mai 1574. — Lettre du roi Charles IX à M. du Lude

Monsieur le conte, ayant trouvé, par le procès fait à la Molle, conte de Coconat et leurs complices, que les mareschaulx de Montmorency et de Cossé estoient les principaulx aulteurs des conspirations faictes contre ma personne et mon Estât, dont je vous ay donné advertissement ces jours passez, et ayant présentement descouvert que, continuant leurs malheureuses intentions, ils estoient sur le poinct de tenter encores un coup d'exécuter ce qu'ils avoient failly auparavant, j'ay esté contrainct de me saisir de leurs personnes et iceulx faict mener en la Bastille à