avril 1562. — Lettre de Charles IX à M. d'Estissac

Monsieur Destissac, ayant esté adverty qu'aucuns de mes subjects s 'estant assemblés en grande trouppe en armes, se sont allés saisir de ma ville d'Orléans; ne poulvant penser à quelle intention sy ce n*est pour quelque grande entreprinse eontre le bien de mon service et le repos de tous mes subjects et que du costé de Guyenne ils se ventent debvoir estre secourus d'une grande force, j'escripts présentement à Monsieur de Burye ', mon lieutenant général en Guyenne en l'absence démon oncle le roy de Navarre, de lever quelque noumbre d'enseignes de gens de pied, et avec icelles et les forces qu'il a jà assemblées tant de gens de pied que de cheval, empesche le secours qui de ce costélà leur pourroit venir. Le semblable fay-je au sieur du Ludde, mon lieutenant général en Poictou en l'absence de mondit oncle le roy de Navarre ; et pour ceste cause, s'il avoyt besoing de l'ayde de tous mes bons subjects et serviteurs, assembler le plus de la noblesse qu'il pourra, et d'aultant que je say et cognois la dévotion, fidellité et bonne vollonté que vous avés au bien de mon service, je vous en ay bien voullu escripre pour vous prier, Monsieur d'Estissac, pour l'importance que cela est à mon dit service, de l'aller trouver et luy voulloir assister en cela de tout ce que vous pourrés et luy donner toute l'ayde et secours qui sera en vostre puissance et vous asseurer que je recognoistray ce service faict en mon grand besoing envers vous, selon vostre mérite, et je prieray Dieu, Monsieur Destissac, vous avoir en sa saincte et digne garde.

1. Louis d'Estissac, chev., s' d'Estissac, de Coulonges-les-Royaux et Benêt, gouverneur de la Rochelle et de l'Aunis.

2. Charles de Coucis, comte de Burie, d'une ancienne famille de Saintonge.

De Melun, ce 4® jour d'avril 1562. Signé : Charles. Et plus bas : Robertet, avec paraphe.

Au dos est escript : A Monsieur Destissac, gentilhomme de ma chambre.