mai 1553. — Lettre de Montmorency à M. du Lude

Monsieur le conte, par Textraict que je vous envoyé présentement vous verres comme les douze gallères que le roy a à Marseille ont donné la chasse plus de vingt mil aux treize impérialles qui ont portés le duc d'Albe en Espaigne, ensemble les bonnes nouvelles que ledict sieur eut hier de Thérouenne ; oultre cela sont venues lettres des sieurs de la Garde et Daramon qui asseurent que dès le jour, sainct Georges dernier passé, Sman Vassa * debvoit partir de Constantinople avec soixante et dix grosses gallères pour venir trouver les ennemis que le roy a par deçà et par ensemble adviser de courre sus à TEmpereur aux lieulx et endroicts qu'ils verront plus à propos pour plus Tendommaiger. Le roy d'Arger faict aussy en toute dilligence assembler son armée de mer qui est de quarante voilles, pour avecques les gallères que nous avons en Provence, courre la coste d*Espaigne et empescher, s'il est possible^ le passaige du prince, ou bien que les forces de mer qui de présent sont au dict pays d'Espaigne ne se puissent aller joindre avec celles qui sont à Gennes, de quoy j'espère bien queicelluy prince se trouvera tellement empesché qu'il n'aura point d'envye et encores moins de moyen de vous demander riens. Toutesfoys, le roy n'a laissé de retenir six cappitaines pour lever gens par delà, sibesoing est, oultre les bandes que pourront faire les gouverneurs de Vaurmes , d'Acqs et Mauléon de Saoulle, affaire survenant ; desquels cappitaines je vous envoyé les noms, et n'ayant que vous dire davan-