mars 1574. — Lettre du duc de Montpensier à M. du

Lude.

Mon cousin, par ce que je suis délibéré me mettre bientost à la campaigne et avecques une bonne trouppe de gens de bien m'approclier des forces de nos ennemis le plus que je pourray, je désirerois m'y accompagner dans l'une compaignye de ceulx que je sçay estre affectionnés au service du roy ; et pour ce que je vous recognois le premier en ces quartiers de ce rang, je vous prye, mon cousin, me voulloir mander quant vous aurez moyen de me venir trouver avecques les forces que vous pourrez amener. Cependant je me recommande de bon cœur à vostre bonne grâce et prye Dieu vous donner, mon cousin, ce que désirez.

De Clîinon, ce 18^ jour de mars 1574. Vostre plus affectionné cousin et meilleur amy. Signé : Loys de Bourbon.

La suscription : A mon cousin, Monsieur le conte du Ludde, etc..