Le siège de Niort

vostre entreprinse ne feust exécutée ; ce matin m'est venu trouver ce porteur qui m'a apporté les quatre enseignes que vous avez faict defFaire par monsieur de Rufec qui s'en alloient à Nyort *, qui n'est pas peu osté de moyen à l'ennemy de renforcer la dite ville, vous ayant bien voullu renvoyer incontinant ce dit porteur pour vous advertyr de tout de ce que dessus, affînque, sy vous n'avez à son arrivée exécutée vostre entreprinse, vous regardiez à vous et faire en sorte que vous ne soyez surprins ne vostre artillerie, mesmement en ce temps de pluye que les chemins sont mauvais ; et si vous avés prins la ditte ville, vous la pourvoyerez de ce que vous verrez y estre nécessaire, et par mesme moyen fault pourvoir Poictiers, sy tant est que les dits ennemys prennent et continuent le chemyn qu'ils ont commancé, et se verra aujorduy plus amplemenltj leurs desseings; et quant à l'argent de Chastellerault pour les frais de vostre artillerye, il y a icy des depputés du dit Chastellerault qui sont venus faire des remonstrances là dessus; je les renvoieray ceste après- dinée avec commandement exprès de fournir la somme de deux mil cinq cens livres à laquelle ils ont esté modérés et laquelle fauldra faire mectre en mains du trésorier de l'artillerye et suyvant l'ordonnance du sieur de la Bourdeziere; au surplus, je ne puis que grandement louer vostre entreprinse et encores plus la fin de l'efFect d'icelle, comme vous l'espérez ; mais surtout donnez vous garde qu'ils ne vous desbandent jour et nuyct deux ou trois mil hommes de cheval pour vous en prester une ; je m'asseure que vous y sçaurez bien pourveoir et à tout ce qui dépend de vostre charge; et sur ce, je prye à Dieu, Monsieur le conte, qu'il vous ayt en sa saincte et digne garde.

4. Il s'agit là encore de l'échec subi par Puyviault à Pied-de-Fond, le 21 juin. M. de Ruffec, capitaine d'une compagnie de gens d'armes, joua le principal rôle dans cette rencontre. (Journal de Généraux. p. 49.)

Escript au camp de Roche l'Abeille, le xxviij^ jour de juing 1 569. Vostre bon amy. Signé : Henry.

La suscription : A Monsieur le conte du Lude, etc..