juin 1553. — Lettre du roi Henri II à M. du Lude

Mon cousin, je vous ay ordinairement faict sçavoir et mesme par ma dernière dépesche comme les choses ont passé à Thérouenne et le bon et grand debvoir que y ont faict les gens de bien que j'avoys dedans; depuis, mon cousin le duc de BouUon m'a envoyé le déchiffrement d'une lettre que mon cousin de Montmorency lui avoit escripte du 1 6® de ce mois dont la coppie sera avec la présente, afin que vous voyés en quelle nécessité il se trouvoit lors d'hommes, de chirurgiens, drogues et autres choses et ce qu'il en mandoit à mon cousin le duc de BouUon * . La nuict du dict 1 6* entra dedans la dicte ville le secours dont je vous ay adverty qui estoit bien petit en une telle extrémité. Le 20 mes ennemys qui estoient maîtres du fossé et qui avoyent jà employé de dix à unze sepmaines au siège de la dicte place, ayant faict trois mynées en trois endroicts du rampart, et levé avec une grande et furieuse batterye tout ce que mes gens y avoient rabillé et remparé depuis le premier assault, donnèrent le feu aux dictes mynées qui emportèrent tout le dict rampart, de sorte que Ton y pouvoit entrer à cheval ; et sur les dix ou unze heures donnèrent un assault auquel ils forcèrent si peu de gens de bien qui me restoient en icelle place, sans que jamais pas ung d'eulx ayt pour tel et si inévitable danger aulcunement parlé de la rendre ou composer. Sur cela je vous laisse penser auquel ennuy et desplaisir me revient une telle perte et le contentement et satisfaction que d'aultre costé je doys avoir de m'y estre veu si bien vertueusement et vaillamment servy, dont j'ay bien voullu vous advertir, afin que vous entendes à la vérité comme la chose est passée et croyés que je suis bien délibéré de m'en ressentir si vivement envers mes