et soubdainement allèrent à Tencontre avec bateaux pour l'honorer. Il les feit entrer en son prao, et seoir auprès de soy, et luy seoyt soubz une courtine de soye que alloit à l'entour. Devant luy estoit ung de ses filz avec le sceptre royal, et deux avec deux vaisseaux d'or pour luy bailler eaue aux mains. Et deux autres avec deux boittes dorées plaines de betre. Le roy dict que fussent bien venuz. Et que jà longtemps avoit songé que aucunes navires venoient à MoUucques de lieu loingtain. Et pour plus se certiffier avoit voulu veoir la lune, et veit comme ilz venoient et que ilz estoient iceulx; quant le roy entra au navire, tous luy baisèrent la main. Puis le conduirent sur la pouppe, ilz le feirent seoir sur une chaire de velours rouge et le vestirent d'une robe de velours jaune. Et pour le plus honnorer seirent en terre près de luy. Quant furent tous seis, le roy commença et dict que luy et tout son peuple vouloient

APPENDICE

estre vrais amis et tresfideles à leur roy, roy d'Espaigne et que lesrecepvroit comme ses filz et que debvoient descendre en terre, comme en leurs propres maisons. Parquoy doresenavant, son isle ne s'appellera plus Tadore, mais Castille pour la grand amour que porte à leur roy son seigneur. Hz luy donnèrent ung présent qui fut le vestement et la chaire, une pièce de toille subtille, quatre brasses de drap escarlate, ung saion de brochât, ung drap de damas jaune, aucuns draps d'Inde labourez d'or et de soye, une pièce de toille blanche de Cambaye, deux bonnetz, six filz de cristallin, douze couteaux, trois miroirs grandz, six forces, six peignes, aucuns gobeletz dorez et autres choses. A son filz, ung drap d'Inde d'or et de soye, ung miroir grand, ung bonnet et deux couteaux. A neuf autres principaulx, à chascun ung drap de soye, ung bonnet et deux couteaux. Et à moult d'autres, à aucun ung bonnet, à aucun ung couteau, jusques à temps que le roy leur dist que debvroient cesser. Depuis dict que n'avoit autre que sa propre vie pour mander au roy son seigneur et que debvoient plus approcher à la cité. Et que si aucuns venoient de nuici à lanave, que les occissent avec leurs chopettes. Le congé prins, le roy se partit et ilz deschargèrent toutes les bombardes. Ce roy est More et a plus de cinquante-cinq ans, bien faict, avec une présence royalle, et moult grand astrologue. Alors estoit vestu d'une chemise de toille blanche tressubtille, l'extrémité des manches labourée d'or, et ung drap blanc de la ceinture quasi jusques en terre, et estoit deschaux. Il avoit entour la teste ung voj'le de so3'e et dessus ung tymbre de fleurs et s'appelle Raia Sulthan Manzor.

Chap. LXXXI.

Le dixiesme jour de novembre, ce roy voulut entendre combien de temps avoit que estoient paniz d'Espaigne, et la monnoye et la mesure, et que luy donnassent une forme du roy

VOYAGE D'ANTHOINE PIGAFHETTA 353

et une bannière royale, pour ce que doresenavant son isle et une autre nommée Tarenate (de laquelle fera couronner son nepveu dict Colavaghapi) fera que toutes deux seront au roy deCastille, et que pour honnorer son roy combattra jusques à la mort. Et quant ne pourra résister, viendra en Espaigne luy et tous les siens, en une fuste. Hz feirent faire de nouveau la forme et enseigne ro3-ale. Il pria que leur laissast aucuns hommes aftîn que, à toute heure, eust souvenance du roy d'Espaigne, et ne leur fauldra riens, ne leur sera besoing de marchander. Il voulut aller à une isle nommée Bacchian pour fournir pour prest leurs navires de gariofle. pour ce que le sien n'estoit point suffisant;! fournir les deux naves. Iceulx ne voulurent contracter pour ce qu'il estoit dimenche. Le jour de la feste de ce peuple est le vendredy.

Chap. LXXXII.

Les isles où naist le gariofle sont cinq : Tarenate, Tadore, Mutir, Machian et Bacchian. Tarenate est la principalle. Et quant le roy vivoit, il estoit quasi seigneur de toutes. Tadore en laquelle estoient, tient roy. Mutir et Machian n'ont point de roy, mais se gouvernent du peuple. Et quant les deux roys de Tarenate et de Tadore ont guerre ensemble, ces deux leur servent de gens. La dernière est Bacchian et a roy. Toute ceste province où naist le gariofle se nomme MoUucques. Et n'y avoit point encores sept moys que François Serran, portugalois, capitaine gênerai du roy de Tarenate contre le roy de Tadore estoit mort. Et feit tant que contraignit le roy de Tadore de donner une sienne fille pour femme au roi de Tarenate et quasi tous les filz des principaulx pour ostages. de laquelle fille estoit né le nepveu du roy de Tadore. Et depuis la paix faicte entre eulx, ung jour, François Serran vint en Tadore pour acheter gariofle et le roy le feit empoisonner avec feuilles de

APPENDICE

betre, et ne vesquit sinon quatre jours. Le roy le voulut faire ensepulturer selon sa loy^ mais trois Clirestiens ses serviteurs, ne le permirent. Il laissa ung filz et une fille petite, d'une femme qu'il printen Java la grande et ce. bahars de gariofle. Cestuy estoit grand amy et parent de leur capitaine gênerai et fut cause de le mouvoir à prendre ceste entreprinse. Car plusieurs foys, luy estant capitaine de MoUucques, luy avoit escript qu"il estoit là. Et pour ce que Don Manuel, roy de Portugal ne voulut accroistre la provision de nostre capitaine gênerai seulement d'ung teston par moys pour ses bienffaictz, il vint en Espaigne et eut du roy tout ce que voulut demander. Dix jours passez depuis la mort de François Serran, le roy de Tarenate nommé Raia Abouleis, ayant despouillé son gendre roy de Bacchian, fut empoisonné de sa fille, femme dudiciroy, soubz l'ombre de vouloir conclurrc la paix entre eulx, lequel ne dura que deux jours et laissa neuf filz principaulx nommez Checcilideroix, Cili Manzur, Cili Pagghi, Chialui, Tillecilin, Catara, Vaiechu, Serich et Colavoghapi.

Chap. LXXXIII.

Le unziesme de novembre, ung des hlz du roy de Tarenate, Checcilideroix, vestu de velours rouge vint à la navc avec deux praos, sonnant avec cymbales et ne voulut alors entrer dans la nave. Cestuy tenoit la femme et les enfans de Françoys Serran. Quant congneurent ce, ilz envoyèrent au Roy sçavoir se le debvoient recepvoir, car ilz estoient en son port. Leur manda qu'ilz feissent ainsi qu'ilz vouloient. Le filz du roy comme suspect se decosta de la nave, et allèrent à luy avec basteaux pour lui présenter ung drap d'or et de soye d'Inde avec aucuns couteaux, miroirs et forces; il les print comme ung petit de desdaing. Cestuy avoit avec luy ung Juif faict Chrestien nommé Emmanuel, serviteur d'ung Pierre Alfonce de Lorosa portu-

VOYAGE D'ANTHOINE PIGAPHETTA 355

galois, lequel depuis la mort de François Serran, vint de Badan à Tarenate. Le serviteur, pour ce que sçavoit parler Portugalois, entra dedens la nave et dit que jaçoit que le roy de Tarenate fut ennemi du roy de Tadore, neantmoins tousiours estoit au service du roy d Espaigne. Et envoyèrent une lettre à Pierre Alfonce par ce serviteur, que debvoit venir sans aucune double.

Chap. LXXXIIII.

Ce roy tient tant de femmes qu'il veult;, mais en a une pour sa femme principalle, à laquelle toutes les autres obéissent. Le roy de Tadore a une maison grande hors de la cité où sont deux centz de ses femmes, damoiselles de la principalle et autant d'autres les servent. Quant le roy menge, il menge seul avec sa femme plus principalle, en ung lieu hault comme ung tribunal, où on peult veoir tous les autres qui sont entour, et commande à celle que plus luy plaist que veult dormir avec elle la nuict. Le menger finé, si leur mande que mengent ensemble, elles le font; sinon chascune va menger en sa chambre. Nul sans licence du Roy ne le peult veoir. Et si aucun est trouvé de jour ou de nuict près de la maison du Roy, est tué. Une chascune famille est tenue de bailler au Roy une ou deux filles. Le Roy a xxvi enfans, huyt masles, les autres femmes. Devant cesteisle est une fort grande nommée Giailolo, habitée de Mores et de Gentilz. Entre les Mores sont deux rois (comme nous dist le roy), dont ung avoit cccccc filz que filles et l'autre cccccl. Les Gentilz ne tiennent pas tant de femmes et ne vivent point en si grande superstition, mais adorent la première chose que rencontrent le matin quant sortent de la maison, par tout le jour. Le roy de là est Gentil et s'appelle Raia Papua. Et est riche d'or et habite dedans Tisle. En l'isle de Giailolo naiscent cannes grosses comme la jambe, plaines d'eaue moult bonne à boire, et en a on assez de ce peuple.

APPENDICE

Chap. LXXXV.

Le XII de novembre, le roy feist disposer une maison en la cité pour nostre marchandise et les nostres quasi la portèrent toute. Et pour la garder, ilz laissèrent trois de leurs hommes. Et tantost, commencèrent à marchander en ceste manière. Pour dix brasses de drap rouge assez bon, leur donnoient un bahar de gariofles qui sont quatre quintaulx et six livres. Ung quintal est cent livres. Pour quinze brasses de drap non tant bon, ung bahar. Pour quinze hachettes, ung bahar. Pour trente cinq voirres, ung bahar. Pour dix sept bachili d'argent vif, ung bahar, etc. Tous les jours venoient à la nave moult de barques plaines de chievres, gelines, figues, coches et autres choses pour menger, tant qu'ilz s'esmerveilloient. Ils fournissoient la nave de bonne eaue, laquelle naist chaude, mais estant hors de la fontaine une heure, est tresfroide, et naist de la montaigne des gariofles.

Chap. LXXXVI.

Le xiii dudict moys, le roy envoya son filz dict Mosahat à Mutir pour gariofles ; pour plus prest les fournir, ilz dirent au Roy comment avoient certains Indiens. Il remercia moult Dieu et leur dist que luy feissent ceste grâce de luy donner les personnes pour envoyer avec cinq hommes des siens pour manifester le nom du Roy d'Espaigne. Alors luy donnèrent les trois dames prinses, au nom de la Royne. Et le jour suyvant, présentèrent toutes les personnes, sauf celuy de Burne, duquel eust tresgrand plaisir. Depuis dit que pour son amour, tuissent tous les porcz que avoient au navire, pour ce que leur donneroit tant de chievres et gelines que en tucroient à leur plaisir. Et ilz vindrent à luy soubz la cou-

VOYAGE D'ANTHOINE PIGAPHETTA 357

verture et quant en entrant par adventure les voyant, se couvroit le visaige pour les point veoir ne sentir leur odeur.

Chap. LXXXVII.

Sur le tard de ce jour, vint ung prao de Pierre Alfonce Portugalois et n'estoit point encores descendu; le roy l'envoya demander. Et en riant, luy dit de toutes nouvelles et fut après avec eulx et leur dit moult de choses et leur promist de venir avec eulx en Espaigne.

Chap. LXXXVIII.

Le quinziesme de novembre, le roy leur dist qu'il alloit à Bacchiam pour prendre les gariofles laissées par les Portugalois. Et demandoit deux presens pour donner aux deux gouverneurs de Mutir au nom du roy d'Espaigne. Et passant par le milieu du navire, voulut veoir comment se tiroient les chopettes, les arbalestres et les bersilz qui sont plus grandz que ung arc de buys. Il tira deux ou trois fois de l'arbalestre pour ce que luy plaisoit plus que les choppetes. Le samedy suyvant, le roy de Giailolo more vint à la navire avec moult de praos, auquel donnèrent ung sayon de damas verd. deux brasses de drap rouge, miroirs, forces, couteaux, pignes et deux voirres dorez. Et leur dist que puis qu ilz estoient amis au roy de Tadore, que aussy estoient à luy et que nous aimoit comme ses propres filz et que si jamais aulcuns d'eulx voisent en sa terre, ilz lui feront grand honneur. Ce roy est moult viel et tenu par toute l'isle pour roy moult puissant, et s'appelle Raia Jussu. Geste isle de Giailolo est tant grande que on met quatre moys à l'environner avec un prao. Le dimenche matin, ce mesme roy vint à la nave et voulut veoir comment ilz combactoient et comment ilz deschargeoient leurs bombardes, et de ce print

3 58 APPENDICE

tresgrand plaisir, et tantost se partit et nous fut dict que, en sa jeunesse, avoit esté grand combateur.

Chap. LXXXIX.

Le mesme jour Anthoine Pigaphetta alla en terre pour veoir comment naissent les gariofles. Les arbres sont haultz et gros comme ung homme au travers, et puis est plus menu. Ses rameaux s'espandent aucunement, larges au milieu, mais à la fin sont à manière de sommet. Leurs feuilles sont comme de laurier. L'escorce est de couleur d'olive. Les gariofles viennent, en la summité des rameaux, dix ou vingt ensemble. Quant les gariofles naiscent, ilz sont blancz, et meurs rouges, et secz noirs. Ilz se cueillent deux foys l'an. L'une en décembre, l'autre en juing, pour ce que en ces deux temps, l'air est plus tempéré, mais plus en décembre, à la nativité Nostre Seigneur. Quant l'air est plus chault et a moins de pluyes, se cueille trois centz et quatre centz bahars en chascune de ces isles. Et naiscent seulement ès montaignes, et si aucuns de ces arbres sont plantez en autre lieu, ilz ne vivent point. Les feuilles, l'escorce et le bois verd est aussi fort comme le gariofle. Se ilz ne cueillent quant sont meurs, deviennent grans et tant durs que autre chose d'eulx n'est bonne, sinon l'escorce. Et ne naiscent autres gariofles au monde, sinon en cinq montaignes de ces cinq isles dessus nommées. S'en trouve bien aucuns à Giailolo et une isle petite oultre Tadore et en Mutir, mais ne sont pas bons. Les nostres voyent quasi tous les jours une nuée descendre et avironner maintenant l'une, maintenant l'autre de de ces montaignes, parquoy ces gariofles deviennent parfaictz. Chascun de ces peuples a de ces arbres, et ung chascun garde les siens, mais ne les cultive pas. En cesdites isles se trouvent aucuns arbres de noix de muscade. L'arbre est comme le noyer et de mesme feuille. Quant la noix muscade se cueille, est

VOYAGE D'ANTHOINE PIGAPHETTA 559

grande comme ung petit coing avec la peau de dessus de mesme couleur. La première escorce est grosse comme la verdure de nostre noix soubz laquelle est une toille subtille, sous laquelle est le macis, moult rousse, enveloppée entour l'escorce de la noix. Et dedens ceste est la noix muscade. Les maisons de ce peuple sont faictes comme les autres, mais non si eslevées de terre et sont avironnées de cannes. Les femmes sont brutes et vont nues comme les autres avec un drap d'escorce d'arbre, lequel font en ceste manière. Elles prennent l'escorce et la laissent en l'eaue jusques tant que devienne molle, puis la battent avec le bois et la font devenir longue et large tant que veulent, et devient comme ung voyle de soye avec certains filetz dedens, si que semble estre tissue.

Hz mengent pain du bois de l'arbre faict en ceste manière. Hz prennent une quantité de ce bois mol et tirent dehors certaines espines longues, puis la pilent et ainsi en font pain et quasi n'en usent sinon pour porter en la mer et s'appelle saghii. Les hommes sont fort jaloux de leurs femmes et ne vouloient que les nostres allassent les braves descouvertes, de la forme que la portent en nostre région.

Chap. XC.

Ung jour vindrent du Tarenate avec des barques chargée de gariofles et ne contractèrent point pour ce que attendoient le roy. Et pour ce, ceulx de Tarenate se doubtoient fort. Le lundy, leur roy vint sonnant de cymbales, passant par le milieu des naves et deschargerent moult de bombardes. Et dit que jusques à quatre jours viendroit moult de gariofle et le xxvi de novembre, en envoya sept centz nouante ung cathil et le mirent dedens la nave; et en divers lieux le gariofle s'appelle autrement ghoinode, boughalavam, chiauche.

APPENDICE

Chap. XCI.

Ce jour, le roy leur dit que n'estoit de coustume de partir de son isle, mais luy estoit parti pour l'amour du roy de Castille et affin que plus tost retournassent en Espaigne, et que retournez, peussent venger la mort de son pere qui fut tué en une isle dicte Buru; et dist que n'estoit la coustume que les naves partissent que le roy ne leur feist ung cc'nvif et que leur vouloit faire. Hz doublèrent de trahison et du banquet que malheureusement leur avoit esté faict et dirent que vouloient partir sans avoir banquet ne convive. Et après beaucoup de suasions au contraire, et que le temps de partir n'estoit point apte, et pour les seiches et basses, le roy feist apporter son Alcoran, premièrement le baisant et le mettant quatre ou cinq foys sur la teste, disant certaines parolles; et dist devant luy que juroit par Ala et par l'Alcoran que avoit en la main, tousiours vouloir estre au roy d'Espaigne et disoit tout ce, quasi en plourant. Et pour ces belles parolles, feurent contens de attendre encore quinze jours. Depuis, entendirent aucuns des principaulx de Tisle luy avoir dict que nous debvoit occire et que en ce feroit grand plaisir aux Portugalois. Et que leur respondit que ne le feroit pour chose aucune.

Chap. XCII.

Vingt septiesme de novembre, vint ung gouverneur de Machian auquel feirent présent. Et leur dist que leur enverroit assez de gariofles. Et ce gouverneur se nommoit Humar et estoit environ de vingt-cinq ans.

Chap. XCIII.

Le cinquiesme jour de décembre et sixiesmc, achetèrent

VOYAGE D'ANTHOINE PIGAPHETTA 361

moult de gariofles : pour quatre brasses de frize, ung bahar de gariofles, pour deux chaisnes de letton valant un marcel, cent livres de gariofles. Et quant n'avoient plus marchandises bailloient leurs chapes et chemises. Le vu dudict moys, vindrent trois filz du roy de Tarenate avec Pierre Alfonce portugalois et leurs trois femmes auxquelz et quelles ils feirent dons. Et au partir de leur nave, deschargerent moult bombardes. Toute ceste gent, tant hommes que femmes vont toujours deschaulx.

Ch.\p. XCIIII.

Le neufiesme de décembre, vindrent plusieurs au navire, le roy, sa femme, Pierre Alfonce, sa femme. Et ne voulurent entrer en la barque de Pierre Alfonce^, ne le laissèrent entrer en leur nave. Et pour ce qu'estoit grand amy du capitaine de Malacca, estoit venu pour piller et le craignoient moult.

Chap. XCV.

Le quinziesme de décembre, vint le roy de Bacchian et son frère, pour prendre à femme la fille du roy de Tadore. Toute la bende estoit cxx avec moult de bannières de plumes de papegaux, blanches, jaunes et rouges et moult busines avecques deux autres praos de damoiselles pour présenter à l'espouse. Et quant passèrent auprès des naves, les saluèrent avec bombardes. Et le roy vint au devant pour leur congratuler, car les roys n ont de coustume de descendre en la terre d'ung autre roy. Quant le roy de Bacchian le veit venir, il se leva d'ung tapis où seoit et se mist d ung costé. Le roy de Tadore ne voulut seoir sur le tapis, mais de l'autre part, et ainsi nul n'estoit sur le tapis. Le roy de Macchian donna au roy cinq patoles pour le mariage de la fille avec son frère. Patoles sont drapz d'or et de soye faictz en China, moult apreciez entre eulx. Et chascun More pour le plus honnorer se vestit de ce drap.

APPENDICE

Chap. XCVI.

Le jour suyvant, le roy envoya convive au roy de Macchian, par cinquante dames toutes vestues de drap de soye, de la ceinture jusques aux genoux, à deux et à deux, ung homme au milieu d'elles. Chascune portoit ung grand plat plain de petits platz de diverses viandes. Et les hommes portoient seulement vin en grans vaisseaux. Dix des plus vieilles portoient masses, et ainsi vindrent au prao et présentèrent toutes ces choses au roy qui se seoit sur le tapis, soubz une courtine rouge et jaune. Et depuis le roy nous envoya chievres, coches, vin et autres choses. Et mirent les voyles aux naves, où estoit une croix de sainct Jacques en Galice où estoit escript : Geste est la figure de nostre bonne advcnture.

Ghap. XGVIl.

Le jour suyvant, donnèrent presens au roy, certaines pièces d'artillerie, hacquebutes, aucuns picquiers' de voirre, et quatre barilz de pouldre et prindrent huyt bottes d'eaue pour chascune nave. Le roy de Bacchian avec moult d'autres des siens descendit en terre avec eulx et devant luy quatre hommes avec estocz levez en la main. Et dist en la présence de l'autre roy et de tous les assistans, que tousiours seroit serviteur du roy d'Espaigne et garderoit en son nom les gariofles laissez des Portugalois^ jusques tant que viendront une autre fois, et plus ne leur en donnèrent sans leur consentement. Et envoyoit au roi d'Espaigne dix baharsde gariofles, mais leurs naves estoient tant chargées que ne les pouvoient porter, et deux oiseaux mortz tresbeaux, gros comme une turte, la teste petite, avec long bec, jambes longues une palme et subtilles. N'ont point