août 1568. — Lettre de Charles IX à M. du Lude

Monsieur le conte, vous aurés assez entendu par plusieurs et diverses dépesches que je vous ay faictes, et mesme la dernière par ung gentilhomme que j'ay envoyé exprès devers vous, quelle est mon intention pour faire vivre tous mes subjects en bonne unyon, repos et tranquillité ; et pour ce que ceulx de la relligion prétendue refFormée se plaignent ordinairement des meurtres, voUeries et autres torts et injures qu'ils prétendent leur estre faicts, je vous envoyé une ordonnance, laquelle vous ferés tenir à tous les bailliz et séneschaux est ans en vostre gouvernement pour icelle faire publier à son de trompe et cry publicq, leur enjoignant d'y satisfaire et mettre à exécution le contenu en icelle, à quoy je vous prie de vostre part tenir la main si roidde que l'on congnoisse combien je désire que la justice soit faicte et administrée sincèrement à tous mes subjects, et mes édicts gardés et entretenuz, me tenant adverty le plus souvent que vous pourries de ce que par vous et mes dits officiers y aura été fait, priant Dieu, Monsieur le conte, qu'il vous ayt en sa sainte garde.

Escript à la Rocquette, le xxx* jour d'aoust 1 568. Signé : Charles. Et plus bas : Robertet, avec paraphe.

Au dos est écrit : A Monsieur le conte du Ludde, etc..