ÉPITAPHE DE SOUILLART

Je suys Souillart le blond et le beau chien courant, De mon temps lemillez et le mieulx pourchassant; Du bon chien saint Hubert, qui Souillart avoit nom, Fuz filz et héritier, qui eult>si grand regnom; Car après son trespas me laissa sa bonté.

En l'an devant sa mort m'avoit desjà dompté.

Je veul bien maintenir sur tous chiens bien menés Avoir esté de ceulx qui ont eu plus hault nez, Avec 1^ pié la gueulle longuement forsonnant,

^ Pour coateau de parade.

A rente de mon droit tout lé jour bien venant,

J'ay creu, craint et aymé sur tous aultres mon maistre

Autant que list onc chien ne est possible d'estre ;

Maintz plaisirs luy ay faictz en plusieurs grands de£faulx

Où il c'estoit trouvé par pluyes et par grandz chaulx.

Droit chien bault ay esté de ceuk que loe Phébus,

Et croy qu'après ma mort il n'en demeura nulz,

Et n'est de mes enffans, dont j'ay eu vingt et deux,

Qui par toutes forestz prenoient les cerfz tous seulz.

Du temps que je régnoie estoit Baulde en Veolu,

La bonne lisse rouge, qui tant de bien a eu,

Honaise la belle et bonne, et Clérault et Jombaol *

M'ont fait de grandz secours et par terre et par eau.

Dont n'eussent-ilz esté, j'eusse lessé la peau ;

En cheange et dehors cheange feisoient bien leur mestier ;

Mais tousjours à besoing je leur faisoie mestier.

J'ay fait de belles traictes et mainctes saillies de cerfz,

Autant que fist chien, dont se sentent mes nerfz.

Maint chevaulx ay lassés pour me siiyvre à chasser ;

Les ungs mortz ou mallades, les autres fais lasser.

Mon maistre auchune foyz ay fait piquer si fort

Que soubz luy en courant tombait son cheval mort.

Au bon roy Loys qui tant ayma la chasse,

Fuz jeune présenté pour chien de boïine rasse,

Et par luy fus donné au sénéchal Gaston

Qui au grand sénéchal en fist présent et don.

Ainsy servy ces troys qui m'ont si bien conduict.

Pour prendre cerfz à force n'est chien qui mieulx soit duyt.

Je suys maintenant vieul et suys tenu bien aise

Pour l'amour du bon roi ne fais rien qui desplaise

Au maistre à qui je suys qui me garde si chier

Qu'il me fait pain et char pour mon vivre trenchier.

Coucher dedens sa chambre près du feu chaudement^

Paille et belle lictière acoustrée naitement :

Le bel escu pour marque à croix destre au costé:

Je suys en cest estât que je vous dy traicté.

Dieu, par sa saincle grâce, doint paix et paradis

Au roy mon premier maistre et celuy qui m'a niys

Au service duquel j'é ma vie assignée,

Chez Jacques de Brésé, où elle sera usée.